រាជធានីភ្នំពេញ ៖ សម្រាប់ការត្រៀមកម្មវិធីថ្ងៃទី២៩-៣០-៣១ ខែធ្នូ ឆ្នាំ២០១៨ខាងមុខនេះរដ្ឋបាលរាជធានីភ្នំពេញនឹងដំឡើងផ្ទាំងសិលាចារឹកធ្វើអំពីថ្មភក់ចំនួន៦ផ្ទាំង និងដាក់ស្លាកឈ្មោះមហាវិថីឈ្នះឈ្នះ ចាប់ពីផ្លូវជាតិលេខ៤ ដល់ផ្លូវជាតិលេខ៦ រួមនឹងការលាបកំបោរគល់ឈើ និងលាបខឿនសួនច្បារផងដែរ…
រាជធានីភ្នំពេញ ៖ សម្រាប់ការត្រៀមកម្មវិធីថ្ងៃទី២៩-៣០-៣១ ខែធ្នូ ឆ្នាំ២០១៨ខាងមុខនេះរដ្ឋបាលរាជធានីភ្នំពេញនឹងដំឡើងផ្ទាំងសិលាចារឹកធ្វើអំពីថ្មភក់ចំនួន៦ផ្ទាំង និងដាក់ស្លាកឈ្មោះមហាវិថីឈ្នះឈ្នះ ចាប់ពីផ្លូវជាតិលេខ៤ ដល់ផ្លូវជាតិលេខ៦ រួមនឹងការលាបកំបោរគល់ឈើ និងលាបខឿនសួនច្បារផងដែរ ។
មន្ត្រីរដ្ឋបាលរាជធានីភ្នំពេញបានឲ្យដឹងថា កាលពីរសៀលថ្ងៃទី១១ ខែតុលា ឆ្នាំ២០១៨ កន្លងមកនេះ លោកឃួង ស្រេង អភិបាលរាជធានីភ្នំពេញបានចុះពិនិត្យ និងជំរុញការងារវិមាននយោបាយឈ្នះឈ្នះដែលសម្តេចសេនាពិជ័យ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានប្រគល់មករដ្ឋបាលរាជធានីភ្នំពេញ ដើម្បីអនុវត្តការងាររួមមានការដំឡើងបង្គោលភ្លើងសួនច្បារតម្លើងបង្គោលភ្លើងហ្វាដាក់បណ្តាញលូ បើកច្រកកាត់សួនច្បារនៅមហាវិថីឈ្នះឈ្នះតុបតែងលំអភ្លើងដើមច័ន្ទគីរីនៅមហាវិថីឈ្នះឈ្នះចាប់ពីស្ពានព្រែកព្នៅដល់ផ្លូវជាតិលេខ៦ ។
មន្ត្រីរដ្ឋដដែលបានបញ្ជាក់ថា សម្រាប់ត្រៀមកម្មវិធីថ្ងៃទី២៩-៣០-៣១ ខែធ្នូ ឆ្នាំ២០១៨ខាងមុខ រដ្ឋបាលរាជធានីភ្នំពេញក៏នឹងដំឡើងផ្ទាំងសិលាចារឹកធ្វើអំពីថ្មភក់ចំនួន៦ផ្ទាំង និងដាក់ស្លាកឈ្មោះមហាវិថីចាប់ពីផ្លូវជាតិលេខ៤ដល់ផ្លូវជាតិលេខ៦លាបកំបោរគល់ឈើ និងលាបខឿនសួនច្បារផងដែរ ៕
ចែករំលែកព័តមាននេះ