រាជធានីភ្នំពេញ ៖ សហជីពបានអះអាងថា ការដកអនុគ្រោះពន្ធលើកទំនិញគ្រប់ប្រភេទរបស់សហភាពអឺរ៉ុប (EU) មកលើប្រទេសកម្ពុជាមានចរិតនយោបាយច្រើនជាអ្វីដែលកើតមានបច្ចុប្បន្ន តែមិនធ្វើឲ្យកម្ពុជាស្លាប់នោះទេ ។ ការអះអាងនេះបន្ទាប់ពីសហភាពអឺរ៉ុបបានសម្រេចដកពន្ធអនុគ្រោះលើកទំនិញគ្រប់ប្រទេសលើកលែងតែសព្វាវុញប៉ុណ្ណោះពីប្រទេសកម្ពុជា ។…
រាជធានីភ្នំពេញ ៖ សហជីពបានអះអាងថា ការដកអនុគ្រោះពន្ធលើកទំនិញគ្រប់ប្រភេទរបស់សហភាពអឺរ៉ុប (EU) មកលើប្រទេសកម្ពុជាមានចរិតនយោបាយច្រើនជាអ្វីដែលកើតមានបច្ចុប្បន្ន តែមិនធ្វើឲ្យកម្ពុជាស្លាប់នោះទេ ។
ការអះអាងនេះបន្ទាប់ពីសហភាពអឺរ៉ុបបានសម្រេចដកពន្ធអនុគ្រោះលើកទំនិញគ្រប់ប្រទេសលើកលែងតែសព្វាវុញប៉ុណ្ណោះពីប្រទេសកម្ពុជា ។ លោកសោម អូន ប្រធានសហជីពជាតិកម្ពុជាបានឲ្យដឹងនៅថ្ងៃទី១២ តុលានេះ ការដែល EU ដកអនុគ្រោះមកលើកម្ពុជាមានចរិតនយោបាយភាគច្រើន ហើយឆ្លើយតបនឹងស្ថានភាពជាក់ស្តែងនោះទេ ។ លោកថា ៖«អ្វីដែលEU ធ្វើនេះមានចរិតនយោបាយច្រើនពាក់ព័ន្ធនឹងទីតាំងភូមិសាស្ត្រនយោបាយក្នុងតំបន់ ។ ឥឡូវយើងមើលគាត់ថា កម្ពុជារំលោភសិទ្ធិមនុស្សតែយើងសព្វថ្ងៃនេះបើនិយាយពីសិទ្ធិសេរីភាពវិញ សំបូរណាស់ទៅហើយដោយប្រទេសខ្លះមិនដូចប្រទេសកម្ពុជាយើងនោះទេ។
ចំណែកកម្មករវិញមានសិទ្ធិច្រើន ហើយគាត់និយាយអីព្រៀបដូចជា ILO ជួយកម្ពុជារាប់ឆ្នាំកន្លងមក គ្មានប្រយោជន៍ទាល់តែសោះ» ។ លោកបន្តថា ពាក់ព័ន្ធនឹងវិស័យការងារកម្ពុជាមានច្រើនភាគីដូចជាក្រសួងការងារសហជីពអង្គការអន្តរជាតិខាងការងារ (ILO) និងភាគីផ្សេងៗទៀត ដែលខិតខំធ្វើឲ្យវិស័យការងារកាន់តែល្អប្រសើរ ។ ជាមួយគ្នានោះដែរ លោកសោម អូនបានអះអាងប្រសិនបើក EU សម្រេចដកពន្ធពីប្រទេសកម្ពុជាក៏កម្ពុជាមិនស្លាប់ដែរ ព្រោះថាការដកអនុគ្រោះរបស់ EU ធ្វើឡើងនៅប្រទេសណាដែលមានជីវភាពក្រីក្រ ដើម្បីធ្វើឲ្យប្រទេសនោះមានការអភិវឌ្ឍន៍ដំណើរទៅមុខ ។ សម្រាប់ប្រទេសកម្ពុជាវិញ នៅឆ្នាំ២០២០ ប្រជាពលរដ្ឋនឹងមានចំណូលធម្យមមួយដែលអាចរួចផុតពីការអនុគ្រោះពន្ធដោយស្វ័យប្រវត្តិ ។ ដូច្នេះរឿងនឹងមិនប៉ះពាល់អ្វីដល់កម្ពុជាខ្លាំងក្លានោះទេ ។
លោកបញ្ជាក់ថា «ខ្ញុំមើលទៅរឿងនេះមិនជាការចាប់អារម្មណ៍នោះទេ ហើយកម្ពុជាបើអត់អនុគ្រោះពន្ធ (EBA) ក៏មិនស្លាប់ដែរ ព្រោះថា កម្ពុជាមានយើងមានការរីកចម្រើនគ្រប់វិស័យ ដែលកាលពីមុនពឹងតែវិស័យកាត់ដេរ» ។ លោកប្រធានសហជីពក៏បានគូសបញ្ជាក់យ៉ាងដូច្នេះថា ទោះបីជា EU ដកពន្ធក្តីក៏វិស័យកាត់ដេរនៅកម្ពុជាមិនដួលរំលំនោះទេ ។ ព្រោះថាEBA នេះសំដៅលើកការអនុគ្រោះពន្ធដែលនាំទំនិញទៅ EU មិនបង់ពន្ធតែការបញ្ជាទំនិញពីកម្ពុជានៅតែមានធម្មតាគ្រាន់តែបង់ពន្ធដូចជា ប្រទេសផ្សេងៗ ។
លោកសង្កត់ធ្ងន់ថា ៖ «ដក EBA មិនដកការបញ្ជាទិញទេ គឺបើដកការបញ្ជាទិញទើបវាប៉ះពាល់ដល់ថៅរោងចក្រ និងកម្មករ ប៉ុន្តែបើយើងនាំចូលទៅត្រូវបង់ពន្ធ អីញ្ចឹងខ្ញុំគិតថា មិនប៉ះ ពាល់ដល់អុ្នកវិនិយោគលើកវិស័យកាត់ដេរនឹងប៉ុន្មាននោះទេ» ។
ទាក់ទិននឹងដកអនុគ្រោះពន្ធនេះដែរត្រូវបានលោកប៉ាវ ស៊ីណា ប្រធានសហភាពចលនាកម្មករកាត់ដេរកម្ពុជាបានលើកឡើងថា ការដកអនុគ្រោះពន្ធរបស់ EU មកលើកកម្ពុជានឹងប៉ះ ពាល់ដល់កម្ពុជាខ្លះដែរព្រោះថា អ្នករកស៊ីមួយចំនួនភាគច្រើនរកស៊ីលើវិស័យកាត់ដេរ និងស្បែកជើង ។ លោកបញ្ជាក់ថា« បើសិនគេដកមែននោះវានឹងជះឥទ្ធិពលដល់អ្នករកស៊ីទាំងអស់នោះ ដែលគាត់នឹងប្រឈមមុខនឹងការចំណាយបន្ថែមលើការវិនយោគរបស់ខ្លួនលើកការបង់ពន្ធបន្ថែមទៀត ។ ប្រសិនបើគាត់មិនអាចរ៉ាប់រងក្នុងការបង់ពន្ធទេ គាត់នឹងពិចារណាក្នុងការដកខ្លួនចេញក្នុងការវិនិយោគពីប្រទេសកម្ពុជា» ។
លោកប៉ាវ ស៊ីណា ក៏បានលើកឡើងថា ប្រសិនបើរាជរដ្ឋាភិបាលទប់ស្កាត់ដូចជា ការរិះរក មធ្យោបាយផ្សេងៗតាមរយៈការបង់ពន្ធ ការបញ្ចុះតម្លៃ ទឹក ភ្លើង ដឹកជញ្ជូនផ្សេងៗ ក៏ចូលរួមចំណែកក្នុងការសម្រួលដល់អ្នករកស៊ី ដើម្បីឲ្យគេបន្តទៀត ។ ប្រធានសហជីពរូបនេះក៏បានលើកឡើងថា អ្វីដែល EU ដកអនុគ្រោះពន្ធពីកម្ពុជានោះក៏ដោយសារស្ថានគារណ៍នយោបាយផងដែរ ។ លោកថា អ្នកនយោបាយអាចដោះស្រាយស្ថានភាពនេះបាន ។ យ៉ាងណាក្តីលោកប៉ាវ ស៊ីណា បានឲ្យដឹងរហូតមកដល់ពេលនេះមិនទាន់ឃើញមានអ្វីប៉ះពាល់ដល់កម្ពុជានោះទេ សម្រាប់ការដកអនុគ្រោះពន្ធរបស់ EU នេះ ប៉ុន្តែលទ្ធផលនឹងចាប់ពីឆ្នាំ២០២០ទៅ ប្រសិនបើគេបិទក្នុងការអនុគ្រោះពន្ធពិតមែននោះ ។ ពាក់ពាន់នឹងការដកអនុគ្រោះពន្ធនេះដែរមន្ត្រីជាន់ខ្ពស់ក្រសួងការងារ និងបណ្តុះបណ្តាលកម្ពុជាបានអះអាងមិនបានធ្វើឲ្យកម្ពុជាស្លាប់នោះទេ ។
លោកហេង សួរអ្នកនាំពាក្យក្រសួងការងារត្រូវសារព័ត៌មានក្នុងស្រុកស្រង់សំដីផ្សាយយ៉ាងដូច្នេះថា ប្រសិនបើមានការសម្រេចដកប្រព័ន្ធអនុគ្រោះពន្ធ EBA របស់សហភាពអឺរ៉ុបសម្រាប់ទំនិញពីកម្ពុជាមែននោះ ក៏មិនធ្វើឲ្យសេដ្ឋកិច្ចកម្ពុជាស្លាប់នោះឡើយ ពីព្រោះដោយស្វ័យ ប្រវត្តិកម្ពុជានឹងបាត់បង់ភាពអនុគ្រោះពន្ធ EBA នេះ នៅអំឡុងឆ្នាំ២០២១ ឬ២០២៣ ដោយសារកម្ពុជាបានក្លាយទៅជាប្រទេសដែលមានចំណូលមធ្យមហើយ ។ ការអនុគ្រោះពន្ធ របស់សហគមន៍អ៊ឺរ៉ុប គឺផ្តល់ទៅដល់បណ្តាប្រទេសដែលមានចំណូលទាបតែប៉ុណ្ណោះ ។ ការអះអាងរបស់លោក ហេង សួរ បានធ្វើឡើងបន្ទាប់ពីគណៈកម្មការសហភាពអឺរ៉ុបបានប្រកាសថា ខ្លួនកំពុងនឹងបន្តនីតិវិធីរបស់ខ្លួនលើការដកប្រព័ន្ធអនុគ្រោះពន្ធលើទំនិញរបស់កម្ពុជា ក្រោមលេសថា កម្ពុជាបានរំលោភលើសិទ្ធិមនុស្ស និងលទ្ធិប្រជាធិបតេយ្យជាដើមនោះដែលជាអង្គហេតុមួយប្រាស់ចាកពីមូលដ្ឋានបច្ចេកទេសនៃលក្ខខណ្ឌ និងស្ថានភាពជាក់ស្តែងនៅកម្ពុជា ៕
ចែករំលែកព័តមាននេះ