ខេត្តព្រៃវែង ៖ សេចក្តីរាយការណ៍ឱ្យដឹងថា បុរសម្នាក់ត្រូវមិត្តភក្តិកាប់៤ពូថៅបែកក្បាលហូរឈាមស្រោចជោកខ្លួននិងដី ដោយសារតែផឹកស៊ីហើយអួតចេះភាសាថៃច្រើន ដែលហេតុការណ៍នេះ កើតឡើងកាលពីវេលាម៉ោង០៩ និង៣០នាទីយប់ថ្ងៃទី១២ តុលា ស្ថិតនៅផ្ទះជនរងគ្រោះក្នុងភូមិចំបក់…
ខេត្តព្រៃវែង ៖ សេចក្តីរាយការណ៍ឱ្យដឹងថា បុរសម្នាក់ត្រូវមិត្តភក្តិកាប់៤ពូថៅបែកក្បាលហូរឈាមស្រោចជោកខ្លួននិងដី ដោយសារតែផឹកស៊ីហើយអួតចេះភាសាថៃច្រើន ដែលហេតុការណ៍នេះ កើតឡើងកាលពីវេលាម៉ោង០៩ និង៣០នាទីយប់ថ្ងៃទី១២ តុលា ស្ថិតនៅផ្ទះជនរងគ្រោះក្នុងភូមិចំបក់ ឃុំចុងអំពិល ស្រុកកញ្ជ្រៀច ខេត្តព្រៃវែង ។ ជនរងគ្រោះខាងលើ ឈ្មោះ ធី ចាន់ធូ អាយុ២៩ឆ្នាំ រីឯជនបង្កឈ្មោះ ដែន ប៊ុន
ណែត ភេទប្រុស អាយុ២៥ឆ្នាំ អ្នកទាំង២ មានទីលំនៅក្នុងភូមិខាងលើជាមួយគ្នា ។
ប្រភពបន្តថា ជនបង្កនិងជនរងគ្រោះជាមិត្តភក្តិនិងគ្នា និងបានធ្វើចំណាកស្រុកទៅធ្វើការនៅប្រទេសថែជាមួយគ្នា ហើយមិនដែលមកផ្ទះវិញទេ គឺទើបតែបុណ្យភ្ជំបិណ្ឌឆ្នាំនេះ ដែលពួកគេនាំគ្នាត្រឡប់មកផ្ទះវិញ។នៅមុនពេលកើតហេតុ ជនបង្កនិងជនរងគ្រោះ ព្រមទាំងបងប្រុសជនរងគ្រោះម្នាក់ទៀត បាននាំគ្នាផឹកស៊ីសប្បាយលក្ខណៈមិត្តភក្តិដូចសព្វមួយដង ដោយគ្មានបញ្ហាអ្វីទេ ។ ប៉ុន្តែលុះពេលផឹកស្រវឹងស្រាប់តែជនបង្កនិងជនរងគ្រោះលែងនិយាយខ្មែរ បែរជានិយាយតែភាសាថៃ ចំណែកបងប្រុសជនរងគ្រោះស្តាប់មិនបាន មិនដឹងគេនិយាយរឿងអីក៏ចេះតែផឹកទៅ លុះមួយសន្ទុះក្រោយមកស្រាប់តែជនបង្កងើបដើរចេញទៅបាត់ នៅសល់តែជនរងគ្រោះនិងបងប្រុសអង្គុយផឹក២នាក់ ។
ស្រាប់តែមួយសន្ទុះក្រោយមក ក៏ឃើញជនបង្កត្រឡប់មកវិញ មានទាំងពូថៅនៅក្នុងដៃ ស្ទុះមកកាប់សន្ធាប់លើជនរងគ្រោះត្រូវចំនួន៤ពូថៅ បែកក្បាលហូរឈាមជោគខ្លួន និងស្រោចជោគពេញដី ទើបមានការភ្ញាក់ផ្អើលឆោឡោឡើង ហើយជនរងគ្រោះ ក៏ត្រូវក្រុមគ្រួសារនាំយកទៅសង្គ្រោះនៅមន្ទីរពេទ្យភ្លាមៗ និងបានរាយការណ៌ប្រាប់សមត្ថកិច្ចចុះទៅអន្តរាគមភ្លាមៗផងដែរ ប៉ុន្តែជនបង្កបានរត់គេចខ្លួនបាត់ទៅហើយ។បច្ចុប្បន្ន ជនរងគ្រោះ ត្រូវបានក្រុមគ្រួសារនាំយកទៅព្យាបាលបន្តនៅរាជធានីភ្នំពេញ ដោយឡែកខាងសមត្ថកិច្ច កំពុងកសាងសំណុំរឿង និងតាមរកចាប់ខ្លួនជនបង្ក ដើម្បីយកមកផ្តន្ទាទោសទៅតាមច្បាប់ ៕
ចែករំលែកព័តមាននេះ