សហរដ្ឋអាមេរិក-ចិន ៖ សហរដ្ឋអាមេរិកប្រកាសនាថ្ងៃទី២៣តុលាថា បានបញ្ជូនកាលពីថ្ងៃទី២២តុលានូវនាវាពិឃាត២គ្រឿងទៅកាន់ច្រកសមុទ្រតៃវ៉ាន់ ដូចដែលខ្លួនធ្លាប់ធ្វើពីមុនមកក្នុងឆ្នាំនេះ ទោះបីមានការព្រមានរបស់ក្រុងប៉េកាំង ដែលនិយាយចង់ឲ្យមានការគោរពអធិបតេយ្យភាពនិងបូរណភាពដែនដីចិនក្ដី។ ការបញ្ជូននាវាចម្បាំងទាំង២គ្រឿងនោះទៅ ត្រូវបានក្រុងវ៉ាស៊ិនតោនចាត់ទុកថា ជាការឆ្លងកាត់ជាទម្លាប់…
សហរដ្ឋអាមេរិក-ចិន ៖ សហរដ្ឋអាមេរិកប្រកាសនាថ្ងៃទី២៣តុលាថា បានបញ្ជូនកាលពីថ្ងៃទី២២តុលានូវនាវាពិឃាត២គ្រឿងទៅកាន់ច្រកសមុទ្រតៃវ៉ាន់ ដូចដែលខ្លួនធ្លាប់ធ្វើពីមុនមកក្នុងឆ្នាំនេះ ទោះបីមានការព្រមានរបស់ក្រុងប៉េកាំង ដែលនិយាយចង់ឲ្យមានការគោរពអធិបតេយ្យភាពនិងបូរណភាពដែនដីចិនក្ដី។
ការបញ្ជូននាវាចម្បាំងទាំង២គ្រឿងនោះទៅ ត្រូវបានក្រុងវ៉ាស៊ិនតោនចាត់ទុកថា ជាការឆ្លងកាត់ជាទម្លាប់ ក្នុងដែនទឹកអន្តរជាតិតែវាអាចបង្កើនភាពតានតឹងរវាងចិននិងអាមេរិក ដែលកំពុងធ្វើសង្គ្រាមពាណិជ្ជកម្មជាមួយគ្នារួចទៅហើយ។
ក្នុងសេចក្ដីប្រកាសមួយអ្នកនាំពាក្យនៃទីបញ្ជាការដ្ឋានកងម៉ារីនអាមេរិក នៅប៉ាស៊ីហ្វិកនិយាយថា នោះជាប្រតិបត្តិការមួយសំដៅបង្ហាញពីការយកចិត្តទុកដាក់របស់អាមេរិក ចំពោះតំបន់ឥណ្ឌូ-ប៉ាស៊ីហ្វិកសេរីនិងបើកចំហ។
ក្រសួងការបរទេសចិននាថ្ងៃទី២៣តុលាបានសម្ដែងការព្រួយបារម្ភចំពោះរឿងនេះ ហើយអ្នកនាំពាក្យក្រសួងនោះលោកស្រីHUA CHUNYINGថ្លែងថា បញ្ហាតៃវ៉ាន់ទាក់ទិននឹងអធិបតេយ្យភាពនិងបូរណភាពដែនដីចិន។នោះជាបញ្ហាយ៉ាងសំខាន់បំផុត និងរសើបបំផុតក្នុងទំនាក់ទំនងចិន-អាមេរិក។
ថ្លែងទៅកាន់ក្រុមអ្នកកាសែត កាលពីយប់ថ្ងៃទី២៣តុលា ប្រធានាធិបតីអាមេរិកលោកដូណាល់ត្រាំនិយាយថា លោកពុំបារម្ភចំពោះប្រតិកម្មរបស់ក្រុងប៉េកាំងឡើយ៕
ចែករំលែកព័តមាននេះ