តាមប្រភពព័ត៌មាន Goal បានឲ្យដឹងថា វីវបុរសរបស់ក្រុមជម្រើសជាតិអាហ្សង់ទីន Diego Maradona ហ៊ានថាឲ្យ Messi មិនអាចក្លាយជាអ្នកដឹកនាំគេបាន ដោយពឹងផ្អែកលើហេតុផល ដែលរូបគេទៅបន្ទប់ទឹកជាង២០ដង មុនពេលការប្រកួតម្តងៗ ។
Maradona ជឿជាក់ថា Messi គឺជាជម្រើសខុសរបស់អាហ្សង់ទីន បើទោះបីជារូបគេ គឺជាកីឡាករល្អក៏ដោយតែគេនៅខ្វះភាពជាអ្នកដឹកនាំ ដើម្បីលើកទឹកចិត្តជម្រុញដល់កីឡាករផ្សេងៗទៀតនៅជុំវិញខ្លួន ។
ម្ចាស់ពាន World Cup ឆ្នាំ១៩៨៦ រូបនេះបានលើកឡើងប្រាប់ La Ultima Palabra Mexico ថា៖ «Messi គឺជាកីឡាករអស្ចារ្យ តែគេមិនមែនជាអ្នកដឹកនាំទេ ។ មុនពេលនិយាយជាមួយនឹងគ្រូបង្វឹក និងកីឡាករផ្សេងទៀត Messi តែងលេងហ្គេមលើ PlayStation ។ នៅលើតារាងរូបគេចង់ឲ្យខ្លួនក្លាយទៅជាអ្នកដឹកនាំ ។ សម្រាប់ខ្ញុំវាពិតជាពិបាកនិយាយណាស់ តែវាកាន់តែអត់ន័យនៅពេលយើងយកមនុស្សម្នាក់ដែលតែងតែទៅបន្ទប់ទឹកជាង២០ដង មុនពេលប្រកួតមកធ្វើជាអ្នកដឹកនាំ»។
Maradona បន្តទៀតថា៖ «ចូរឈប់លើក Messi ពេកទៅ ។ Messi គ្រាន់តែជាកីឡាករម្នាក់របស់អាហ្សង់ទីនប៉ុណ្ណោះ»។
នេះគ្រាន់តែជាការលើកឡើងរបស់ Maradona តែប៉ុណ្ណោះ ។ តើចំពោះលោកអ្នកគិតយ៉ាងដូចម្តេចដែរ ទៅលើការដឹកនាំរបស់ Messi ?
ចែករំលែកព័តមាននេះ