ខេត្តកំពត ៖ ប្រជាពលរដ្ឋនៅភូមិភ្នំដំរី និងភូមិអូរលួស ឃុំដំណាក់កន្ទួតខាងជើង ស្រុកកំពង់ត្រាច ដោយសារតែការវាយថ្មតាមបែបបុរាណរបស់អ្នកភូមិមិនទាន់សមស្របតាមបំណងរបស់ពួកគាត់ ក៏មានការជួយជ្រុំជ្រែងពីក្រុមឈ្មួញជួយទិញរំសេវលួចលាក់ឱ្យពួកអ្នកភូមិ ច្នៃបំផ្ទុះបំបែកផ្ទាំងថ្មធំៗដូចជាភ្នំដំរី ភ្នំស…
ខេត្តកំពត ៖ ប្រជាពលរដ្ឋនៅភូមិភ្នំដំរី និងភូមិអូរលួស ឃុំដំណាក់កន្ទួតខាងជើង ស្រុកកំពង់ត្រាច ដោយសារតែការវាយថ្មតាមបែបបុរាណរបស់អ្នកភូមិមិនទាន់សមស្របតាមបំណងរបស់ពួកគាត់ ក៏មានការជួយជ្រុំជ្រែងពីក្រុមឈ្មួញជួយទិញរំសេវលួចលាក់ឱ្យពួកអ្នកភូមិ ច្នៃបំផ្ទុះបំបែកផ្ទាំងថ្មធំៗដូចជាភ្នំដំរី ភ្នំស និងភ្នំផ្សេងៗទៀតក្នុងស្រុកកំពង់ត្រាច យកទៅលក់។
តែអាជ្ញាធរស្រុកកំពង់ត្រាច នៅតែបន្តតាមចាប់អ្នកមានរំសេវទៅបំផ្ទុះភ្នំយកថ្ម និងហាមឃាត់ពួកអ្នកភូមិមិនឱ្យយកគ្រឿងបំផ្ទុះនេះ ទៅដាក់បំផ្ទុះភ្នំទៀតឡើយ។ ហើយពលរដ្ឋខ្លះពិតជាបានខ្លាចនឹងអាជ្ញាធរ ហើយពួកគាត់បានងាកមកកាយ និងជីកដុតតាមបែបបុរាណ។
លោកយាយសូត្រ សាន់ អាយុ81ឆ្នាំ នៅភូមិភ្នំដំរី បាននិយាយថា អ្នកភូមិបានខ្លាចនឹងអាជ្ញាធរមិនហ៊ានដាក់បំផ្ទុះថ្មភ្នំទៀតទេ ពួកគាត់មកជីក និងដុតថ្មឱ្យក្ដៅដល់កំរិតវា និងប្រះងាយស្រួលវាយបំបែកឱ្យតូចៗ។ លោកយាយប្រាប់បន្តថា គាត់ជីកយកថ្មនេះ គ្រាន់លក់បានលុយធ្វើបុណ្យទាននឹងគេ។
បើតាមលោក ស សំអុល មានអាជ្ញាប័ណ្ឌមានការដ្ឋានថ្ម ក៏បាននិយាយថា ខ្លួនបានខាតបង់ជាច្រើនក្នុងការបង់ប្រាក់ជូនរដ្ឋ ដោយឡែកអ្នកមានរោងសិប្បកម្មកិនថ្ម៤កន្លែងនៅឃុំកំពង់ត្រាច មិនមានច្បាប់ទេ ត្រង់នេះធ្វើឱ្យអ្នកមានអាជ្ញាប័ណ្ណរងការខាតបង់ប្រាក់ ព្រោះអ្នកអត់អាជ្ញាប័ណ្ណគេធ្វើបាន។
ចែករំលែកព័តមាននេះ