ខេត្តមណ្ឌលគិរី ៖ ប្រជាពលរដ្ឋជាជនជាតិដើមភាគតិចចំនួន១២០នាក់ បានចូលរួមកម្មវិធីសិក្ខាសាលាពិគ្រោះយោបល់ស្តីពីឯកសារព្រាងប្រវត្តិជនជាតិដើមភាគតិចស្ទៀង ដែលប្រព្រឹត្តទៅក្រោមវត្តមានលោក សាន្ត គីមអ៊ាប អភិបាលរងស្រុកកែវសីមា លោកសី ទូច…
ខេត្តមណ្ឌលគិរី ៖ ប្រជាពលរដ្ឋជាជនជាតិដើមភាគតិចចំនួន១២០នាក់ បានចូលរួមកម្មវិធីសិក្ខាសាលាពិគ្រោះយោបល់ស្តីពីឯកសារព្រាងប្រវត្តិជនជាតិដើមភាគតិចស្ទៀង ដែលប្រព្រឹត្តទៅក្រោមវត្តមានលោក សាន្ត គីមអ៊ាប អភិបាលរងស្រុកកែវសីមា លោកសី ទូច ប្រធានមន្ទីរវប្បធម៌ និងវិចិត្រសិល្បខេត្តមណ្ឌលគិរី ស្ថិតនៅភូមិឆ្នែងក្នុង ឃុំស្រែខ្ទុម ស្រុកកែវសីមា នាព្រឹកថ្ងៃទី១៦ ខែតុលា ឆ្នាំ២០១៨ ។
លោកសី ទូច ប្រធានមន្ទីរវប្បធម៌ និងវិចិត្រសិល្បខេត្តមណ្ឌលគិរីបានលើកឡើងថា ដោយអនុវត្តទៅតាមផែនការសកម្មភាពដែលបានគ្រោងទុក និងដោយមានការគាំទ្រថវិកាពីរាជរដ្ឋាភិបាលកម្ពុជាមន្ទីរបានគាំទ្រសកម្មភាពនេះទៅក្នុងកម្មវិធីសមាហរណកម្មផែនការថ្នាក់ស្រុក នៅស្រុកកែវសីមាសម្រាប់ការអនុវត្តនៅឆ្នាំ២០១៨នេះ ។ លោកប្រធានបានបន្តថា មន្ទីរបានរៀបចំក្រុមកាងារជំនាញ ដើម្បីអនុវត្តកាងារដោយមានការប្រជុំពិភាក្សាជាច្រើនលើក ដើម្បីរៀបចំបញ្ជីសំនួរ និងមធ្យោបាយក៏ដូចជា វិធីសាស្ត្រមួយចំនួនមុន និងចុះដល់ទីតាំងដែលបងប្អូនជនជាតិស្ទៀងរស់នៅ ។
លោកបញ្ជាក់ថា ឯកសារព្រាងប្រវត្តិប្រពៃណីទំនៀមទម្លាប់ជនជាតិដើមភាគតិចស្ទៀងមានដូចជា១ – ប្រវត្តដើមរបស់ជនជាតិដើមស្ទៀង ២- ការសង់លំនៅស្ថាន និងការរស់នៅ ៣- ជំនឿសាសនាប្រពៃណីទំនៀមទម្លាប់ ៤- ភាសា និងសិល្បចំណុចទាំង៤ក៏បានបែងចែកជាផ្នែកតូចជាច្រើនទៀតមានកម្រាស់០៨ទំព័រផងដែរ ។
លោកសាន្ត គឹមអ៊ាប អភិបាលរងស្រុកកែវសីមាថ្ងៃនេះជាថ្ងៃដ៏វិសេសវិសាលណាស់ដែលមន្ទីរវប្បធម៌ និងវិចិត្រសិល្បៈខេត្តបានសហការជាមួយរដ្ឋបាលស្រុកកែវសីមាក្នុងការរៀបចំសិក្ខាសាលាពិគ្រោះយោបល់លើឯកសារព្រាងប្រវត្តិជនជាតិដើមភាគតិចស្ទៀងដែលនេះជាសមិទ្ធផលការងារដ៏ថ្មីថែមទៀតរបស់រដ្ឋបាលខេត្តនិយាយជារួម និងនិយាយដោយឡែកសម្រាប់រដ្ឋបាលស្រុកកែវសីមាក៏ជាសមិទ្ធផលថ្មីដ៏មានតម្លៃដែលមិនអាចកាត់ថ្លៃបានព្រោះថា បងប្អូនជនជាតិដើមភាគតិចស្ទៀង នៅក្នុងខេត្តមណ្ឌលគីរីស្ទើរតែ១០០ភាគរយ គឺរស់នៅក្នុងស្រុកកែវសីមា ហើយត្រូវបានចងក្រងជាប្រវត្តិទុកសម្រាប់ជាឯកសារដល់អ្នកសិក្សាស្រាវជ្រាវជាពិសេស គឺលែងមានការភាន់ច្រឡំ និងបាត់បង់ចាប់ពីខណៈនេះតទៅ ៕
ចែករំលែកព័តមាននេះ