ខេត្តបន្ទាយមានជ័យ ៖ ជនជាតិចិនជាង១០នាក់ត្រូវបានសមត្ថកិច្ចចម្រុះនគរបាល និងអាវុធហត្ថក្រុងប៉ោយប៉ែតបង្ក្រាប និងឃាត់ខ្លួននៅនឹងកន្លែង ប៉ុន្តែមិនទាន់ដឹងពីមូលហេតុ ព្រោះតែពួកគេប្រដាប់ដោយបំពង់ទីប និងដែកស្ទើរគ្រប់ដៃ។ ករណីខាងលើឈានដល់ការផ្ទុះអាវុធ និងបង្កភ្ញាក់ផ្អើលកាលពីវេលារំលងអាធ្រាត្រម៉ោងជិត១ឈាន…
ខេត្តបន្ទាយមានជ័យ ៖ ជនជាតិចិនជាង១០នាក់ត្រូវបានសមត្ថកិច្ចចម្រុះនគរបាល និងអាវុធហត្ថក្រុងប៉ោយប៉ែតបង្ក្រាប និងឃាត់ខ្លួននៅនឹងកន្លែង ប៉ុន្តែមិនទាន់ដឹងពីមូលហេតុ ព្រោះតែពួកគេប្រដាប់ដោយបំពង់ទីប និងដែកស្ទើរគ្រប់ដៃ។
ករណីខាងលើឈានដល់ការផ្ទុះអាវុធ និងបង្កភ្ញាក់ផ្អើលកាលពីវេលារំលងអាធ្រាត្រម៉ោងជិត១ឈាន ថ្ងៃទី២១ តុលា ២០១៨ លើដងផ្លូវបេតុងជិតបុរីហ្គោតឡាក់ ក្នុងភូមិបាលិលេយ្យ១សង្កាត់ប៉ោយប៉ែត ក្រុងប៉ោយប៉ែត។
ប្រភពព័ត៌មានឱ្យដឹងថា ជនជាតិចិនដែលនគរបាលក្រុងប៉ោយប៉ែតឃាត់ខ្លួននេះមានចំនួន១៣នាក់។
ប្រភពព័ត៌មានឱ្យដឹងថា មុនកើតហេតុ ជនជាតិទាំងនេះមានជម្លោះជាមួយជនជាតិខ្មែរមួយក្រុម ប៉ុន្តែមិនដឹងមូលហេតុពិតប្រាកដនោះទេ ប៉ុន្តែខ្លះថាអាចដោយសាររឿងស្រី ព្រោះមួយក្រុមជាជនជាតិខ្មែរ ក្រោយជម្លោះបានរត់គេចខ្លួនអស់។
ប្រភពព័ត៌មានបានឱ្យដឹងថា ដំបូងជនជាតិចិនមានគ្នា៤ទៅ៥នាក់ទេ ពេលជម្លោះកើតឡើងបានទូរស័ពហៅគ្នាមកកាន់តែច្រើនប្រដាប់ដោយបំពង់ទីប និងដែកស្ទើរគ្រប់ដៃ សូម្បីសមត្ថកិច្ចចូលបង្ក្រាបក៏ពួកគេហាក់មិនស្តាប់ធ្វើឲ្យសមត្ថកិច្ចពិបាកក្នុងការចូលបង្ក្រាប ទើបឈានដល់ការបំផ្ទុះអាវុធឡើងលើជាច្រើនគ្រាប់។
ករណីខាងលើកោះសន្តិភាពមិនអាចទាក់ទងសុំការបំភ្លឺលម្អិតពីលោកវរសេនីឯកធិន ស៊ិនដេត អធិការនគរបាលក្រុងប៉ោយប៉ែតបានទេព្រោះទូរស័ព្ទទាក់ទងជាច្រើនដងគ្មានអ្នកទទួល។
លោកព្រំ ពិសិដ្ឋ អធិការរងទទួលផែនព្រហ្មទណ្ឌនៃអធិការដ្ឋាននគរបាលប៉ោយប៉ែតប្រាប់តាមទូរស័ព្ទថាករណីខាងលើពេលនេះកំពុងសាកសួរជនជាតិចិននៅឡើយ ហើយក៏មិនទាន់ដឹងមូលហេតុពិតប្រាកដនោះដែរ ព្រោះតែភាគីពាក់ព័ន្ធម្ខាងទៀតជាជាជនជាតិខ្មែរបានគេចខ្លួនអស់។
លោកបន្តថា ករណីនេះមិនទាន់ឈានដល់អំពើហិង្សាបង្ក របួសស្នាមលើបុគ្គលណាមួយនោះទេ ដូច្នេះក្រោយសាកសួរអាចត្រឹមតែអប់រំហើយអនុញ្ញាតឲ្យវិលត្រឡប់ទៅវិញ ។
តាមព័ត៌មានចុងក្រោយទាក់ទិននឹងករណីខាងលើបានឱ្យដឹងថា លោកអធិការរងទទួលបន្ទុកអន្តោប្រវេសន៍នៃអធិការនគក្រុងប៉ោយប៉ែតបញ្ជាក់សារជាថ្មីថា បានសុំគោលការណ៍ពីព្រះរាជអាជ្ញាហើយ ក្រោយពីសាកសួរជនសង្ស័យដែលជាជនជាតិទាំងនោះនឹងបញ្ជូនទៅសាលាដំបូងខេត្តដើម្បីផ្តន្ទាទោសតាមនីតិវិធី ៕
ចែករំលែកព័តមាននេះ