ប្រទេសអ៊ីស្រាអែល-ហ្គាហ្សា ៖ អ៊ីស្រាអែលកាលពីថ្ងៃទី២៧ តុលា បានចោទប្រកាន់ស៊ីរីថា បញ្ជាជាមួយជំនួយរបស់អ៊ីរ៉ង់ឲ្យមានការបាញ់គ្រាប់រ៉ុក្កែតច្រើនសិបគ្រាប់ទៅកាន់ដែនដីអ៊ីស្រាអែល ចេញពីជ្រោយហ្គាហ្សា ដែលញ៉ាំងឲ្យការតបតរបស់ខ្លួន ពុំមានកម្រិតភូមិសាស្ត្រ។
ក្រុមរ៉ាឌីកាល់ប៉ាឡេស្ទីនមួយគឹក្រុមជីហាដអ៊ិស្លាម ក្រោយអះអាងពីបទឈប់បាញ់គ្នាជាបន្ទាន់មួយ ចុះហត្ថលេខាក្រោមការធ្វើអាជ្ញាកណ្ដាលរបស់អេហ្ស៊ីប គូសបញ្ជាក់ថាខ្លួននឹងឈប់បាញ់គ្រាប់រ៉ុក្កែតចេញពីជ្រោយហ្គាហ្សាជាថ្នូរនឹងការឈប់ឈ្លានពានរបស់អ៊ីស្រាអែល។
ជ្រោយហ្គាហ្សានិងភាគខាងត្បូងអីុស្រាអែលជួបប្រទះនឹងរលកថ្មីនៃអំពើហិង្សា រវាងថ្ងៃទី២៦និងព្រឹកថ្ងៃទី២៧តុលា។ជនប៉ាឡេស្ទីន៦នាក់ស្លាប់ពេលមានការប៉ះទង្គិចគ្នាជាមួយកងទ័ពអ៊ីស្រាអែល ពេលបាតុកម្មប្រចាំរាល់ថ្ងៃសុក្រ ហើយបន្ទាប់មកគ្រាប់រ៉ុក្កែតប្រមាណជាង៤០គ្រាប់ ត្រូវបានបាញ់ចេញពីហ្គាហ្សាឆ្ពោះទៅអ៊ីស្រាអែល ដែលតបតវិញតាមរយៈការវាយប្រហារតាមអាកាសច្រើនសិបលើកលើដែនដីប៉ាឡេស្ទីន។
អ្នកនាំពាក្យម្នាក់របស់កងទ័ពអ៊ីស្រាអែលនិយាយថា ការបាញ់គ្រាប់រ៉ុក្កែតនាពេលយប់ដាក់អ៊ីស្រាអែល ត្រូវបានបញ្ជាដោយស៊ីរីជាមួយការលូកដៃយ៉ាងច្បាស់ របស់កងឆ្មាំបដិវត្តន៍អីុរ៉ង់។អ្នកនាំពាក្យរូបនោះអះអាងមុខក្រុមអ្នកកាសែតថា ការតបតរបស់អ៊ីស្រាអែលនឹងពុំកម្រិតព្រំដែនភូមិសាស្ត្រឡើយ រួចអាចសំដៅលើស៊ីរីនិងកងទ័ពអ៊ីរ៉ង់ក្នុងប្រទេសកំពុងមានសង្គ្រាមនៅជាប់ជិតខាងគ្នា។
អ៊ីស្រាអែលពុំមានទំនាក់ទំនងការទូត ទាំងជាមួយស៊ីរីទាំងជាមួយអ៊ីរ៉ង់ ដែលខ្លួនចាត់ទុកថាជាសត្រូវក្នុងតំបន់៕
ចែករំលែកព័តមាននេះ