រមណីយដ្ឋានទេសចរណ៍ធម្មជាតិកោះតាដា នាទឹកដីខេត្តកំពត
- កំពត
ខេត្តកំពត ៖ នៅព្រឹកថ្ងៃពុធ ៨កើត ខែអស្សុជ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី១៧…
ខេត្តកំពត ៖ នៅព្រឹកថ្ងៃពុធ ៨កើត ខែអស្សុជ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី១៧…
ខេត្តកំពត ៖ នៅព្រឹកថ្ងៃពុធ ៨កើត ខែអស្សុជ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី១៧ ខែតុលា ឆ្នាំ២០១៨ កន្លងមកថ្មីៗនេះ ឯកឧត្តម ជាវ តាយ ប្រធានគណៈកម្មាធិការគ្រប់គ្រងគ្រោះមហន្តរាយ ខេត្តកំពត និងជាអភិបាលនៃគណៈអភិបាលខេត្តកំពត បានអញ្ជើញអមដំណើរឯកឧត្តម ឧកញ៉ាបណ្ឌិត ញឹម វណ្ណដា ទេសរដ្ឋមន្ត្រី ទទួលបន្ទុកបេសកកម្មពិសេស និងជាអនុប្រធានទី១ នៃគណៈកម្មាធិការជាតិ គ្រប់គ្រងគ្រោះមហន្តរាយ ក្នុងកិច្ចប្រជុំបូកសរុប និងផ្សព្វផ្សាយការងារគ្រប់គ្រងគ្រោះមហន្តរាយ៩ខែ ដើមឆ្នាំ២០១៨ និងទិសដៅបន្ត និងពិធីសម្ពោធបើកឲ្យប្រើប្រាស់ជាផ្លូវការ រមណីយដ្ឋានទេសចរណ៍ ធម្មជាតិកោះតាដា។
កិច្ចប្រជុំនាព្រឹកនេះមានការអញ្ជើញចូលរួមពីឯកឧត្តម លោកជំទាវប្រតិភូអមដំណើរ ឯកឧត្តម ឧកញ៉ាបណ្ឌិត ញឹម វណ្ណដា ទេសរដ្ឋមន្ត្រីទទួលបន្ទុកបេសសកម្មពិសេស និងជាអនុប្រធាន ទី១ នៃគណៈកម្មាធិការជាតិគ្រប់គ្រង គ្រោះមហន្តរាយ គណៈអភិបាលរងខេត្ត នាយក នាយករង រដ្ឋបាលខេត្ត កងកម្លាំងទាំងបីប្រភេទ ប្រធានមន្ទីរ អង្គភាពជុំវិញខេត្ត អភិបាល អភិបាលរងក្រុង ស្រុក នាយក នាយករងទីចាត់ការ អង្គភាពចំណុះសាលាខេត្ត យុវជនរួមនឹងកងកម្លាំងប្រដាប់អាវុធ ទាំងបីប្រភេទ បងប្អូនប្រជាពលរដ្ឋសរុបប្រមាណ ១.០៤៣ នាក់។ ក្នុងឱកាសនាពេលនេះ លោក ជាវ តាយ អភិបាលនៃគណអភិបាលខេត្ត កំពត និងជាប្រធានគណៈកម្មាធិការគ្រប់គ្រងគ្រោះមហន្តរាយខេត្ត កំពត បានរៀបចំកិច្ចប្រជុំបូកសរុប និងផ្សព្វផ្សាយការងារគ្រប់គ្រងគ្រោះមហន្តរាយ៩ខែ ដើមឆ្នាំ២០១៨ និងទិសដៅបន្ត ព្រមទាំងរៀបចំពិធីសម្ពោធបើកឲ្យប្រើប្រាស់ជាផ្លូវការ រមណីយដ្ឋានទេសចរណ៍ ធម្មជាតិកោះតាដា។
មានប្រសាសន៍ក្នុងឱកាសនោះដែរលោក ជាវ តាយ អភិបាលខេត្តកំពត បានថ្លែងថា គ្រប់គម្រោងការអភិវឌ្ឍន៍នានាដែលខេត្តកំពត អភិវឌ្ឍន៍មានការរីក ចម្រើនក្លាយជា សមទ្ធិផលយ៉ាងធំធេងលើគ្រប់វិស័យនៅក្នុងខេត្តនាពេលកន្លងមក ក៏ដូចជាពេលបច្ចុប្បន្ននេះ គឺជាសមទ្ធិផលដែលកើតឡើង ក្រោមការដឹកនាំរបស់ សម្តេចតេជោ ហ៊ុន សែន នាយករដ្ឋមន្ត្រី និងគណៈបក្សប្រជាជនកម្ពុជា ដែលបានរួមចំណែកយ៉ាងធំធេងធ្វើឲ្យ ខេត្តកំពតមានការប្រែប្រួល មុខមាត់ថ្មី មានសុខ សន្តិភាព សុវត្ថិភាព សោភ័ភាព និងជំរុញល្បឿននៃការអភិវឌ្ឍន៍ ព្រមទាំងកាត់បន្ថយភាពក្រីក្ររបស់ប្រជាពលរដ្ឋកាន់តែឆាប់រហ័ស ។
ដោយថ្ងៃនេះរមណីយដ្ឋានកោះតាដា បានសម្ពោធដាក់ឲ្យប្រើប្រាស់ជាផ្លូវការ ក្រោមវត្តមានដ៏ខ្ពង់ខ្ពស់ឯកឧត្តមបណ្ឌិត ញឹម វណ្ណដា ទេសរដ្ឋមន្ត្រី រដ្ឋមន្ត្រីទទួលបន្ទុកបេសកម្មពិសេស និងអនុប្រធានទី១ នៃគណៈកម្មាធិការជាតិ គ្រោះមហន្តរាយ បានផ្តួចផ្តើមអភិវឌ្ឍន៍តំបន់រមណីយដ្ឋាន ធម្មជាតិ ដែលបានស្រូបយកកំណើនភ្ញៀវទេសជាតិ និងអន្តរជាតិបានយ៉ាងច្រើន ដែលជាអត្ថប្រយោជន៍ មួយដ៏សំខាន់សម្រាប់ជួយកាត់បន្ថយភាពក្រីក្រពីប្រជាពលរដ្ឋក្នុងខេត្តបានមួយកម្រិតផងដែរ។
ថ្លែងក្នុងពិធីសម្ពោធដាក់ឲ្យប្រើប្រាស់នៅរមណីយដ្ឋានកោះតាដា នាឱកាសនោះដែរ ឯឧត្តមបណ្ឌិត ញឹម វណ្ណដា ទេសរដ្ឋមន្ត្រី រដ្ឋមន្ត្រី ទទួលបន្ទុកបេសកម្មពិសេស និងអនុប្រធានទី១ នៃគណៈកម្មាធិការជាតិ គ្រប់គ្រងគ្រោះមហន្តរាយ បានកោតសសើរដល់ អាជ្ញាធរ កងកម្លាំងប្រដាប់អាវុធ បងប្អូនប្រជាពលរដ្ឋ ក្នុងខេត្ត ដែលមានកំណើនខ្ពស់ ការងារសមធម៌ និងប្រសិទ្ធភាព ស្របតាមគោលនយោបាយចតុកោណ ដែលជាយុទ្ធសាស្ត្ររបស់រាជរដ្ឋាភិបាល ព្រមទាំងការសហការសាមគ្គីគ្នាបានល្អ ក្នុងការចូលរួមបោះឆ្នោត កាលពីពេលថ្មីៗកន្លងមកនេះ បងប្អូនប្រជាពលរដ្ឋបានបោះឆ្នោតគ្រាំទ្រគណបក្សប្រជាជន ទទួលបានជោគជ័យ នៅទូទាំងប្រទេសកម្ពុជា ក៏ដូចជាខេត្តកំពតដែលមានការរំពឹងទុកថា គណបក្សប្រជាជនកម្ពុជា នឹងបានទទួលអាសនៈរដ្ឋសភាទាំង ៦អាសនៈដូចការរំពឹងទុកមែន៕
ចែករំលែកព័តមាននេះ