ឆ្នាំនេះប្រាក់ចំណូលរបស់ Apple អាចធ្លាក់ចុះ…ព្រោះប្រទេសចិន
ប្រាក់ចំណូលរបស់ Apple អាចនឹងទាបជាងការគិតទុករបស់អ្នកវិនិយោគ ព្រោះតែការធ្លាក់ចុះនៃតម្រូវការ iPhone ក្នុងទីផ្សារប្រទេសចិន ។ លោក Rod Hall…
ប្រាក់ចំណូលរបស់ Apple អាចនឹងទាបជាងការគិតទុករបស់អ្នកវិនិយោគ ព្រោះតែការធ្លាក់ចុះនៃតម្រូវការ iPhone ក្នុងទីផ្សារប្រទេសចិន ។ លោក Rod Hall…
ប្រាក់ចំណូលរបស់ Apple អាចនឹងទាបជាងការគិតទុករបស់អ្នកវិនិយោគ ព្រោះតែការធ្លាក់ចុះនៃតម្រូវការ iPhone ក្នុងទីផ្សារប្រទេសចិន ។
លោក Rod Hall អ្នកវិភាគនៅធនាគារ Goldman បាននិយាយកាលពីថ្ងៃអាទិត្យមកថា ៖« មានមុខសញ្ញាជាច្រើនបង្ហាញពីការធ្លាក់ចុះយ៉ាងលឿននៃតម្រូវការក្នុងប្រទេសចិន ដែលពួកយើងគើតថា អាចនឹងប៉ះពាល់ដល់តម្រូវការរបស់ Apple នៅរដូវរំហើយនេះ »។
បើទោះជាលោកHall ទទួលស្គាល់ថា ទីផ្សារស្មាតហ្វូនក្នុងប្រទេសចិនមានការល្អប្រសើរឡើងវិញនៅត្រីមាសទី២ពិតមែនក្តី តែការព្យាកររបស់លោកសម្រាប់ការលក់នៅត្រីមាសទី៣បង្ហាញពីការធ្លាក់ចុះអស់១៥% បើធៀបនឹងឆ្នាំមុន ។
អ្នកវិភាគមួយចំនួនគិតថា ទូរស័ព្ទថ្មីៗរបស់ Apple ដូចជា iPhone XS និងXS Max អាចជំរុញដល់តម្រូវការ ប៉ុន្តែការធ្លាក់ចុះនៃតម្រូវការអាចនៅតែប៉ះពាល់ដល់ក្រុមហ៊ុនដដែល ។
លោក Hall បានឲ្យដឹងថា សក្តានុពលភាគច្រើនរបស់Apple គឺតម្រូវការទូរស័ព្ទដែលមានស្គ្រីនធំៗក្នុងចំណោមជនជាតិចិន ។ ប្រសិនបើតម្រូវការអតិថិជនបន្តមានភាពទន់ខ្សោយ និងអាចប៉ះពាល់ដល់ទីផ្សារកម្រិតខ្ពស់ៗនោះ ប្រាក់ចំណូលប្រចាំត្រីមាសទី៤នាឆ្នាំ២០១៨ អាចនឹងធ្លាក់ចុះ ។
លោកបានព្យាករណ៍ថា Appleអាចនឹងលក់iPhoneបាន៨០លានគ្រឿងសម្រាប់ត្រីមាសទី៤ ដែលរួមមាន ១៣លានគ្រឿងក្នុងទីផ្សារប្រទេសចិន ឬ១៦%នៃការលក់ iPhone សរុប ។ ចំនួននេះទាបជាងការលក់បាន១៩%ក្នុងប្រទេសចិននៅត្រីមាសទី៤នាឆ្នាំ២០១៧ និង ១៨%នៅឆ្នាំ២០១៦ ៕
ចែករំលែកព័តមាននេះ