ខេត្តព្រះសីហនុ ៖ ជនសង្ស័យម្នាក់ដែលត្រូវសមត្ថកិច្ចនគរបាលក្រុងព្រះសីហនុសហការជាមួយកំលាំងនគរបាលស្រុកព្រៃនប់ និងកំលាំងជំនាញនៃស្នងការរដ្ឋាននគរបាលខេត្ត ធ្វើការឃាត់ខ្លួននាចុងសប្តាហ៍កន្លងទៅកាលពីរសៀលថ្ងៃទី១៣ តុលានេះ ត្រូវបានបញ្ជូនបន្តទៅកាន់ស្នងការដ្ឋាននគរបាលខេត្តហើយដើម្បីកសាងសំណុំបញ្ជូនទៅកាន់សាលាតំបូងខេត្ត។ ជុំវិញការឃាត់ខ្លួនជនសង្ស័យឈ្មោះ ចាន់ រដ្ឋា…
ខេត្តព្រះសីហនុ ៖ ជនសង្ស័យម្នាក់ដែលត្រូវសមត្ថកិច្ចនគរបាលក្រុងព្រះសីហនុសហការជាមួយកំលាំងនគរបាលស្រុកព្រៃនប់ និងកំលាំងជំនាញនៃស្នងការរដ្ឋាននគរបាលខេត្ត ធ្វើការឃាត់ខ្លួននាចុងសប្តាហ៍កន្លងទៅកាលពីរសៀលថ្ងៃទី១៣ តុលានេះ ត្រូវបានបញ្ជូនបន្តទៅកាន់ស្នងការដ្ឋាននគរបាលខេត្តហើយដើម្បីកសាងសំណុំបញ្ជូនទៅកាន់សាលាតំបូងខេត្ត។
ជុំវិញការឃាត់ខ្លួនជនសង្ស័យឈ្មោះ ចាន់ រដ្ឋា ហៅប៊ី ភេទប្រុស អាយុ៣១ឆ្នាំ មុខរបរមិនពិតប្រាកដ ដែលជាប់ពាក់ព័ន្ឋទៅនឹងបទល្មើសចំនួន២ករណីប្រើប្រាស់ និងជូញដូរថ្នាំញៀន រួមជាមួយបទល្មើសលាក់ទុកអាវុធខុសច្បាប់ ។
លោក វរសេនីយ៍ទោ ភុល ភ័ស្តា អធិការនគរបាលក្រុងព្រះសីហនុ បានគូសបញ្ជាក់ថា ក្រោមបទបញ្ជា និងការបញ្ជាផ្ទាល់ពីលោកឧត្តមសេនីយ៏ទោ ជួន ណារិន្ឋ ស្នងការនគរបាលខេត្តកាលពីវេលាម៉ោង១១យប់ថ្ងៃទី១១ តុលា ២០១៨ កម្លាំងជំនាញអធិការដ្ឋាននគរបាលក្រុង សហការជាមួយកម្លាំងជំនាញនៃស្នងការ
ដ្ឋាននគរបាលខេត្ត និងអធិការដ្ឋាននគរបាលស្រុកព្រៃនប់ បានធ្វើការឃាត់ខ្លួនជនសង្ស័យខាងលើពីបទរក្សាទុកប្រើប្រាស់អាវុធជាតិផ្ទុះដោយខុសច្បាប់ និងពីបទប្រើប្រាស់ និងចែកចាយនូវសារធាតុញៀនដោយខុសច្បាប់ ។
សូមបញ្ចាក់ថា ជនសង្ស័យឈ្មោះ ចាន់ រដ្ឋា ហៅប៊ី គឺជាមុខសញ្ញាចាស់បានប្រព្រឹត្តិអំពើហិង្សាជាច្រើនលើកកន្លងមក ដូចជាប្រើប្រាស់អាវុធកែច្នៃបាញ់ត្រូវក្រោមចុងដង្ហើមប្រពន្ធរបស់ខ្លួនកាលពីវេលាម៉ោង២និងនាទីរសៀលថ្ងៃទី១១ កុម្ភៈ ២០១៨ នៅក្នុងបន្ទប់ជួលក្រុមទី៤៦ ភូមិ៥ សង្កាត់លេខ៤ ក្រុងព្រះសីហនុ ។
វត្ថុតាងរួមមាន ១-កាំភ្លើងម៉ាក K59 ចំនួន១ដើម មានគ្រាប់៦គ្រាប់ ២-កាំភ្លើងបាញ់សត្វ ១ដើម ៣-កាំភ្លើងកែច្នៃ២ដើម ៤-អាយកូម១គ្រឿង ៥-ម្សៅក្រាមពណ៌សថ្លា សង្ស័យជាសារធាតុញៀន១កញ្ចប់ ៦-ជញ្ជីងថ្លឹង១គ្រឿង ៧-ថង់សម្រាប់វិចខ្ចប់ និងសម្ភារៈវេចខ្ចប់ គ្រឿងញៀនមួយចំនួន។
បច្ចុប្បន្ន ជនសង្ស័យត្រូវបានកសាងសំណុំរឿងដើម្បីបញ្ជូនទៅកាន់ស្នងការដ្ឋាននគរបាលខេត្តចាត់ការតាមនីតិវិធី ៕
ចែករំលែកព័តមាននេះ