រាជធានីភ្នំពេញ ៖ ខ្មាន់កាំភ្លើងអតីតជាមន្ត្រីកងរាជអាវុធហត្ថលើផ្ទៃប្រទេស និងជាថៅកែនាំចូលក្រណាត់ ពាក់ពន្ធករណីផ្ទុះអាវុធត្រូវប្រជាការពារ ខណ្ឌឫស្សីកែវម្នាក់ បណ្តាលឱ្យរបួសបាក់ជើង កាលពីថ្ងៃទី១៥ តុលា ត្រូវបានសមត្ថកិច្ចនគរបាលខណ្ឌឫស្សីកែវ…
រាជធានីភ្នំពេញ ៖ ខ្មាន់កាំភ្លើងអតីតជាមន្ត្រីកងរាជអាវុធហត្ថលើផ្ទៃប្រទេស និងជាថៅកែនាំចូលក្រណាត់ ពាក់ពន្ធករណីផ្ទុះអាវុធត្រូវប្រជាការពារ ខណ្ឌឫស្សីកែវម្នាក់ បណ្តាលឱ្យរបួសបាក់ជើង កាលពីថ្ងៃទី១៥ តុលា ត្រូវបានសមត្ថកិច្ចនគរបាលខណ្ឌឫស្សីកែវ បញ្ជូនទៅកាន់សាលាដំបូងរាជធានីភ្នំពេញ ដើម្បីសាកសួរ និង ចោទប្រកាន់ជាផ្លូវការណ៍។ ជនសង្ស័យរូបនេះឈ្មោះ ឡាយ អ៊ឹងឃីង ភេទប្រុស អាយុ២៧ឆ្នាំ មានទីលំនៅភូមិគង្គាផុស សង្កាត់ទួលសង្កែ២ ខណ្ឌឫស្សីកែវ រាជធានីភ្នំពេញ។ ចំណែកជនរងគ្រោះឈ្មោះ លី រតនៈ ភេទប្រុស អាយុ៣៩ឆ្នាំ មុខរបរជាប្រជាការពារ មានទីលំនៅភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។
គួរំលឹកថា កាលពីវេលាម៉ោង១២ និង៣០រំលងអាធ្រាត្រ ឈានចូលថ្ងៃទី១២ តុលា ២០១៨ នៅត្រង់ចំណុចមុខផ្ទះល្វែង A៤ តាមបណ្ដោយផ្លូវបេតុង ស្ថិតភូមិគង្គាផុស សង្កាត់ទួលសង្កែ២ ខណ្ឌឫស្សីកែវ មានករណីផ្ទុះអាវុធបណ្តាលឲ្យជនរងគ្រោះឈ្មោះ លី រតនៈ ត្រូវរបួសដោយគ្រាប់កាំភ្លើងត្រង់ជើង ខាងស្តាំ និងបានបញ្ជូនទៅសង្គ្រោះនៅមន្ទីរទេព្យ។ ករណីផ្ទុះអាវុធបណ្តាលឲ្យត្រូវប្រជាការពារនោះ សមត្ថកិច្ចបានអះអាងថា មុនកើតហេតុ កម្លាំងសមត្តកិច្ចនគរបាលប៉ុស្តិ៍ទួលសង្កែទី២ បានសហការជាមួយប្រជាការពារ ចេញល្បាតតាមមូលដ្ឋានរបស់ខ្លួន។
នៅពេលដើរល្បាតទៅដល់ចំណុច ជិតរង្វង់មូលកាំកូស៊ីធី ក៏បានប្រទះឃើញក្មេងស្ទាវ២ក្រុមកំពុងវាយតប់គ្នា ដែលពេលនោះសមត្ថកិច្ចស្ទុះទៅជួយ អន្តរាគមន៍ ធ្វើឲ្យក្រុមក្មេងស្ទាវឡើងជិះម៉ូតូរត់គេចខ្លួន។ ឃើញដូច្នោះកម្លាំងសមត្ថកិច្ចក៏បានប្រដេញតាមពីក្រោយ លុះចូលដល់ផ្លូវបេតុងគ្មានលេខ មុខផ្ទះល្វែងលេខ A៤ ទើបឃាត់ម៉ូតូក្រុមក្មេងស្ទាវ១គ្រឿងបម្រុងឆែកឆេរ។ ស្រាប់តែពេលនោះមានបុរសម្នាក់ស្លៀកពាក់ស៊ីវិល និងជាជនស្រវឹងដាប ដែលនៅដៃមានកាន់កាំភ្លើងខ្លី១ដើមម៉ាក Lock ពណ៌ខ្មៅ ចេញពីក្នុងផ្ទះបាញ់មួយគ្រាប់ធ្វើឲ្យកម្លាំងនគរបាលរកកន្លែងសុវត្ថិភាពជ្រករៀងៗខ្លួន តែមិនមែនជ្រកដោយការភ័យខ្លាច និងគ្រាប់កាំភ្លើងនោះទេ គឺជ្រកពួនដើម្បីរាយការណ៍តាមវិទ្យុទាក់ទង ស្នើសុំកម្លាំងជួយអន្តរាគមន៍។
ខ្មាន់កាំភ្លើងបានផ្ទុះអាវុធ១គ្រាប់ ហើយមើលទៅទំនងសមតត្ថកិច្ចរត់ជាន់ជើងគ្នាដែរ បានបន្តបាញ់រះជាច្រើនគ្រាប់ទៀត រហូតអស់គ្រាប់ពីក្នុងកាំភ្លើងទើបឈប់បាញ់ តែអ្វីបានកត់សម្គាល់នោះគឺ ប្រជាការពារម្នាក់ ដែលចុះបង្ក្រាបបទល្មើសក្នុងមូលដ្ឋាន បានរងរបួសបាក់ជើង ហូរឈាមសស្រាក់នៅទីនោះ បន្ទាប់មកត្រូវបានបញ្ជូនទៅសង្គ្រោះ។ សមត្ថកិច្ចបន្ទាប់ពីដឹងថា ខ្មាន់កាំភ្លើងបាញ់អស់គ្រាប់ហើយ បាននាំគ្នាសម្រុកចូល ទៅចាប់គ្រៀកជនបង្កវ៉ៃខ្នោះដៃ នាំទៅកាន់អធិការដ្ឋាននគរបានខណ្ឌឫស្សីកែវជាបន្ទាន់ ដើម្បីធ្វើការសាកសួរ និងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញតាមនីតិវិធី។
នៅថ្ងៃទី១៥ តុលា តំណាងអយ្យការបានធ្វើការសាកសួរខ្មាន់កាំភ្លើងនោះចប់សព្វគ្រប់ហើយ ប៉ុន្តែមិនទាន់បានចោទប្រកាន់ជាផ្លូវការណ៍ទេ ដោយពេលវេលាផុតម៉ោងរដ្ឋបាល តម្រូវឲ្យសមត្តកិច្ចនាំជនត្រូវចោទទៅគ្រប់គ្រងបណ្តោះអាសន្នវិញ និងបង្គាប់ឲ្យនាំមកសួរបន្តនៅព្រឹកថ្ងៃទី១៦ តុលា ស្អែកនេះ៕
ចែករំលែកព័តមាននេះ