តាមប្រភពពី Shanghaiist បានឱ្យដឹងថា ចោរអាយុ៣៧ឆ្នាំម្នាក់ បានល្បីខាងលួចខោទ្រនាប់ក្នុងស្រីៗ ក៏ត្រូវបានប៉ូលិសចាប់ ហើយគាត់ឆ្លើយសារភាព «លួចព្រោះតែចង់មានអារម្មណ៍រំភើប» ។
កាលពីថ្ងៃចន្ទកន្លងមក ប៉ូលិសនៅទីក្រុងសៀងហៃបានប្រកាសចាប់បានចោរប្រុសជំនាញខាងលួចលីអូ ដែលធ្វើឱ្យស្រីៗរកខោក្នុងមិនដែលឃើញ ក្រោយពីដាក់ហាលថ្ងៃ ។ ប៉ូលិសបានបើកការស៊ើបអង្កេតតាំងពីដើមខែកញ្ញា ក្រោយពីមានការរាយការណ៍ពីសំណាក់ស្រីៗក្នុងតំបន់ ពីហេតុការណ៍បាត់ខោក្នុង ។
ក្រោយពីបានឆែកមើលកាមេរ៉ាសុវត្ថិភាពមួយចំនួនមក ប៉ូលិសអាចកំណត់អត្តសញ្ញាណចោរបាន។ ក្រោយពីបានចាប់ខ្លួន ជនសង្ស័យខាងលើគឺមានត្រកូលលី បានសារភាពថា ខ្លួនបានលួចខោក្នុងស្រីៗចំនួន៣ដងមកហើយ ព្រមទាំងប្រាប់ថា ខ្លួនលួចបែបនេះ ដោយសារតែចង់រំភើបក្នុងអារម្មណ៍តែប៉ុណ្ណោះ ។
គេនៅមិនទាន់ដឹងថា ចោរលួចខោក្នុងម្នាក់នេះ ធ្វើអ្វីខ្លះក្រោយលួចបាននោះទេ ។ កាលពីឆ្នាំមុន នៅទីក្រុង Jiangxi ខេត្ត Jiujiang ប៉ូលិសធ្លាប់បានចាប់ចោរម្នាក់ ដែលប្រព្រឹត្តស្រដៀងគ្នានេះដែរ ។ ចោរនោះ បានលួចលីអូចំនួនជាង១ម៉ឺនខោ យកទៅដាក់ក្នុងបន្ទប់ដេករបស់ខ្លួន។ រូបគេបានសារភាពថា បានយកលីអូទាំងនោះទៅដេកអោបជារៀងរាល់យប់ ៕
ចែករំលែកព័តមាននេះ