ខេត្តក្រចេះ ៖ ទីតាំងរ៉ែមាសដែលធ្លាប់បានបង្កឲ្យមានកម្មករខ្មែរជាច្រើននាក់បានស្លាប់ ដោយសារបាក់រណ្តៅនៅក្នុងបាតដីដែលមានជម្រៅជ្រៅ ហើយបើទោះជាកន្លងមកអាជ្ញាធរ មានសមត្ថកិច្ចក៏ធ្លាប់បានចុះទប់ស្កាត់ និងហាមឃាត់មិនឲ្យធ្វើអាជីវកម្មអស់រយៈជា ច្រើនខែយ៉ាងណាក្តី ។ តែមួយរយៈពេលចុងក្រោយនេះការលួចធ្វើអាជីវកម្មការលួចធ្វើអាជីវ កម្មជីកកកាយនៅតំបន់នោះ គឺកំពុងតែកើតមានវិញកាន់តែខ្លាំងជាមុន ។
សេចក្តីរាយការណ៍មួយបានឲ្យដឹងថា សព្វថ្ងៃមានទីតាំងជីករ៉ែមាសខុសច្បាប់យ៉ាងហោចពី៥ទៅ៦កន្លែងធំៗ នៅចំណុចព្រៃតំបន់រ៉ែក្នុងភូមិអូរត្រូន ឃុំក្បាលដំរី ស្រុកសំបូរ កំពុងតែមានសកម្មភាពជីកកាយយ៉ាងអនាធិបតេយ្យ ។
ពលរដ្ឋរស់នៅតំបន់ព្រៃមាសចំណុចនោះបានឲ្យដឹងថា សកម្មភាពការលួចជីកកកាយ យករ៉ែមាសពីក្រុមឈ្មួញកំពុងតែមានសកម្មភាពសារជាថ្មីឡើងវិញក្នុងអំឡុងរយៈពេលជាង ៣ខែមកនេះ ។ ពួកគាត់ថា ក្រុមឈ្មួញរ៉ែមាសដែលមានមកលួចធ្វើអាជីកម្មខុសច្បាប់ គឺសុទ្ធសឹងតែស មាសភាពអ្នកមកពីខាងក្រៅស្រុក ។ អាជីវកម្មរបស់ពួកគេមានលក្ខណៈទ្រង់ទ្រាយធំ ប្រើសុទ្ធ តែកម្មករវៀតណាម ហើយសម្ភារៈទំនើបៗដូចជា ម៉ាស៊ីនកែច្នៃព្រមទាំងសាធាតុគីមីជាដើម ។
ប្រភពពដដែលនេះបានឲ្យដឹងទៀតថា កាលពីចុងឆ្នាំ២០១៧ អាជ្ញាធរខេត្តក្រចេះ ដឹកនាំដោយមន្ត្រីនៃមន្ទីររ៉ែ និងថាមពលធ្លាប់បានចុះបង្ក្រាបទប់ស្កាត់បទល្មើសជីករុករករ៉ែ មាននៅតំបន់នោះមានចំនួនជាង១០ទីតាំង ។ តែការបង្ក្រាបពីសំណាក់អាជ្ញាធរត្រូវបានពល រដ្ឋនៅតំបន់នោះមើលឃើញថា គឺធ្វើឡើងបានតែមួយអន្លើរប្រៀបដូចជា វែកចកដោយពូក ក្រុមឈ្មួញឱកាសនិយមនៅតែមានសកម្មភាពលួចធ្វើអាជីវកម្មទៅបាន ។ ផ្ទុយពីការលើកឡើងរបស់ក្រុមមន្ត្រីនៃមន្ទីររ៉ែនិងថាមពល ដែលបានចុះបង្ក្រាបនោះ បានលើកឡើងថា អ្នកធ្វើអាជីវកម្មរុករករ៉ែមាសនៅតំបន់នោះសុទ្ធសឹងជាពលរដ្ឋក្រីក្រ ។ តែពលរដ្ឋនៅតំបន់នោះបានលើកឡើងថា ពួកគាត់មិនមានលទ្ធភាពក្នុងការជីកកកាយជា លក្ខណៈទ្រង់ទ្រាយធំបែបនេះបាននោះទេ ក្រៅពីឈ្មួញដែលមានឥទ្ឋិពលមានលុយ និងមាន ខ្នងបង្អែកក្រាស់នោះ ។
ពួកគាត់ថាពលរដ្ឋនៅតំបន់នោះ គឺមានលទ្ធភាពត្រឹមកម្មកស៊ីឈ្នួល យកប្រាក់កម្រៃពីឈ្មួញប្រចាំថ្ងៃតែប៉ុណ្ណោះ ។ ទន្ទឹម និងសកម្មភាពការជីកកាយរ៉ែមាសយ៉ាងអនាធិបតេយ្យដែលកំពុងតែកើតមានទាំងអស់នោះ ការទិញលក់រណ្តៅរ៉ែមាសនៅក្នុងព្រៃរ៉ែនៅតំបន់នោះពីម្ចាស់មួយទៅម្ចាស់មួយរវាងឈ្មួញនិងឈ្មួញ គឺធ្វើឡើងក្នុងការចចារតម្លៃទិញលក់ប្រៀបដូចជា របស់កម្មសិទ្ធស្របច្បាប់ ។
ប្រធានមន្ទីររ៉ែ និងថាមពលខេត្តក្រចេះលោកសុខ គីរីរ័ត្ន បានឲ្យដឹងតាមទូរស័ព្ទនៅថ្ងៃទី១៧ ខែតុលានេះថា អំឡុងប៉ុន្មានថ្ងៃមុននេះលោកបានចុះទៅពិនិត្យដល់ទីតាំងតំបន់រ៉ែ ខុសច្បាប់ខាងលើ និងបានហៅម្ចាស់អាជីវកម្មទាំង៦កន្លែងមកធ្វើកិច្ចសន្យាឲ្យបញ្ឈប់សកម្ម ភាពខុសច្បាប់ទាំងអស់នោះ ។ លោកថា ទីតាំងដែលពួកគាត់កំពុងតែជីកកាយ គឺស្ថិតក្នុង បរិវេណរបស់ក្រុមហ៊ុនរ៉ែដែលមានអាជ្ញាប័ណ្ណច្បាប់រុករក ។ លោកអះអាងទៀតថា លោក និង បង្កើតគណកម្មាធិការមួយ ដើម្បីមានវិធានការចុះលុបរណ្តៅរ៉ែទាំងនោះចោលទាំងស្រុងតែ ម្តង ។ ហើយសកម្មភាពនេះក៏និងត្រូវធ្វើឡើងនាពេលឆាប់ៗខាងមុខនេះ ។
លោកប្រធានមន្ទីរបានបញ្ជាក់ទៀតថា ម្ចាស់អាជីវកម្មរណ្តៅរ៉ែមាសទាំងអស់នោះ គឺសុទ្ធសឹងជាពលរដ្ឋដែលរស់នៅតំបន់រ៉ែខាងលើដែលបានមកលួចជីកកកាយតាមរណ្តៅចាស់ៗ ដែលអាជ្ញាធរធ្លាប់បានចុះទៅហាមឃាត់នាពេលកន្លងមក ៕
ចែករំលែកព័តមាននេះ