ជនជាតិ​ដើម​ភាគតិច​មួយ​ក្រុម នាំ​គ្នា​លួច​កាប់​ទន្ទ្រាន​ដី​ព្រៃ


ខេត្ត​មណ្ឌល​គី​រី ៖ មន្ត្រី​ជំនាញ​បរិស្ថាន សហការ​ជាមួយ​កម្លាំង​ចម្រុះ​ស្រុក​ពេ​ជ្រា​ដា បាន​ចុះ​ប្រតិបត្តិការ​ហាមឃាត់ ការ​កាប់​រុករាន​ដី​ព្រៃ​ខុសច្បាប់ កាលពី​រសៀល​ថ្ងៃ​ទី​២៣ តុលា ២០១៨ នៅ​ចំណុច​អូរ​ពោត ស្ថិត​ក្នុងភូមិ​ពូ​ទឺ​ត ឃុំ​ប៊ូ​ស្រា ស្រុក​ពេ​ជ្រា​ដា ខណៈ​មាន​អ្នក​ភូមិ​ចំនួន​២០​នាក់ កំពុង​ធ្វើ​សកម្មភាព​កាប់​ព្រៃ​ដើម្បី​យក​ដី​ជា​កម្មសិទ្ធិ​។

លោក វុ​ធ សា​រុំ នាយក​ដែន​ជម្រក​ការពារ​សត្វព្រៃ​ភ្នំ​ណាំ​លៀរ​បាន​ឲ្យ​ដឹង​ថា «​អ្នក​ភូមិ​ជនជាតិ​ដើម​ភាគតិច​មួយ​ក្រុម​រស់នៅ​ភូមិ​ឃុំ​ខាងលើ មាន​គ្នា​ប្រមាណ​២០​នាក់​បាន​ទៅ​កាប់​ទន្ទ្រាន​ដី​ព្រៃ​នៅ​ជិត​ស្នាក់​ការ​អូរ​ពោត តាំងពី​ថ្ងៃ​ទី​២២ រហូត​ដល់​ថ្ងៃ​ទី​២៣ តុលា ដោ យ​ពួក​គេ​បាន​កាប់​ព្រៃ​កំណត់​ធ្វើ​ជា​ព្រំ​ជា​ច្រើន​កន្លែង​»​។ នាយក​ដែន​ជម្រក​ការពារ​សត្វព្រៃ​ភ្នំ​ណាំ​លៀរ​បាន​បន្ត​ថា៖

«​ទោះបី​មន្ត្រី​ឧ​ទ្យា​នុ​រក្ស​ហាមឃាត់ និង​ពន្យល់ មិន​អនុញ្ញាត​ឲ្យ​ពួក​គាត់​បន្ត​កាប់​រាន​ដី​ព្រៃ​យ៉ាងណា​ក៏​ព្រម​ស្តាប់ ដោយ​គាត់​អះអាង​ថា បាន​សុំ​ទៅ​អាជ្ញាធរ​រួច​ហើយ​…​ក្រោយ​ពី​មន្ត្រី​ជំនាញ​បាន​សុំ​គោលការណ៍​ពី​ថ្នាក់លើ ក៏​សម្រេច​ចុះ​ទៅ​ហាមឃាត់​ពួ​គគាត់​ជា​លើក​ទី​ពីរ និង​បាន​ហៅ​តំណាង​អ្នក​ភូមិ​ចំនួន​៥​នាក់​ទៅ​ពិភាក្សា​នៅ​ស្នាក់​ការ​បរិស្ថាន ហើយ​ពួក​គាត់​ក៏​បាន​យល់ព្រម​ឈប់​កាប់​ព្រៃ​ដោយ​រង់ចាំ​ធ្វើ​ពាក្យ​ស្នើ​សុំ​ទៅ​អាជ្ញាធរ​ខេត្ត និង​សេចក្តីសម្រេច​ពី ថ្នាក់ដឹកនាំ​សិន​»​។

គិត​ត្រឹម​វេលា​ម៉ោង​២​រសៀល ថ្ងៃ​ទី​២៣ តុលា ២០១៨ ក្រុម​អ្នក​ភូមិ​ដែល​ចូល​ទៅ​កាប់​ព្រៃ​យក​ដី ក្នុង​ដែន​ជម្រក​ការពារ​សត្វព្រៃ​ភ្នំ​ណាំ​លៀរ បាន​បំបែក​គ្នា​វិល​ត្រឡប់​ទៅ​លំនៅ​ឋាន​វិញ ក្រោយ​មានការ​សម្របសម្រួល ពី​អាជ្ញាធរ ដោយ​មិន​មាន​ឃាត់ខ្លួន​មនុស្ស​ណា​ម្នាក់​ឡើយ​ក្នុង​ករណី​ខាងលើ​នេះ​៕

បរិស្ថាន

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ