ខេត្តព្រៃវែង ៖ ទូកងវែងជាងគេបំផុត ដែលធ្វើឡើងដើម្បីត្រៀមបំបែកឯតទគ្គកម្មពិភពលោក ត្រូវបានអាជ្ញាធរខេត្តព្រៃវែង រៀងចំធ្វើពីធីក្រុងពាលីដាក់តាំងបង្ហាញកាលពីព្រឹកថ្ងៃទី២៣ តុលា ព្រឹកមិញនេះ នៅចំណុចអតីតកំពង់ចម្លងអ្នកលឿងត្រើយខាងកើត ដែលស្ថិតក្នុងភូមិ៤…
ខេត្តព្រៃវែង ៖ ទូកងវែងជាងគេបំផុត ដែលធ្វើឡើងដើម្បីត្រៀមបំបែកឯតទគ្គកម្មពិភពលោក ត្រូវបានអាជ្ញាធរខេត្តព្រៃវែង រៀងចំធ្វើពីធីក្រុងពាលីដាក់តាំងបង្ហាញកាលពីព្រឹកថ្ងៃទី២៣ តុលា ព្រឹកមិញនេះ នៅចំណុចអតីតកំពង់ចម្លងអ្នកលឿងត្រើយខាងកើត ដែលស្ថិតក្នុងភូមិ៤ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង។
បើតាមការអះអាងពីអាជ្ញាធរខេត្តព្រៃវែង បានអោយដឹងថា ការដាក់តាំងបង្ហាញទូកងដែលវែងជាងគេបំផុតនេះ គឺដើម្បីអោយប្រជាពលរដ្ឋបានឃើញ និងទស្សនានូវសមិទ្ធិផលដ៏អស្ចារ្យជាប្រវត្តិសាស្ត្រមួយនេះផង និងរៀបចំត្រៀមសម្រាប់អោយមន្ត្រីជំនាញរបស់អង្គការកំណត់ត្រាពិភពលោក ដែលហៅកាត់ថា ហ្គីណេសប៊ុក មកត្រួតពិនិត្យវាយតម្លៃនៅថ្ងៃទី១២ វិច្ឆិកា ខាងមុខនេះផង ហើយបើសិនជាទូកងវែងជាងគេបំផុតមួយនេះអាចបំបែកឯតទគ្គកម្មពិភពលោក ហ្គីណេសប៊ុក នឹងប្រគល់ពានរង្វាន់អោយនៅថ្ងៃ១២ វិច្ឆិកានេះតែម្តង។
ទោះជាយ៉ាងណាក៏ដោយ នៅពេលដែលទូកងវែងជាងគេបំផុតនេះ ត្រូវបាននាំយកមកដល់មាត់ទន្លេ ទីប្រជុំជនអ្នកលឿង គឺបានទាក់ទាញចំណាប់អារម្មណ៍ប្រជាពលរដ្ឋជាខ្លាំង ហើយគេរំពឹងថានិងមានអ្នកមកចូលរួមទស្សនាទូកងនេះយ៉ាងច្រើនបំផុត ជាពិសេសនៅថ្ងៃដែលមន្ត្រីជំនាញ ហ្គីណេសប៊ុក ចុះមកវាយតម្លៃនោះ។
គួរបញ្ជាក់ផងដែរថា ទូកងវែងជាគេបំផុតក្នុងលោកនេះ ត្រូវបានផ្តួចផ្តើមកសាងឡើងដោយលោក ស សុខា អ្នកតំណាងរាស្ត្រមណ្ឌលព្រៃវែង និងលោក ជា សុមេធី អភិបាលខេត្តព្រៃវែង ដោយបានចាប់ផ្តើមកសាងឡើងកាលពីចុងខែមេសាឆ្នាំ២០១៨ និងបានធ្វើរួចរាល់ជាស្ថាពរនៅពាក់កណ្តាលខែតុលានេះ ដោយធ្វើឡើងពីឈើគគីរធំៗចំនួន៣ដើមកន្លះ។ ទូកនេះមានបណ្តោយប្រវែង៨៧ម៉ែត្រ ទទឹងប្រមាណជិត២ម៉ែត្រ និងផ្ទុកចំណុះមនុស្សបានចំនួន១៧៩នាក់ ៕
ចែករំលែកព័តមាននេះ