ខេត្តរតនគិរី ៖ យុវជនម្នាក់ត្រូវបានកម្លាំងអធិការដ្ឋានស្រុកអណ្តូងមាសធ្វើការចាប់ខ្លួនពីបទរំលោភសេពសន្ថវៈទៅលើក្មេងស្រីជាអានីតិជនម្នាក់ដែលមានកាយសម្បទាខ្វិនជើងខ្វិនដៃទៀតផង ។ ការឃាត់ខ្លួនជនសង្ស័យខាងលើនោះបានធ្វើឡើងនៅវេលាម៉ោង៩និង០០នាទីព្រឹកថ្ងៃទី១៩ ខែតុលា ឆ្នាំ២០១៨ នៅភូមិតាឡាវ ឃុំតាឡាវ ស្រុកអណ្តូងមាស ខេត្តរនគិរី ។
ប្រភពពីសមត្ថកិច្ចបានឱ្យដឹងថា ជនសង្ស័យដែលឃាត់ខ្លួនបានមានឈ្មោះ ជឿន សុភា ភេទប្រុស អាយុ២៤ឆ្នាំ ជនជាតិឡាវ សញ្ជាតិខ្មែរ មុខរបរកសិករ មានទីលំនៅភូមិកន្លែងកើតហេតុខាងលើ រីឯជនរងគ្រោះមានឈ្មោះ ស.ង.ម អាយុ១២ឆ្នាំ ជនជាតិឡាវ (ខ្វិនដៃជើង) មានទីលំនៅភូមិ-ឃុំខាងលើជាមួយគ្នា ។
ជនល្មោភកាមខាងលើបានធ្វើសកម្មភាពរំលោភសេពសន្ថវៈទៅលើក្មេងស្រីជាអានីតិជនម្នាក់ដែលមានកាយសម្បទាខ្វិនដៃខ្វិនជើង និងនៅផ្ទះម្នាក់ឯងនៅវេលាម៉ោង១៤រសៀល ថ្ងៃទី១៨ ខែតុលាឆ្នាំ២០១៨ ។
ប្រភពពីកម្លាំងប៉ុស្តិ៍តាឡាវបានឱ្យដឹងថា បន្ទាប់ពីបានទទួលបណ្តឹងពីឈ្មោះ សេង ណាង ត្រូវជាបងស្រីជនរងគ្រោះភ្លាមៗក៏បានសហការណ៍នឹងជំនាញចុះដល់កន្លែងកើតហេតុ និងឃាត់ខ្លួនជនសង្ស័យនោះ និងកសាងសំណុំរឿងតាមនីតិវិធីផងដែរ ៕
ចែករំលែកព័តមាននេះ