ខេត្តពោធិ៍សាត់៖ នារីវ័យក្មេងម្នាក់បានស្លាប់ក្រោយបញ្ជូនដល់មន្ទីរពេទ្យ និង២នាក់ទៀតរងរបួសយ៉ាងធ្ងន់ធ្ងរ ដោយសារម៉ូតូ២គ្រឿងបុកគ្នា។ គ្រោះថ្នាក់ចរាចរណ៍នេះបានកើតឡើងលើកំណាត់ផ្លូវជាតិលេខ៥៥ ត្រង់ចំណុចភូមិអូរហេង ឃុំសំរោង ស្រុកភ្នំក្រវាញ វេលាម៉ោង៦និង២៥នាទីយប់កាលពីថ្ងៃទី១១ ខែតុលា…
ខេត្តពោធិ៍សាត់៖ នារីវ័យក្មេងម្នាក់បានស្លាប់ក្រោយបញ្ជូនដល់មន្ទីរពេទ្យ និង២នាក់ទៀតរងរបួសយ៉ាងធ្ងន់ធ្ងរ ដោយសារម៉ូតូ២គ្រឿងបុកគ្នា។ គ្រោះថ្នាក់ចរាចរណ៍នេះបានកើតឡើងលើកំណាត់ផ្លូវជាតិលេខ៥៥ ត្រង់ចំណុចភូមិអូរហេង ឃុំសំរោង ស្រុកភ្នំក្រវាញ វេលាម៉ោង៦និង២៥នាទីយប់កាលពីថ្ងៃទី១១ ខែតុលា ឆ្នាំ២០១៨ ។
ជនរងគ្រោះដែលស្លាប់ឈ្មោះ សៀ នុត ភេទស្រី អាយុ១៥ឆ្នាំ ជាអ្នករួមដំណើរ និងអ្នកបើកបរម៉ូតូឈ្មោះ ដា ចិន ភេទស្រី អាយុ១៦ឆ្នាំ បានរបួសធ្ងន់។ ជនរងគ្រោះទាំង២នាក់រស់នៅភូមិអូរហេង ឃុំសំរោង ស្រុកភ្នំក្រវាញ។ ចំណែកភាគីម៉ូតូម្ខាងទៀតឈ្មោះ រិទ្ធ វណ្ណដា ភេទប្រុស អាយុ២០ឆ្នាំ រស់នៅភូមិព្រែក៣ ឃុំសំរោង ស្រុកភ្នំក្រវាញ បានរបួសធ្ងន់ ។
សមត្ថកិច្ចឲ្យដឹងថា គ្រោះថ្នាក់ចរាចរណ៍នេះបង្កឡើងដោយម៉ូតូម៉ាកវ៉េវអាល់ហ្វាមួយគ្រឿង ពណ៌ខ្មៅ គ្មានស្លាកលេខ ជិះដោយនារីវ័យក្មេង២នាក់ ធ្វើដំណើរក្នុងទិសដៅពីជើងទៅត្បូង ក្នុងល្បឿនលឿន ពេលទៅដល់ចំណុចកើតហេតុ មិនដឹងជាយ៉ាងម៉េចស្រាប់តែទៅបុកម៉ូតូមួយគ្រឿងទៀតម៉ាកហុងដាសេ១២៥ ស៊េរីឆ្នាំ២០១៧ ពាក់ស្លាកលេខ ពោធិ៍សាត់ ១H-០៩៦១ ពីក្រោយ ដែលបើកបរដោយបុរសម្នាក់ធ្វើដំណើរតែម្នាក់ឯង បណ្ដាលឲ្យដួលបោកក្បាលរយះមុខមាត់ ដៃជើង សន្លប់ស្ដូកស្ដឹងទាំង៣នាក់ ហើយត្រូវបានគេបញ្ជូនជនរងគ្រោះទាំង៣នាក់ទៅសង្គ្រោះនៅមន្ទីរពេទ្យបង្អែកស្រុកភ្នំក្រវាញដែរ ប៉ុន្តែភាគីខាងម៉ូតូវ៉េវអាល់ហ្វាបានស្លាប់នារីវ័យក្មេងម្នាក់ដែលជាអ្នករួមដំណើរ។
ជនរងគ្រោះបានបញ្ជូនទៅសង្គ្រោះនៅមន្ទីរពេទ្យស្រុកភ្នំក្រវាញ ចំណែកសពនារីវ័យក្មេងត្រូវបានប្រគល់ជូនគ្រួសារ រីឯម៉ូតូបង្កគ្រោះថ្នាក់រក្សាទុក្ខនៅអធិការដ្ឋាននគរបាលស្រុកភ្នំក្រវាញដើម្បីដោះស្រាយតាមនីតិវិធី៕
ចែករំលែកព័តមាននេះ