ខេត្តបន្ទាយមានជ័យ ៖ ពលរដ្ឋខ្មែរចំនួន7នាក់ និងរថយន្ត2គ្រឿងត្រូវបានភាគីថៃចាប់នៅក្នុងស្រុក2ផ្សេងគ្នាគឺស្រុកគោកធ្យូង និងស្រុកតាប់ប្រាយ៉ា ខេត្តស្រះកែវ កាលពីរសៀលថ្ងៃទី14 ខែតុលា ឆ្នាំ2018 ពលរដ្ឋទាំង7នាក់ដែលភាគីថៃចាប់នេះមិនត្រូវបានគេស្គាល់អត្តសញ្ញាណនៅឡើយទេ ប៉ុន្តែគេដឹងថា មួយចំនួនជាអ្នកក្រុងសិរីសោភ័ណ និងមួយចំនួនជាអ្នកស្រុកថ្មពួក ។
រថយន្តទាំង2មួយគ្រឿងម៉ាកធុនត្រា ពាក់ផ្លាកលេខ ភ្នំពេញ 2AD-0287 រថយន្តមួយគ្រឿងនេះចូលទៅប្រទេសថៃតាមច្រករបៀងក្នុងស្រុកស្វាយចេក ដោយឡែករថយន្តមួយគ្រឿងទៀតម៉ាកកាមរីស៊េរីឆ្នាំ1995 ចង្កូតស្តាំ ពាក់ផ្លាកលេខ សៀមរាប 2A-1866 រថយន្តកាមរីនេះឆ្លងចូលទៅដីថៃតាមច្រករបៀងក្នុងស្រុកថ្មពួក ។
ប្រភពច្បាស់ការពីមន្ត្រីម្នាក់នៅក្នុងស្រុកថ្មពួកសុំមិនបញ្ចេញឈ្មោះប្រាប់តាមទូរស័ព្ទនៅព្រឹកថ្ងៃទី15 តុលា នេះថាក្នុងចំណោមពលរដ្ឋទាំង7នាក់ខាងលើ 5នាក់ត្រូវបានភាគីថៃបញ្ជូនតាមរថយន្តទ្រុងចូលកម្ពុជាវិញហើយតាមច្រកទ្វារអន្តរជាតិប៉ោយប៉ែតកាលពីយប់ថ្ងៃកើតហេតុ(14/តុលា/2018)ដោយឡែកអ្នកបើកបររថយន្តទាំង2គ្រឿងត្រូវបានអាជ្ញាធរ និងសមត្ថកិច្ចថៃអនុញ្ញាតិឲ្យត្រឡប់មកវិញដូចគ្នាប៉ុន្តែតាមច្រកតំបន់បឹងត្រកួនក្រោយពីមានការអន្តរាគមន៍ជួយពីមន្ត្រី និងសមត្ថកិច្ចកម្ពុជានៅច្រកតំបន់ខាងលើដោយសារតែពួកគេឆ្លងដែនខុសច្បាប់ ។
មន្ត្រីដដែលបន្តថា ចំពោះរថយន្តទាំង2គ្រឿងភាគីថៃ និងយកឡើងតុលាការខេត្តស្រះកែវនៅថ្ងៃទី17 ខែតុលា ឆ្នាំ2018 ខាងមុខនេះ ៕
ចែករំលែកព័តមាននេះ