ខេត្តសៀមរាប ៖ កម្លាំងនគរបាលផ្នែកព្រហ្មទណ្ឌនៃអធិការដ្ឋាននគរបាលក្រុងសៀមរាប បានសហការណ៍ជាមួយកម្លាំងនគរបាលការិយាល័យព្រហ្មទណ្ឌកម្រិតស្រាល និងកម្លាំងការិយាល័យ នគរបាលការពារ និងអន្តរាគមន៍ នៃស្នងការដ្ឋាននគរបាលខេត្តសៀមរាប បានចុះប្រតិបត្តិការ ធ្វើការបង្ក្រាបករណីប្រើប្រាស់អាវុធដោយខុសច្បាប់ និងករណីជួញដូរចែកចាយប្រើប្រាស់សារធាតុញៀន ដោយខុសច្បាប់ ឈានដល់ធ្វើការឃាត់ខ្លួនបានជនសង្ស័យចំនួន៩នាក់ ក្នុងនោះស្រីម្នាក់ និងវត្ថុតាង មួយចំនួនធំ រួចយកមកសួរនាំនៅអធិការនគរបាលក្រុង ដើម្បីរៀបចំកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់។
ហេតុការចុះបង្ក្រាបករណីប្រើប្រាស់អាវុធខុសច្បាប់ និងជួញដូរគ្រឿងញៀននោះ ធ្វើឡើងនៅវេលាម៉ោង១១យប់ ថ្ងៃទី១៨ ខែខែតុលា ឆ្នាំ២០១៨ រហូតដល់ រសៀលថ្ងៃទី១៩ ខែតុលា ឆ្នាំ២០១៨ ស្ថិតនៅចំណុច ភូមិស្វាយដង្គំ ក្រុង/ខេត្តសៀមរាប។ លោកឧត្តមសេនីយ៍ត្រី ភឹង ចិន្តារ៉េត ស្នងការរង ទទួលផែនកណ្តាលនគរបាលព្រហ្មទណ្ឌ ខេត្តសៀមរាប ដោយមានការចង្អុលបង្ហាញ ពីលោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្តសៀមរាប បានឱ្យលោកដឹកនាំ កម្លាំងនគរបាលផ្នែកព្រហ្មទណ្ឌ នៃអធិការដ្ឋាននគរបាលក្រុងសៀមរាប។ ចុះសហការណ៍ជាមួយ កម្លាំងនគរបាលការិយាព្រហ្មទណ្ឌកម្រិតស្រាល និងកម្លាំងការិយល័យនគរបាលការពារ និងអន្តរាគមន៍នៃស្នងការដ្ឋាននគរបាលខេត្តសៀមរាប បានធ្វើការបង្ក្រាបករណី ប្រើប្រាស់អាវុធដោយខុសច្បាប់ និងករណីជួញដូរចែកចាយប្រើប្រាស់សារធាតុញៀន ដោយខុសច្បាប់នៅចំណុច ភូមិស្វាយដង្គំ ក្រុងសៀមរាប ខេត្តសៀមរាប ឈានដល់ធ្វើការឃាត់ខ្លួន ជនសង្ស័យចំនួន ៩នាក់ ស្រី ០១នាក់។
រួចយកមកសួរនាំនៅអធិការក្រុងសៀមរាប ដើម្បីរៀបចំកសាងសំណុំរឿង បញ្ជូនទៅតុលាការខេត្ត ចាត់ការតាមនិតិវិធីច្បាប់បន្ត ។ លោកបានបញ្ជាក់ថា ជនសង្ស័យចំនួន ៩នាក់ ស្រី ០១នាក់ ក្នុងនោះមាន៖ទី១/ឈ្មោះ ពៅ វណ្ណៈ ហៅ បារាំង ហៅកុត ភេទប្រុស អាយុ២៦ឆ្នាំ រស់នៅភូមិតាភុល សង្កាត់ស្វាយដង្គុំ ក្រុង/ខេត្តសៀមរាប។ ទី២/ឈ្មោះ ហ៊ីង សុខផាន់ណា ភេទប្រុស អាយុ២២ឆ្នាំ រស់នៅភូមិប្រិយ៍ សង្កាត់ទឹកវិល ក្រុង/ខេត្ត សៀមរាប។ ទី៣/ឈ្មោះ បេ គឹមសុង ភេទប្រុស អាយុ១៨ឆ្នាំ ស្នាក់នៅភូមិសាលាកន្សែង សង្កាត់ស្វាយដង្គំ ក្រុង/ខេត្ត សៀមរាប។ ទី៤/ឈ្មោះ វណ្ណ ដារ៉ា ភេទប្រុស អាយុ១៩ឆ្នាំ ស្នាក់នៅភូមិស្ទឹងថ្មី សង្កាត់ស្វាយដង្គំ ក្រុង/ខេត្តសៀមរាប។
ទី៥/ ឈ្មោះម៉ាន់ គឹមរី ភេទប្រុស អាយុ៣០ឆ្នាំ រស់នៅភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប។ ទី៦/ ឈ្មោះ ខា ប៉ក់ ភេទប្រុស អាយុ២៧ឆ្នាំ រស់នៅភូមិតាគង់ សង្កាត់សំបួរ ក្រុង/សៀមរាប។ ទី៧/ឈ្មោះ ម៉ាត់ សាលី ភេទប្រុស អាយុ៣៤ឆ្នាំ ស្នាក់នៅភូមិស្ទឹងថ្មី សង្កាត់ស្វាយដង្គំ ក្រុង/សៀមរាប។ ទី៨/ឈ្មោះ ស្រី ណារី ភេទស្រី អាយុ ២១ឆ្នាំ ស្នាក់នៅភូមិសាលាកន្សែង សង្កាត់ស្វាយដង្គំ ក្រុង/សៀមរាប។ និងទី៩/ឈ្មោះ ព្រហ្ម គីរីតនៈ សម្បត្តិ ភេទប្រុស អាយុ២៥ឆ្នាំ ភេទប្រុស រស់នៅភូមិចុងកៅស៊ូ សង្កាត់ស្លក្រាម ក្រុង/សៀមរាប។ បន្ទាប់ពីឃាត់ខ្លួនបានជនសង្ស័យ ប្រុស ស្រី ទាំង៩នាក់រួចមក កម្លាំងជំនាញ បានយកមកពិនិត្យ និងធ្វើតេស្ត ក្នុងនោះមានសារធាតុញៀនក្នុងខ្លួនចំនួន៨ នាក់ស្រី ០នាក់។
វត្ថុតាងដកហូតរួមមាន រថយន្តម៉ាកកាមរីបាឡែន ពណ៌ស្ករ ពាក់ស្លាកលេខ ខ.ម ២.៣២២៧ ចំនួន០១គ្រឿង, ម៉ូតូចំនួន០៣គ្រឿង, កាំភ្លើងអាកា៤៧ មួយដើម បង់ដាក់គ្រាប់ចំនួន០១ ,គ្រាប់កាំភ្លើងចំនួន១១គ្រាប់- ម្សៅក្រាមពណ៌សថ្លាចំនួន៥កញ្ចប់ធំ និង២៣កញ្ចប់តូច,ដាវ/កាំបិត/បំពង់ទីប ធ្វើពីដែកជាច្រើនដើម,ទូរស័ព្ទចំនួន ១១គ្រឿង។ ដោយឡែកក្នុងចំណោមជនសង្ស័យ ប្រុស ស្រី ខាងលើមានជនសង្ស័យម្នាក់ ឈ្មោះ ពៅ វណ្ណៈ ហៅបារាំង ហៅកុត ភេទប្រុស អាយុ២៦ឆ្នាំ រស់នៅភូមិតាភុល សង្កាត់ស្វាយដង្គំ ក្រុង/ខេត្តសៀមរាប កាលពីចន្លោះវេលាម៉ោង១០ ទៅ ម៉ោង១១យប់ថ្ងៃទី១៧ ខែតុលា ឆ្នាំ២០១៨ បានធ្វើសកម្មភាព យកកាំភ្លើងខាងលើបាញ់ឡើងលើចំនួន ២គ្រាប់នៅចំណុចខាងមុខ ផ្ទះរបស់ឈ្មោះត្រា (មិនស្គាល់ត្រកូល) ភេទប្រុស អាយុ២២ឆ្នាំ រស់នៅភូមិភ្ញាជ័យ សង្កាត់ស្វាយដង្គំ ក្រុងសៀមរាប និងការស្រាវជ្រាវបន្តឃើញជននេះកន្លងមកមាន ដីកាបង្គាប់ឲ្យចាប់ខ្លួនរបស់សាលាដំបូងខេត្តសៀមរាបចំនួន០៣ដីកាផងដែរ ពាក់ពន្ធ័នឹង ករណីគ្រឿងញៀន។
ករណីនេះយើងកំពុងស៊ើបអង្កេតបន្តហើយកសាងសំណុំរឿងបញ្ជូនទៅសាសាដំបូង ចាត់តាមនីតិវិធីច្បាប់។ ហើយនៅថ្ងៃទី១៩ ខែតុលា ឆ្នាំ២០១៨ កម្លាំងយើងបានចុះអនុវត្តដីកាបញ្ជាឲ្យ ចូលខ្លួន លេខ:៣៦៨ ចុះថ្ងៃទី១៧ ខែតុលា ឆ្នាំ២០១៨ ចេញដោយលោក សំរិត សុខុន ព្រះរាជអជ្ញារង អមសាលាដំបូងខេត្តសៀមរាប បង្គាប់ឲ្យនាំខ្លួនជនសង្ស័យឈ្មោះ ហ៊ិន វណ្ណា ភេទប្រុស អាយុ៣២ឆ្នាំ រស់នៅភូមិវិហាចិន សង្កាត់ស្វាយដង្គំ ក្រុង/ខេត្តសៀមរាប ចោទប្រកាន់ពីបទ ឆបោក និង ក្លែងឯកសារសាធារណៈ។ បច្ចុប្បន្ន ជនសង្ស័យប្រុសស្រីទាំង៩នាក់ និងវត្ថុតាងមួយចំនួនធំ ត្រូវបានកម្លាំងជំនាញកំពុងរៀបចំកសាងសំណុំរឿងបញ្ជូនទៅតុលាការខេត្តនៅថ្ងៃទី២០ ខែតុលា ឆ្នាំ២០១៨ ដើម្បីចាត់ការតាមនីតិវិធីច្បាប់៕
https://youtu.be/bXkrQetMsn4
ចែករំលែកព័តមាននេះ