រាជធានីភ្នំពេញ ៖ បន្ទាប់ពីសម្តែងការព្រួយបារម្ភចំពោះការដក់អនុគ្រោះពន្ធលើកទំនិញគ្រប់ប្រភេទ (EBA )សម្រាប់ការនាំចូលទីផ្សារបស់សហភាពអឺរ៉ុប (EU) ពីប្រទេសកម្ពុជានោះមេសហជីពមួយរូបចង់ឃើញអ្នកនយោបាយចរចាគ្នា និងរកដំណោះលើបញ្ហានេះ ។ លោក…
រាជធានីភ្នំពេញ ៖ បន្ទាប់ពីសម្តែងការព្រួយបារម្ភចំពោះការដក់អនុគ្រោះពន្ធលើកទំនិញគ្រប់ប្រភេទ (EBA )សម្រាប់ការនាំចូលទីផ្សារបស់សហភាពអឺរ៉ុប (EU) ពីប្រទេសកម្ពុជានោះមេសហជីពមួយរូបចង់ឃើញអ្នកនយោបាយចរចាគ្នា និងរកដំណោះលើបញ្ហានេះ ។
លោក ប៉ាវ ស៊ីណា ប្រធានសហភាពចលនាកម្មករកម្ពុជាបានឲ្យកោះសន្តិភាពដឹងនៅថ្ងៃទី១២ តុលានេះថា លោកបានព្រួយបារម្ភចំពោះការដាក់អនុគ្រោះពន្ធពីកម្ពុជារបស់សហភាពអឺរ៉ុបសម្រាប់ទំនិញគ្រប់ប្រភេទដែលនាំចូលទៅអឹរ៉ុប ។ លោកប៉ាស៊ីណាបញ្ជាក់ថា «យើងព្រួយចេះតែព្រួយហើយ ក្នុងនាមតំណាងកម្មករយើងអត់ឃើញសហគមន៍អន្តរជាតិគាត់ដាក់សំពាធ ឬដាក់ទណ្ឌកម្មមកលើប្រទេសខ្មែរទេ ។ អ្នករងគ្រោះនោះ គឺប្រជាពលរដ្ឋខ្មែរ និងកម្មករនិយោជិក» ។
លោកប្រធានសហជីពក៏បានលើកឡើងថា ប្រទេសកម្ពុជាមានការរីកលូតលាស់ក៏ដោយសារវិស័យកាត់ដេរសំលៀកបំពាក់ និងស្បែកជើង ដូច្នេះសូមអ្នកនយោបាយមេត្តាធ្វើការចរចាគ្នាដើម្បីរកដំណោះស្រាយ ដើម្បីផលប្រយោជន៍ជាតិ ។ លោកថា៖«ខ្ញុំសូមអំពាវនាវដល់អ្នកនយោបាយទាំងអស់ធ្វើចរចាគ្នា ដើម្បីផលប្រយោជន៍ជាតិជារួម ។ យើងមើលឃើញថា EU ដក់ការអនុគ្រោះពន្ធនេះ គឺជាកក្តានយោបាយតែម្តង »។ ជាមួយគ្នានោះដែរលោក ស៊ីណា ក៏ បានលើកឡើងថា ប្រសិនបើ EU ចង់ឲ្យកម្ពុជាគោរពច្បាប់អន្តរជាតិនោះជាការល្អព្រោះថា កន្លងមកនេះកម្ពុជាបានផ្តល់អនុញ្ញាស្នូលសំខាន់ៗជាច្រើនជាងនេះ កម្ពុជាក៏បានបង្កើតនូវប្រព័ន្ធក្នុងការត្រួតពិនិត្យនូវលក្ខខណ្ឌការងាររួចហើយដែរ ។
លោកគូសបញ្ជាក់ថា ៖«ខ្ញុំមើលឃើញថា ដែលសំខាន់ក្នុងការដោះស្រាយលើកបញ្ហានេះមានតែអ្នកនយោបាយប៉ុណ្ណោះដែលអាចដោះស្រាយបាន» ។ ទាក់ទិននឹងការអះអាងរបស់មន្ត្រីរាជរដ្ឋាភិបាលថា ទោះបីជា EU ដក់អនុគ្រោះពន្ធពីកម្ពុជាក៏កម្ពុជាមិនស្លាប់ដែរនោះត្រូវបានប្រធានសហជីពរូបនេះអះអាងថា ជារឿងមួយ ប៉ុន្តែរឿងមួយវិញទៀតនោះរាជរដ្ឋាភិបាលនឹងមានយន្តការក្នុងការទប់ស្កាត់រក្សាការវិនិយោគរួចហើយ ។
លោកបន្តថា អ្វីដែលរាជរដ្ឋាភិបាលចូលរួមចំណែកក្នុងដោះស្រាយបញ្ហានោះមានដូចជា ការបន្ថយតម្លៃទឹក ភ្លើង ដឹកជញ្ជូនដល់អ្នកវិនិយោគ ដើម្បីឲ្យមានការកាត់បន្ថយលើកការចំណាយ ព្រោះអ្នកវិនិយោគត្រូវបង់ពន្ធដល់សហភាពអឺរ៉ុប។ កក្តាទាំងនេះជាផ្នែកមួយដែលជួយដល់អ្នករកស៊ីនៅក្នុងប្រទេសកម្ពុជា និងជាហេតុផលដែលរាជរដ្ឋាភិបាលក្នុងបកស្រាយប្រាប់ទៅអន្តរជាតិឲ្យបានដឹង និងយល់ច្បាស់ ៕
ចែករំលែកព័តមាននេះ