ខេត្តស្វាយរៀង ៖ ប្រជាពលរដ្ឋមានការព្រួយបារម្ភដល់សុខភាពកុមារ ខណៈប៉ុន្មានខែចុងក្រោយនេះ មានករណីពុលនំកញ្ចប់នាំមកពីប្រទេសវៀតណាមចូលមកតាមច្រករបៀង និងច្រកតំបន់ខ្វះការ ត្រួតពិនិត្យពីមន្ត្រីជំនាញកាំកុងត្រូល ហើយឈ្មួញបានដឹកយកទៅចែកចាយលក់តាមតូបនៅទីជនបទ និងនៅជិតៗសាលារៀន ខណៈក្មេងទិញយកទៅញ៉ាំបណ្តាលឲ្យពុលក្អួតចង្អោរ…
ខេត្តស្វាយរៀង ៖ ប្រជាពលរដ្ឋមានការព្រួយបារម្ភដល់សុខភាពកុមារ ខណៈប៉ុន្មានខែចុងក្រោយនេះ មានករណីពុលនំកញ្ចប់នាំមកពីប្រទេសវៀតណាមចូលមកតាមច្រករបៀង និងច្រកតំបន់ខ្វះការ ត្រួតពិនិត្យពីមន្ត្រីជំនាញកាំកុងត្រូល ហើយឈ្មួញបានដឹកយកទៅចែកចាយលក់តាមតូបនៅទីជនបទ និងនៅជិតៗសាលារៀន ខណៈក្មេងទិញយកទៅញ៉ាំបណ្តាលឲ្យពុលក្អួតចង្អោរ និងរាករូស។ បើតាមប្រជាពលរដ្ឋរស់នៅភូមិដូង ឃុំដូង ស្រុករមាសហែក បានឲ្យដឹងថា ឈ្មួញបានចូលទៅនាំនំកញ្ចប់ ដែលផលិតនៅប្រទេសវៀតណាមចូលតាមច្រកទ្វារព្រំដែនប៉ុស្តិ៍ដូងរាល់ថ្ងៃ ក្នុងមួយថ្ងៃៗ រាប់សិបរ៉ឺម៉ក មិនដែលឃើញសមត្ថកិច្ចជំនាញកាំកុងត្រូលពិនិត្យឡើយ ហើយក្នុងនោះក៏មាននំបាញ់ត្រាង និទឹកស្ទីងផលិតនៅប្រទេសវៀតណាមផងដែរ។
ហើយឈ្មួញទាំងនោះបានយកទៅលក់ចែកចាយ តាមតូបនៅតាមភូមិជនបទ និងតាមតូបក្បែរសាលារៀន ទើបមានការព្រួយបារម្ភអំពីសុវត្ថិភាព សុខមាលភាពកូនៗរបស់ពួកគាត់ទៅទិញយកមកញ៉ាំបណ្តាលឲ្យប៉ះពាល់ដល់សុខភាព។ ការព្រួយបារម្ភនេះកើតឡើងកាលពីថ្ងៃទី១៨ តុលា ២០១៨ នៅភូមិដូង ឃុំដូង ស្រុករមាសហែក។ ទាក់ទិនករណីនេះដែរ មន្ត្រីកាំកុងត្រូលឈរជើងនៅច្រកទ្វារព្រំដែនប៉ុស្តិ៍ដូង បានមានប្រសាសន៍ តាមទូរសព្ទ័នាថ្ងៃទី១៨ នេះថា សូមកុំព្រួយបារម្ភអី មន្ត្រីកាំកុងត្រូលបានប្រចាំការត្រួតពិនិត្យ រាល់ថ្ងៃ២៤ម៉ោង ដោយកាំកុងត្រូលមានសម្ភារត្រួតពិនិត្យបឋម លើគ្រប់មុខទំនិញ និងនំដែលប្រជាពលរដ្ឋបាននាំចូលមកពីប្រទេសវៀតណាមមិនដែលមានឃើញជាតិពុលគួរឲ្យព្រួយបារម្ភទេ។
ហើយមន្ត្រីជំនាញកាំកុងត្រូលធ្លាប់ពិនិត្យរកឃើញសារធាតុគីមីបូរ៉ាក់នៅលើងៀតត្រីបបែល ជាង១០គីឡូក្រាមប៉ុណ្ណោះ ហើយបានដុតបំផ្លាញចោលអស់ហើយ។ ប្រភពដដែលបន្តទៀតថា មន្ត្រីកាំកុងត្រូលបានហៅអាជីវករដែលរកស៊ីឆ្លងកាត់ព្រំដែនទៅទិញទំនិញនំចំណីនៅប្រទសវៀតណាមចូលមកខេត្តស្វាយរៀងអប់រំ សូមឲ្យទិញទំនិញ ឬនំគ្រឿងឧបភោគបរិភោគត្រូវស្គាល់ស្លាកយីហោប្រាកដថា គ្មានសារធាតុគីមី ឬហួសកាលបរិច្ឆេទ និងគ្មានអនាម័យជាដាច់ខាត បើសមត្ថកិច្ចជំនាញពិនិត្យរកឃើញ មានសារធាតុគីមីចាប់ដកហូតបំផ្លាញចោល។ ដូច្នេះកុំមានការព្រួយបារម្ភទំនិញនាំចូលពី ប្រទេស វៀតណាមតាមច្រកទ្វារព្រំដែនប៉ុស្តិ៍ដូងនេះគ្មានសារធាតុគីមីទេ៕
ចែករំលែកព័តមាននេះ