រាជធានីភ្នំពេញ ៖ ក្នុងជំនួបពិភាក្សាទ្វេរភាគីជាមួយលឧបកនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរវត្ថុលោក Peter Kazimœr ឧបនាយករដ្ឋមន្ត្រីរដ្ឋមន្ត្រីក្រសួងហិរញ្ញវត្ថុនៃសាធារណរដ្ឋស្លូវ៉ាគីបានបញ្ជាក់ថា កំណើនសេដ្ឋកិច្ចខ្ពស់របស់កម្ពុជាជាមធ្យមជាង៧%ដែលជាហេតុនាំឲ្យកម្ពុជាជាប់ចំណាក់ថ្នាក់លេខ៦ ក្នុងចំណោមប្រទេសមានសេដ្ឋកិច្ចរីកចម្រើន លឿននៅលើពិភពលោក ។
យោងតាមគេហទំព័រហ្វេសប៊ុករបស់ក្រសួងហិរញ្ញវត្ថុដែលចេញផ្សាយនៅថ្ងៃទី១៧ តុលានេះថា ក្នុងជំនួបពិភាក្សាការងារជាមួយលោកអូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួង សេដ្ឋកិច្ច និងហិរញ្ញវត្ថុ កាលពីថ្ងៃទី១៦ ខែតុលា ឆ្នាំ២០១៨ លោក peter Kezlmfr បានថ្លែងយ៉ាងដូច្នេះថា «អបអរសារទរចំពោះរាជរដ្ឋាភិបាលកម្ពុជាដែលក្នុងរយៈពេល២ទស្សវត្សចុងក្រោយនេះសម្រេចបាននូវកំណើនសេដ្ឋកិច្ចខ្ពស់ជាមធ្យមជាង៧%ដែលនាំឲ្យកម្ពុជាជាប់ចំណាក់ថ្នាក់លេខ៦ក្នុងចំណោមប្រទេសដែលមានសេដ្ឋកិច្ចរីកចម្រើនលឿននៅលើពិភពលោក» ។
លោកបន្ដថា ទាំងនេះបញ្ជាក់យ៉ាងច្បាស់អំពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាជាមួយនឹងគោលនយោបាយដ៏ត្រឹមត្រូវរបស់សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា ។ ជាមួយគ្នានេះលោកបន្ថែមថា សាធារណរដ្ឋស្លូវ៉ាគីក៏បានត្រៀមជាស្រេចក្នុងការចែករំលែកបទពិសោធន៍ដែលស្លូវ៉ាគីមានដល់ភាគីកម្ពុជា ជាពិសេសពាក់ព័ន្ធទៅនឹងវិស័យហិរញ្ញវត្ថុសាធារណៈ ។
ក្នុងជំនួបនោះលោកអូន ព័ន្ធមុនីរ័ត្ន ឧបកនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានសង្ឃឹមថា តាមរយៈនៃដំណើរទស្សនកិច្ចរបស់គណៈប្រតិភូ ជាន់ខ្ពស់នៃសាធារណរដ្ឋស្លូវ៉ាគីនៅកម្ពុជាលើកនេះធ្វើឲ្យកម្ពុជា-ស្លូវ៉ាគី នឹងពង្រឹងបានថែម ទៀតនូវចំណងមិត្តភាពរវាងប្រទេសទាំងពីរ និងពង្រឹងទំនាក់ទំនងពាណិជ្ជកម្មភាគី ការវិនិយោគ និងកិច្ចសហប្រតិបត្តិការលើវិស័យផ្សេងៗជាច្រើនទៀតដូចជា ការអប់រំ ការអភិវឌ្ឍធនធានមនុស្ស ទេសចរ វប្បធម៌ សុខាភិបាល និងបច្ចេកវិទ្យាព័ត៌មាន និងផ្សេងៗទៀត ៕
ចែករំលែកព័តមាននេះ