ខេត្តកំពង់ចាម ៖ រមណីយដ្ឋានកែច្នៃពីដើមឫស្សីស្ទើរទាំងស្រុងនៅលើភ្នំហាន់ជ័យខេត្តកំពង់ចាម បានបើកទទួលភ្ញៀវចាប់ពីថ្ងៃទី១៥ តុលា ២០១៨តទៅ ។ លោកឆន គឹមពិចេដ្ឋ អ្នកគ្រប់គ្រងទូទៅ…
ខេត្តកំពង់ចាម ៖ រមណីយដ្ឋានកែច្នៃពីដើមឫស្សីស្ទើរទាំងស្រុងនៅលើភ្នំហាន់ជ័យខេត្តកំពង់ចាម បានបើកទទួលភ្ញៀវចាប់ពីថ្ងៃទី១៥ តុលា ២០១៨តទៅ ។
លោកឆន គឹមពិចេដ្ឋ អ្នកគ្រប់គ្រងទូទៅ រមណីយដ្ឋានដែលមានសញ្ញាផ្កាឈូកឲ្យដឹងថា រមណីយដ្ឋានភ្នំហាន់ជ័យ ផ្តល់សេវាកម្មតាមបែបសេវាជាទេសចរណ៍ បដិសណ្ឋារកិច្ច ភោជនីយដ្ឋាន សណ្ឋាគារ ជូនភ្ញៀវដែលទៅកម្សាន្ត លំហែកាយ តាមរបៀបវិបស្សនា សមាធិ ដើម្បីព្យាបាលផ្លូវចិត្ត ដែលមានគ្រូពេទ្យផ្នែកជំនាញខាងចិត្តសាស្ត្រព្យាបាល និងបង្រៀនដល់សិស្ស ក្នុងសហគមន៍ជុំវិញតំបន់ភ្នំហាន់ជ័យ ហើយដែលអនាគតនឹងក្លាយជាបុគ្គលិកបម្រើការក្នុងរមណីយដ្ឋាននេះតែម្តង ។
គ្រាន់តែរមណីយដ្ឋានHANCHEY BAMBOO-RESORT បើកឲ្យដំណើរការសាកល្បងរយ:ពេលប៉ុន្មានថ្ងៃក្នុងឳកាសដាក់បិណ្ឌនោះ គឺមានភ្ញៀវចូលទស្សនា និងទទួលសេវាអាហារច្រើន ។ ជាមួយនោះក៏មានភ្ញៀវច្រើននាក់ បានទាក់ទងតាមទូរស័ព្ទ សុំកក់បន្ទប់ដើម្បីសម្រាកលំហែកាយ ។
មណីយដ្ឋានប្ញស្សី មានខ្យល់អាកាសបរិសុទ្ធ ភ្ញៀវអាចគយគន់ទេសភាពរបស់ដងទន្លេមេគង្គ ពិសេសមានការសាងសង់អគារពីដើមប្ញស្សី ប្រកបដោយការច្នៃប្រឌិតខ្ពស់ ដែលបានរចនាចេញពីផ្កាឈូក ។រមណីយដ្ឋាន HANCHEY BAMBOO-RESORT សាងសង់លើដីទំហំ៥ហិកតា នៅជាប់រមណីយដ្ឋានប្រវត្តិ សាស្ត្រភ្នំហាន់ជ័យខាងទឹកដីភូមិព្រែកព្រះអង្គ ឃុំព្រែកបាក់ ស្រុកស្ទឹងត្រង់ និងមានចម្ងាយ២៤គីឡូម៉ែត្រពីក្រុងកំពង់ចាម ៕
ចែករំលែកព័តមាននេះ