រាជធានីភ្នំពេញ ៖ ការដ្ឋានស្ថាបនាប្រឡាយស្ទឹងមានជ័យតំណាក់កាលទី២មកដល់ពេលនេះបានឈានដល់ការចាក់បេតុងជាបណ្តើរៗហើយ បន្ទាប់ពីការស្ថាបនាតំណាក់កាលទី១ត្រូវបានបញ្ចប់ ។ ជាមួយការសាងសង់លំនៅដ្ឋានរបស់បងប្អូនដែលរដ្ឋបាលរាជធានីភ្នំពេញបានពុះឡូត៍ចែកជូនក៏បាននឹងកំពុងសាងសង់ដែលបងប្អូនទទួលបានកម្មសិទ្ធិដីធ្លីស្របច្បាប់នៅនឹងកន្លែង ។ លោក លឺម វ៉ាង…
រាជធានីភ្នំពេញ ៖ ការដ្ឋានស្ថាបនាប្រឡាយស្ទឹងមានជ័យតំណាក់កាលទី២មកដល់ពេលនេះបានឈានដល់ការចាក់បេតុងជាបណ្តើរៗហើយ បន្ទាប់ពីការស្ថាបនាតំណាក់កាលទី១ត្រូវបានបញ្ចប់ ។ ជាមួយការសាងសង់លំនៅដ្ឋានរបស់បងប្អូនដែលរដ្ឋបាលរាជធានីភ្នំពេញបានពុះឡូត៍ចែកជូនក៏បាននឹងកំពុងសាងសង់ដែលបងប្អូនទទួលបានកម្មសិទ្ធិដីធ្លីស្របច្បាប់នៅនឹងកន្លែង ។
លោក លឺម វ៉ាង ប្រធានសហគមន៍សន្សំប្រាក់ស្ទឹងមានជ័យបានបញ្ជាក់ថា បន្ទាប់ពីការដ្ឋានស្ថាបនាប្រឡាយស្ទឹងមានជ័យ តំណាក់កាលទី១ប្រវែង៣២៦ម៉ែត្រត្រូវបានបញ្ចប់គម្រោងស្ថាបនាប្រឡាយស្ទឹងមានជ័យតំណាក់កាលទី២ត្រូវបានអនុវត្តបន្ត ។
គម្រោងទីពីរនេះកំពុងចាក់បេតុងជញ្ជាំងប្រឡាយដែលមកដល់ពេលនេះសម្រេចបានប្រមាណ១០០ម៉ែត្រហើយក្នុងគម្រោងប្រវែងសរុបប្រមាណជាង១៦០ម៉ែត្រ ។
លោកបន្តថា ការដ្ឋានស្ថាបនាប្រឡាយស្ទឹងមានជ័យតំណាក់កាលទី១ដែលរដ្ឋបាលរាជធានីភ្នំពេញបានពុះឡូត៍ចែកជូននោះនៅពេលនេះប្រជាពលរដ្ឋបាននឹងកំពុងសាងសង់ផ្ទះជាច្រើនជាន់ប្រមាណ២០ខ្នងផ្ទះហើយដែរ ជាមួយនឹងការតបណ្តាញទឹក ភ្លើងជូនបងប្អូន ។
គួររំលឹកថា នៅតំបន់ស្ទឹងមានជ័យដែលរដ្ឋបាលរាជធានីភ្នំពេញកំពុងស្ថាបនាប្រឡាយស្ទឹងមានជ័យជូននេះមានប្រវែង១៣៩៨ម៉ែត្រដោយចាក់ជញ្ជាំងបេតុងមានទទឹង៨ម៉ែត្រ ដោយគម្រោងនេះត្រូវបានបែងចែកជា៤តំណាក់កាលផងដែរ ៕
ចែករំលែកព័តមាននេះ