២គ្រឿងពន្លះគ្នាលើផ្លូវជាតិលេខ៥
- ពោធិ៍សាត់
ខេត្តពោធិ៍សាត់ ៖ កាលពីវេលាម៉ោង១២ថ្ងៃត្រង់ថ្ងៃទី២០ ខែតុលា ឆ្នាំ២០១៨ នៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ ១៥៣-១៥៤ ស្ថិតក្នុងភូមិផ្សារ ឃុំអន្លង់ត្នោត…
ខេត្តពោធិ៍សាត់ ៖ កាលពីវេលាម៉ោង១២ថ្ងៃត្រង់ថ្ងៃទី២០ ខែតុលា ឆ្នាំ២០១៨ នៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ ១៥៣-១៥៤ ស្ថិតក្នុងភូមិផ្សារ ឃុំអន្លង់ត្នោត ស្រុកក្រគរ មានគ្រោះថ្នាក់ចរា
ចរណ៍មួយបានកើតឡើង រវាងរថយន្ដបុកជាមួយម៉ូតូ បណ្ដាលឲ្យភាគីជិះម៉ូតូបោកក្បាលនឹងថ្នល់សន្លប់ស្ដូកស្ដឹង។
សមត្ថកិច្ចឲ្យដឹងថា ជនរងគ្រោះឈ្មោះ ហួត បូរី ភេទប្រុសអាយុ២១ឆ្នាំ រស់នៅភូមិវាលវង់ឃុំស្នារអន្សារ ស្រុកក្រគរ ជាអ្នកបើកបរម៉ូតូម៉ាកហុងដា ធុនសេ១៥ ពណ៌ខ្មៅ ពាក់ស្លាកលេខ ពោធិ៍សាត់ ១G-០៦៦៣ ។ ចំណែករថយន្ដបង្កគ្រោះថ្នាក់ម៉ាក KIA ពណ៌ខៀវ ពាក់ស្លាកលេខ ភ្នំពេញ ២AQ-៧៩៥២ បើកបរដោយឈ្មោះ សុន វី ភេទប្រុស អាយុ៣៣ឆ្នាំ រស់នៅភូមិសន្ទ្រែ ឃុំសន្ទ្រែ ស្រុកភ្នំក្រវាញ។
ទាក់ទិននឹងគ្រោះថ្នាក់ចរាចរណ៍នេះសមត្ថកិច្ចឲ្យដឹងថា មុនពេលកើតហេតុ រថយន្ដធ្វើដំណើរពីលិចទៅកើត រីឯម៉ូតូធ្វើដំណើរពីកើតទៅលិចបញ្ច្រាសទិសគ្នាលុះដល់ចំណុចកើតហេតុមិនដឹងជាយ៉ាងម៉េចស្រាប់តែបុកគ្នាតែម្ដង បណ្ដាលឲ្យអ្នកបើកម៉ូតូដួលបោកក្បាលនឹងថ្នល់បែកឈាមរងរបួសយ៉ាងធ្ងន់ធ្ងរ ។ ជនរងគ្រោះត្រូវបានគេបញ្ជូនទៅសង្គ្រោះនៅមន្ទីរពេទ្យបង្អែកខេត្តជាបន្ទាន់។ ចំណែកអ្នកបើកបរត្រូវសមត្ថកិច្ចចាប់ឃាត់ខ្លួន ។
រថយន្ដនិងម៉ូតូត្រូវបានរក្សាទុកនៅអធិការដ្ឋាននគរបាលស្រុកក្រគរ ចំណែកអ្នកបើកបររថយន្ដត្រូវបានសមត្ថកិច្ចបានកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការបន្តតាមនីតិវិធី៕
ចែករំលែកព័តមាននេះ