ខេត្តកណ្តាល ៖ ជនសង្សយ័ម្នាក់បានត្រូវនគរបាលស្រុកកៀនស្វាយធ្វើការឃាត់ខ្លួន បន្ទាប់ពីឪពុកម្តាយកុមារីរងគ្រោះមកដាក់ពាក្យបណ្តឹងថា ជនសង្សយ័ត្រូវជាអ៊ំរបស់កុមារីរងគ្រោះ បានចាប់រំលោភក្មួយស្រីរហូតបានសម្រេចមួយលើក។ ហេតុការណ៍នេះបានកើតឡើងនៅថ្ងៃទី១២ តុលា ២០១៨ ស្រុកកៀនស្វាយ…
ខេត្តកណ្តាល ៖ ជនសង្សយ័ម្នាក់បានត្រូវនគរបាលស្រុកកៀនស្វាយធ្វើការឃាត់ខ្លួន បន្ទាប់ពីឪពុកម្តាយកុមារីរងគ្រោះមកដាក់ពាក្យបណ្តឹងថា ជនសង្សយ័ត្រូវជាអ៊ំរបស់កុមារីរងគ្រោះ បានចាប់រំលោភក្មួយស្រីរហូតបានសម្រេចមួយលើក។
ហេតុការណ៍នេះបានកើតឡើងនៅថ្ងៃទី១២ តុលា ២០១៨ ស្រុកកៀនស្វាយ ខេត្តកណ្តាល និងឃាត់ខ្លួននៅថ្ងៃ១៤ តុលា ២០១៨។
ក្មេងស្រីរងគ្រោះមានអាយុ៦ឆ្នាំ មានទីលំនៅស្រុកកៀនស្វាយ ខេត្តកណ្តាល ចំណែកជនសង្ស័យឈ្មោះ អ៊ួន រឿន ភេទប្រុស អាយុ៣២ឆ្នាំ មុខរបរកសិករ មានទីលំនៅស្រុកកៀនស្វាយ ខេត្តកណ្តាល ។
នគរបាលស្រុកកៀនស្វាយបានអោយដឹងថា មុនពេលកើតហេតុ កុមារីរងគ្រោះស្នាក់នៅជាមួយជីតាឈ្មោះចេង ម៉ី នៅភូមិឃុំកើតហេតុខាងលើ ហើយជនសង្ស័យដែលត្រូវជាអ៊ំរបស់កុមារីរងគ្រោះ បានមកសុំកុមារីរងគ្រោះពីជីតាថា «ឲ្យកុមារីរងគ្រោះទៅដេកជាមួយខ្លួនមួយយប់» ពេលនោះជីតាជនរងគ្រោះបានឯកភាពក៍នាំកុមារីរងគ្រោះមកដេកលើគ្រែពូករបស់ខ្លួន រួចធ្វើសកម្មភាពរំលោភសេពសន្ថវៈរហូតបានសម្រេច១លើក។
លុះដល់ថ្ងៃទី១៣ តុលា ២០១៨ អ៊ំស្រីរបស់កុមារីរងគ្រោះឃើញកុមារីរងគ្រោះដេកមានការសង្ស័យក៏សួរនាំ ហើយកុមារីរងគ្រោះបានឆ្លើយថា អ៊ំប្រុសបានបៀតបៀននាង ឮដូច្នេះអ៊ំស្រីកុមារីរងគ្រោះក៏ឆែកមើលប្រដាប់ភេទកុមារីរងគ្រោះឃើញមានសភាពខុសធម្មតា ក៏ទូរសព្ទ័ទៅប្រាប់ម្តាយកុមារីរងគ្រោះនៅឯភ្នំពេញ និងនាំកុមារីរងគ្រោះទៅពិនិត្យនៅមន្ទីរពេទ្យបង្អែករាជធានីភ្នំពេញ បន្ទាប់មកក៍បានមកដាក់ពាក្យបណ្តឹងនៅអធិការដ្ឋាននគរបាលស្រុកកៀនស្វាយ ។
ក្រោយទទួលបានពាក្យបណ្តឹងកំលាំងជំនាញសហការជាមួយកំលាំងប៉ុស្តិ៍នគរបាលរដ្ឋបាលគគីរធំឃាត់ខ្លួនជនសង្ស័យបាននៅវេលាម៉ោង៦ថ្ងៃទី១៤ តុលា ២០១៨ បញ្ជូនមកអធិការដ្ឋាននគរបាលស្រុកដើម្បីបន្តចាត់ការតាមនីតិវិធី៕
ចែករំលែកព័តមាននេះ