ខេត្តបន្ទាយមានជ័យ ៖ បុរសចំណាស់ម្នាក់បានស្លាប់នៅពេលបញ្ជូនទៅមន្ទីរពេទ្យដោយសារឧប្បត្តិហេតុ គ្រោះថ្នាក់ចរាចររថយន្តបុកម៉ូតូ ខណៈឡើងជែងដូចគ្នាលើដងផ្លូវជាតិលេខ៥ ក្នុងភូមិនិមិត្តថ្មី សង្កាត់និមិត្ត ក្រុងប៉ោយប៉ែត កាលពីរសៀលថ្ងៃទី២៦ តុលា…
ខេត្តបន្ទាយមានជ័យ ៖ បុរសចំណាស់ម្នាក់បានស្លាប់នៅពេលបញ្ជូនទៅមន្ទីរពេទ្យដោយសារឧប្បត្តិហេតុ គ្រោះថ្នាក់ចរាចររថយន្តបុកម៉ូតូ ខណៈឡើងជែងដូចគ្នាលើដងផ្លូវជាតិលេខ៥ ក្នុងភូមិនិមិត្តថ្មី សង្កាត់និមិត្ត ក្រុងប៉ោយប៉ែត កាលពីរសៀលថ្ងៃទី២៦ តុលា ២០១៨។ ជនរងគ្រោះក្នុង ហេតុការណ៍ឈ្មោះ ស៊ីង សឹង អាយុ៦២ឆ្នាំ មានទីលំនៅភូមិត្រាង ឃុំអូរតាគី ស្រុកថ្មគោល ខេត្តបាត់ដំបង។
ជនរងគ្រោះរងរបួសធ្ងន់ដាច់ជើងម្ខាង និងរបួសពេញខ្លួន។ សមត្ថកិច្ចជំនាញនៃអធិការដ្ឋាននគរក្រុងប៉ោយប៉ែតប្រាប់ថា មុនកើតហេតុជនរងគ្រោះបើកបរម៉ូតូម៉ាក Zoomer-X ពណ៌ក្រហម ពាក់ស្លាកលេខ បាត់ដំបង ១AA-៨៧០០ ក្នុងទិសដៅពីលិចទៅកើត ឡើងជែងម៉ូតូសណ្តោងរ៉ឺម៉ក១គ្រឿងស្របទិសក៏ត្រូវរថយន្តម៉ាកឡិចស៊ីស RX-៣០០ ពណ៌ទឹកប្រាក់ ពាក់ស្លាកលេខ សៀមរាប ២C-៦០០៣។
បើកបរបញ្ច្រាសទិស និងកំពុងឡើងជែងរថយន្តមួយគ្រឿងទៀត បុកប្រាវបណ្តាលឱ្យរបួសធ្ងន់ និងស្លាប់ពេលបញ្ជូនទៅមន្ទីរពេទ្យបង្អែកក្រុងប៉ោយប៉ែត។ អ្នកបើកបរេថយន្តគេចខ្លួនបាត់ ហើយយានយន្តពាក់ព័ន្ធទាំង២ត្រូវបានសមត្ថកិច្ចជំនាញនាំយក ទៅរក្សាទុក នៅប៉ុស្តិ៍រដ្ឋបាលនគរបាលសង្កាត់និមិត្តដើម្បីដោះស្រាយតាមច្បាប់៕
ចែករំលែកព័តមាននេះ