Man City ទទួលដំណឹងអាក្រក់ពាក់ព័ន្ធនឹង Danilo
តាមប្រភពព័ត៌មាន Manchester Evening News បានឲ្យដឹងថា ក្លិបមេឃខៀវ Manchester City នឹងមិនអាចយក Danilo…
តាមប្រភពព័ត៌មាន Manchester Evening News បានឲ្យដឹងថា ក្លិបមេឃខៀវ Manchester City នឹងមិនអាចយក Danilo ទៅប្រកួតនៅលើតារាងបានទៀតទេក្នុងខណៈនេះ ដោយសារតែរបួសពេលប្រកួតឲ្យក្រុមជម្រើសជាតិប្រេស៊ីលក្នុងការប្រកួតជាមួយនឹងអាហ្សង់ទីន ។
ដោយទើបតែធូរស្រាលពីរបួស ក្នុងការប្រកួត World Cup កីឡាករជនជាតិប្រេស៊ីលរូបនេះ បានមកឈឺសាច់ម្តងទៀតកាលពីថ្ងៃអង្គារពេលយប់ ។ Danilo បានឡើងប្រកួតឲ្យក្លិបមេឃខៀវទើបតែនៅរដូវកាលនេះ នៅក្នុងការប្រកួត Carabao Cup ហើយពេលនេះត្រូវសម្រាកព្យាបាលរបួស ។
ទាំងក្រុមជម្រើសជាតិប្រេស៊ីល និង ខាង Man City ក៏កំពុងរងចាំទទួលលទ្ធផលពីសំណាក់គ្រូពេទ្យដែរ ។ តែខាងសារព័ត៌មានរបស់ប្រេស៊ីលអះអាងថា Danilo ទម្រាំតែអាចឡើងប្រកួតវិញបាន ត្រូវប្រើពេលយ៉ាងហោចណាស់១ខែ ។
ព័ត៌មាន Globo Esporte បានលើកឡើងថា លោកវេជ្ជបណ្ឌិត Rodrigo Lasmar កំពុងតែធ្វើរោគវិនិច្ឆ័យឲ្យបានច្បាស់ថា មកពីរមួលកជើង ហើមឆ្អឹង ឬ ខូចសរសៃពួរ ៕
ចែករំលែកព័តមាននេះ