ខេត្តរតនគិរី ៖ នគរបាលស្រុកអណ្តូងមាស កាលពីវេលាម៉ោង៩ព្រឹកថ្ងៃទី១៩ ខែតុលាកន្លងទៅ បានចាប់ខ្លួនយុវជនម្នាក់នៅឃុំតាឡាវ ស្រុកអណ្តូងមាស ពីបទចាប់រំលោភក្មេងស្រីជាអនីតិជនម្នាក់ និងមានកាយសម្បទាខ្វិនជើងដៃទៀតផង ។
ប្រភពពីសមត្ថកិច្ចបានឱ្យដឹងថា យុវជនដែលត្រូវឃាត់ខ្លួននេះ ឈ្មោះ ជឿន សុភា អាយុ២៤ឆ្នាំ ជាកសិករ មានទីលំនៅក្នុងភូមិ ឃុំ ខាងលើ ។ ជននេះ បានចាប់រំលោភក្មេងស្រីអាយុ១២ឆ្នាំនិងពិការកាយសម្បទាផង ខណៈនាងនៅផ្ទះម្នាក់ឯង កាលពីវេលាម៉ោង២រសៀលថ្ងៃទី១៨ ខែតុលា។
ប្រភពពីនគរបាលប៉ុស្តិ៍តាឡាវ បានឱ្យដឹងថាបន្ទាប់ពីបានទទួលបណ្តឹងពីបងស្រីជនរងគ្រោះភ្លាម ក៏បានសហការជាមួយកម្លាំងជំនាញចុះដល់កន្លែងកើតហេតុ និងឃាត់ខ្លួនជនសង្ស័យកសាងសំណុំរឿងតាមនីតិវិធី។
ចែករំលែកព័តមាននេះ