ខេត្តកំពត ៖ រថយន្តបែនជាប់២០គ្រឿងបានចូលទៅដឹកដីនៅភ្នំមួយសំបូរទៅដោយដើមខ្លុងត្បែង ដែលភ្នំដែលគេចូលទៅកាយដីដឹកលក់យ៉ាងអនាធិបតេយ្យនេះ ស្ថិតនៅភូមិកណ្ដាលទួល ឃុំកំពង់ត្រាច ខាងលិចស្រុកកំពង់ត្រាច ខេត្តកំពត ។ លោកពេជ្រ…
ខេត្តកំពត ៖ រថយន្តបែនជាប់២០គ្រឿងបានចូលទៅដឹកដីនៅភ្នំមួយសំបូរទៅដោយដើមខ្លុងត្បែង ដែលភ្នំដែលគេចូលទៅកាយដីដឹកលក់យ៉ាងអនាធិបតេយ្យនេះ ស្ថិតនៅភូមិកណ្ដាលទួល ឃុំកំពង់ត្រាច ខាងលិចស្រុកកំពង់ត្រាច ខេត្តកំពត ។
លោកពេជ្រ សុខា ប្រធានការិយាល័យរ៉ែថាមពលស្រុកកំពង់ត្រាច បានប្រាប់អ្នកយកព័ត៌មានកាលពីព្រឹកថ្ងៃសៅថា ភ្នំគេកាយដីនេះ ស្ថិតនៅស្រុកដំណាក់ចង្អើរ ខេត្តកែប ។ ទោះបីជាអាជ្ញាធរបានឆ្លើយបែបមិនទទួលខុសត្រូវក៏ដោយ ប្រជាពលរដ្ឋនៅភូមិកណ្ដាលទួល បានទទួលស្គាល់ថា ភ្នំមួយដែលគេបានបិទបើកទ្វារចូលទៅកាន់កន្លែងដឹកដីនោះជាភ្នំក្នុង ស្រុកកំពង់ត្រាចទេ ។
គេធ្លាប់បានដឹងថា ភ្នំក្រុមអ្នកមានគ្រឿងចក្រចូលទៅកាយដីលក់នេះ អាជ្ញាធរធ្លាប់មកឃាត់គ្រឿងចក្រម្ដងដែរ ហើយក្រោយមកទៀតអ្នកមានគ្រឿងចក្របានបើកអេស្កាទ័ររត់ចុះពីភ្នំនេះជាច្រើនដង ព្រោះពួកមានគ្រឿងចក្រទាំងនោះបានភ័យខ្លាច និងអាជ្ញាធរ ។
ពលរដ្ឋម្នាក់នៅភូមិកណ្ដាលទួលនិយាយប្រាប់ថា អ្នកដែលមានគ្រឿងចក្រចូលទៅកាយដីភ្នំនេះ អាស្រ័យទៅលើអ្នកកាន់សោទ្វារដែក បើនិយាយជាមួយអ្នកកាន់សោទ្វារត្រូវគេអាចចាក់សោបើកទ្វារឲ្យរថយន្តចូលដឹកបាន បើនិយាយមិនត្រូវរថយន្តដឹកដីក៏មិនអាចចូលទៅដឹកបានទេ ព្រោះផ្លូវមានតែមួយគត់ចូលទៅកាន់ភ្នំគេកាយដីលក់ ៕
ចែករំលែកព័តមាននេះ