ហោះឡើងបន្តិច… ឧទ្ធម្ភាគចក្រម្ចាស់ក្លិបធ្លាក់ផ្ទុះឆេះយ៉ាងរន្ធត់ (មានវីដេអូ)
ក្រោយការប្រកួតរវាងក្លិប Leicester City និងក្លិប West Ham បានបញ្ចប់ប្រមាណ១ម៉ោងប៉ុណ្ណោះ គេឃើញឧទ្ធម្ភាគចក្ររបស់លោក Vichai Srivaddhanaprabha…
ក្រោយការប្រកួតរវាងក្លិប Leicester City និងក្លិប West Ham បានបញ្ចប់ប្រមាណ១ម៉ោងប៉ុណ្ណោះ គេឃើញឧទ្ធម្ភាគចក្ររបស់លោក Vichai Srivaddhanaprabha ម្ចាស់ក្លិប Leicester City បានធ្លាក់ និងផ្ទុះឆេះយ៉ាងសន្ធោសន្ធៅភ្លាមៗ នៅបរិវេណចំណតរថយន្តក្នុងពហុកីឡដ្ឋាន King Power របស់ក្លិប បន្ទាប់ពីហោះឡើងបានបន្តិចប៉ុណ្ណោះ។
យ៉ាងណាមិញ ក្នុងហេតុការណ៍នេះ គេមិនទាន់ដឹងច្បាស់ថា លោក Vichai Srivaddhanaprabha ដែលជាជនជាតិថៃ និងជាម្ចាស់ក្លិបកញ្ជ្រោងខៀវ ស្ថិតនៅលើឧទ្ធម្ភាគចក្រនោះ ឬយ៉ាងណាទេ? ប៉ុន្តែបើតាមទម្លាប់ គឺលោកតែងតែប្រើប្រាស់ឧទ្ធម្ភាគចក្រនេះធ្វើដំណើរជានិច្ចមុន និងក្រោយពេលប្រកួតម្តងៗ ។
ទោះជាយ៉ាងណា រហូតមកទល់ពេលនេះ មិនទាន់មានប្រភពច្បាស់ការណ៍ណាមួយបញ្ជាក់ពីចំនួនអ្នកស្លាប់ ឬរបួសក្នុងហេតុការណ៍ខាងលើនៅឡើយទេ ។
គួរបញ្ជាក់ថា កាលពីរាត្រីថ្ងៃសៅរ៍កន្លងទៅ ក្លិប Leicester City បានបើកកីឡដ្ឋានរបស់ខ្លួនស្វាគមន៍ក្លិប West Ham ក្នុងជំនួបប្រកួតក្របខ័ណ្ឌប្រឺមីញេលីគសប្តាហ៍ទី ១០ ហើយក្លិបទាំងពីរក៏ទទួលបានលទ្ធផលស្មើ១-១ផងដែរ ៕ វីដេអូដកស្រង់ចេញពី ៖ STORIES BRASIL
https://www.youtube.com/watch?v=bOcdnQpmW_A
ចែករំលែកព័តមាននេះ