ខេត្តស្វាយរៀង ៖ មានភ្លើងឆេះចម្ការអំពៅអស់ចំនួន៦,៥០ហិកតា សមត្ថកិច្ចសង្ស័យថា មានមនុស្សលួចដុត បំផ្លាញចោល។ បើតាមសមត្ថកិច្ចនគបាលប៉ុស្តិ៍រដ្ឋបាលឃុំគគីរសោម បានឲ្យដឹងថា ករណីគេលួចដុតអំពៅនេះ កើតឡើងកាលពីវេលាម៉ោង១២…
ខេត្តស្វាយរៀង ៖ មានភ្លើងឆេះចម្ការអំពៅអស់ចំនួន៦,៥០ហិកតា សមត្ថកិច្ចសង្ស័យថា មានមនុស្សលួចដុត បំផ្លាញចោល។ បើតាមសមត្ថកិច្ចនគបាលប៉ុស្តិ៍រដ្ឋបាលឃុំគគីរសោម បានឲ្យដឹងថា ករណីគេលួចដុតអំពៅនេះ កើតឡើងកាលពីវេលាម៉ោង១២ និង៥០នាទីថ្ងៃត្រង់ នៅចំណុចចម្ការអំពៅជិតព្រំដែន ស្ថិតនៅភូមិបាត់ថង់ ឃុំគគីរសោម ស្រុកសវាយទាប បណ្តាលឲ្យខូចខាតអំពៅអស់ចំនួន៦,៥០ហិកតា។
ប្រភពដដែលបន្តទៀតថា ក្រោយពីមានអ្នកលួចដុតអំពៅឆេះសន្ធោសន្ធៅរួចមកទើបអ្នកយាមចម្ការអំពៅបានឃើញ ហើយបានប្តឹង មកសមត្ថកិច្ច និងរាយការណ៍ទៅម្ចាស់ក្រុមហ៊ុន គឺលោក កុយ សារ៉េន ក៏បានយកគ្រឿងពន្លត់អគ្គីភ័យ របស់ក្រុមហ៊ុនគឺត្រាក់ទ័រទៅពន្លត់ចំនួន៦គ្រឿង រហូតដល់ម៉ោង២ និង០៥នាទីរសៀល ទើបពន្លត់បានជោគជ័យ។
រីឯលោក កុយ សារ៉េន មានប្រសាសន៍ថា ជនខិលខូចតែងតែលួចដុតអំពៅខណៈអំពៅជិតដល់រដូវប្រមូលផល ពេលអំពៅកំពុងធ្វើដើមមានក្មេងដេញគោក្របីឲ្យចូលស៊ីអំពៅ រីឯមនុស្សចាស់ចូលលួចកាត់ចុងអំពៅយកទៅឲ្យ គោក្របីស៊ី ដល់ពេលជិតដល់ប្រមូលផលមកលួចដុតបំផ្លាញចោល។ លោកសូមឲ្យសមត្ថកិច្ចស្រាវជ្រាវរកមុខ ជនបង្កអគ្គិភ័យមកផ្តន្ទាទោសឲ្យខានតែបាន៕
ចែករំលែកព័តមាននេះ