ខេត្តកំពង់ឆ្នាំង ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាខេត្តកំពង់ឆ្នាំង បានជួយឧបត្ថមប្រាក់ចំនួន២០លានរៀល និងគ្រឿងឧបភោគ…
ខេត្តកំពង់ឆ្នាំង ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាខេត្តកំពង់ឆ្នាំង បានជួយឧបត្ថមប្រាក់ចំនួន២០លានរៀល និងគ្រឿងឧបភោគ បរិភោគមួយចំនួនទៀត នៅក្នុងបុណ្យសពកុមារីពីរនាក់បងប្អូន ដែលរងគ្រោះដោយការវាយសម្លាប់ញាត់ក្នុងកេស ដែលអំពើឃាតកម្មដ៏ព្រៃផ្សៃយង់ឃ្នងបំផុត ហើយក៏បានធ្វើឱ្យប្រជាពលរដ្ឋទូទាំងប្រទេស មានការអាណិតអាសូរយ៉ាងខ្លាំងផងដែរ ស្ថិតក្នុងវត្ត «ធម្មទានវន្ត័» ក្នុងភូមិថ្មី ឃុំផ្សារ ស្រុកបរិបូរណ៍ ។ អំណោយជាគ្រឿងឧបភោគបរិភោគ និងថវិកាមួយចំនួនមកឧបត្ថមដល់ពិធីបុណ្យសព ក្នុងនោះ មានអង្ករ២០០គីឡូក្រាម មី៧កេស ត្រី.ខ៧យួរ ទឹកបរិសុទ្ធ៧កេស និង ថវិកាចំនួន២០លានរៀល ។
គួររំលឹថា កុមារីរងគ្រោះ២នាក់បងប្អូន ត្រូវបានឪពុកម្តាយទៅធ្វើការនៅស្រុកឆ្ងាយ ដោយក្នុងនោះ ឪពុកឈ្មោះប្រាក់ ជា ទៅធ្វើការនៅប្រទេសថៃ ម្តាយឈ្មោះ អុល ធីតា ទៅធ្វើការនៅភ្នំពេញ ដោយចោលកូនទាំងពីរនាក់ អោយនៅចាំផ្ទះដោយគ្រាន់តែផ្តាំផ្ញើឪពុកមា ម្តាយមីងអោយជួយមើលប៉ុណ្ណោះ ។
នៅយប់កើតហេតុថ្ងៃទី១៧ ខែតុលា កុមារីជាបងឈ្មោះ អ៊ុន លក្ខិណា អាយុ១៤ ឆ្នាំ និងម្នាក់ទៀតជាប្អូនឈ្មោះជន់ មេត្តា អាយុ៧ឆ្នាំ ទាំង២នាក់ ត្រូវបានឃាតករមិនស្គាល់មុខឡើងសំលាប់ដល់លើផ្ ទះហើយបានញាត់ចូលក្នុងហិបដែក កាលពីយប់ថ្ងៃទី១៧ ខែតុលា ។ លុះព្រឹកឡើងវេលាម៉ោងជាង១១ថ្ងៃត្រង់ ថ្ងៃទី១៨ តុលា បន្ទាប់ពីឈ្មោះ ភី វុទ្ឋី ត្រូវឪពុកមារបស់ក្មេងរងគ្រោះទាំង២នាក់បានបាត់ខ្លួនក្មួយស្រីយូរពេកក៏តាមរកឃើញនៅក្នុងហិបនៅលើផ្ទះក៏ឃើញសពក្មួយស្រី ទើបបង្កការភ្ញាក់ផ្អើល ។
ក្រោយសារព័ត៌មាននានាបានចុះផ្សាយពីអំពើឃាតកម្មដ៏សាហាវនេះ ក៏មានសប្បុរសជនជាច្រើនបានជួយជាបន្តបន្ទាប់ ដែលតាមលោកមេឃុំផ្សារបានបញ្ជាក់ថា ថវិកាចូលរូមបុណ្យសពកុមារីរងគ្រោះ គិតត្រឹមព្រឹកថ្ងៃទី១៩ តុលា មានចំនួនជាង៣៤លានរៀល ។ ក្នុងនោះ២០លានរៀល ជាអំណោយសម្ដេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ។
សមត្ថកិច្ចក៏បានបញ្ជាក់ដែរថា ឃាតកម្មដ៏ព្រៃផ្សៃនេះ មានប្តី-ប្រពន្ធ ត្រូវបានសមត្ថកិច្ចហៅមកសាកសួរលើករណីនេះ ។
ចែករំលែកព័តមាននេះ