រាជធានីភ្នំពេញ ៖ សាលាឧទ្ធរណ៍បានសម្រេចកាលពីថ្ងៃទី១៧ ខែតុលា ឆ្នាំ២០១៨ ដោយតម្កល់សំណុំរឿងដែលលោក សុខ សុវណ្ណវឌ្ឍនាសាពង្ស ប្រធានគណបក្សខ្មែរក្រោកប្តឹងកញ្ញា ធី សុវណ្ណថា ពីបទបរិហារកេរ្តិ៍ជាសាធារណៈ និងបទញុះញ៉ង់ឲ្យមានការរើសអើង និងបទប្តឹងបរិហារបង្កាច់កេរ្តិ៍តាមមាត្រា៣០៥ មាត្រា៤៩៦ និងមាត្រា៣១១ នៃច្បាប់ព្រហ្មទណ្ឌកម្ពុជា ។ នេះបើតាមសេចក្តីសម្រេចតម្កល់ដីកាតម្កល់រឿងទុកឥតចាត់ការរបស់លោកអគ្គព្រះរាជអាជ្ញាអ៊ុក សាវុធ ចុះថ្ងៃទី១៧ ខែតុលា ឆ្នាំ២០១៨ ។
តាមសាលាឧទ្ធរណ៍បានបញ្ជាក់ថា តាមកំណត់ហេតុចម្លើយរបស់ដើមបណ្តឹងលោក សុខ សុវណ្ណវឌ្ឍនាសាពង្ស នៅអយ្យការអបសាលាដំបូងរាជធានីភ្នំពេញបានបញ្ជាក់ថា ខ្លួនសូមរក្សាពាក្យបណ្តឹងចុះថ្ងៃទី១ ខែកុម្ភៈ ឆ្នាំ២០១៨ ប្តឹងឈ្មោះ ធី សុវណ្ណថា ភេទស្រី អាយុ២៣ឆ្នាំ ពីបទបរិហារកេរ្តិ៍ ញុះញ៉ង់ ឲ្យមានការរើសអើងទុកនៅដដែលពុំកែប្រែទេ ។
កាលពីថ្ងៃទី៣០ ខែមករា ឆ្នាំ២០១៨ វេលាម៉ោង២និង៣០នាទីរសៀល ឈ្មោះ ធី សុវណ្ណថា គាត់បានប្រើគេហទំព័របណ្តាញសង្គមរបស់គាត់ឈ្មោះ «Sovantha Thy» ដោយគាត់បានយកឈ្មោះគណនីហ្វេសប៊ុករបសខ្លួនឈ្មោះ គី វណ្ណា (William Guang) សរសេរថា សារព្រមានឈ្មោះ គី វណ្ណា (William Guang) បញ្ឈប់ជាបន្ទាន់សារឌឺដង និងឈ្មោះ ធី សុវណ្ណថា បរិហារកេរ្តិ៍ ៕
ចែករំលែកព័តមាននេះ