ទីក្រុងប៉េកាំង ៖ ខណៈពេលជម្លោះពាណិជ្ជកម្មរវាងចិននិងសហរដ្ឋអាមេរិក កំពុងបន្តឡើងកំដៅយ៉ាងក្ដៅគគុកនោះ បានផ្តល់ឱកាសមួយសម្រាប់ចិននិងឥណ្ឌា ដើម្បីពង្រឹងពាណិជ្ជកម្មកសិកម្មរវាងប្រទេសទាំងពីរ ដែលនឹងជួយដោះស្រាយអតុល្យភាពពាណិជ្ជកម្មរវាងប្រទេសទាំងពីរ។ នេះបើយោងតាមក្រុមអ្នកជំនាញបានថ្លែងឲ្យដឹង ។ ប៉ុន្តែពួកគេបានព្រមានថា…
ទីក្រុងប៉េកាំង ៖ ខណៈពេលជម្លោះពាណិជ្ជកម្មរវាងចិននិងសហរដ្ឋអាមេរិក កំពុងបន្តឡើងកំដៅយ៉ាងក្ដៅគគុកនោះ បានផ្តល់ឱកាសមួយសម្រាប់ចិននិងឥណ្ឌា ដើម្បីពង្រឹងពាណិជ្ជកម្មកសិកម្មរវាងប្រទេសទាំងពីរ ដែលនឹងជួយដោះស្រាយអតុល្យភាពពាណិជ្ជកម្មរវាងប្រទេសទាំងពីរ។ នេះបើយោងតាមក្រុមអ្នកជំនាញបានថ្លែងឲ្យដឹង ។ ប៉ុន្តែពួកគេបានព្រមានថា តម្លៃខ្ពស់នៃកសិផលឥណ្ឌាគឺនៅតែជាឧបសគ្គដដែល ។
រដ្ឋាភិបាលឥណ្ឌាបច្ចុប្បន្នកំពុងខិតខំប្រឹងប្រែងដើម្បីលើកកម្ពស់ការលក់កសិផលរបស់ខ្លួនទៅឲ្យអ្នកទិញនៅប្រទេសចិន ។ នេះបើយោងតាមព័ត៌មានមួយដែលត្រូវបានផ្ញើដោយស្ថានទូតឥណ្ឌាប្រចាំទីក្រុងប៉េកាំង ប្រទេសចិន និយាយប្រាប់កាសែត Global Times ។
វាទំនងខ្លាំងណាស់ដែលចិននឹងបែរទៅរកឥណ្ឌាដែលជាទីផ្សារជំនួសមួយ ខណៈសង្គ្រាមពាណិជ្ជកម្មរវាងចិន និងសហរដ្ឋអាមេរិកមិនរកច្រកចេញឃើញនៅឡើយ ។ នេះបើយោងតាមលោក Zhao Gancheng ប្រធាននាយកដ្ឋានសិក្សាអាស៊ីខាងត្បូងនៃវិទ្យាស្ថានសិក្សាអន្តរជាតិទីក្រុងសៀងហៃ ។
រដ្ឋាភិបាលឥណ្ឌាអន្ទះសា ដើម្បីបើកទីផ្សារបន្ថែមទៀតជាមួយចិន ។ ឥណ្ឌាកំពុងតែមានក្តីសង្ឃឹម ក្នុងការទាញយកប្រយោជន៍នៃជម្លោះពាណិជ្ជកម្មរវាងចិននិងសហរដ្ឋអាមេរិកតាមរយៈការនាំចេញកសិផលសណ្តែកសៀងកាន់តែច្រើនទៅប្រទេសចិន ។
មានកសិករដ៏ទៃទៀត ដែលឥណ្ឌាអន្ទះសាដើម្បីនាំចេញទៅប្រទេសចិនដើម្បីជំនួសទំនិញសហរដ្ឋអាមេរិកដូចជា ទំពាំងបាយជូស្រស់ និងថ្នាំជក់ ។ នេះបើយោងតាមរបាយការណ៍មួយដែលត្រូវបានចេញផ្សាយដោយ Economic Times ក្នុងខែសីហាកន្លងទៅ ។
ប្រសិនបើចិនបង្កើនការនាំចូលកសិកម្មពីឥណ្ឌា វាអាចជួយធ្វើឲ្យកាន់តែប្រសើរឡើងអតុល្យភាពពាណិជ្ជកម្មរវាងប្រទេសទាំងពីរ(ចិន-ឥណ្ឌា) ។
ចិនបាននាំចូលកសិផលពីឥណ្ឌាក្នុងទំហំទឹកប្រាក់១២,៥ពាន់លានដុល្លារ ខណៈការនាំចេញទំនិញរបស់ចិនទៅកាន់ឥណ្ឌាក្នុងទំហំទឹកប្រាក់៥១,១ពាន់លានដុល្លារ ក្នុងរយៈពេល៨ខែដំបូងឆ្នាំនេះ ។ នេះបើយោងតាមទិន្នន័យគយដែលត្រូវបានចេញដោយផ្សាយក្នុងខែកញ្ញា កន្លងទៅ ។
ប៉ុន្តែក្រុមអ្នកជំនាញមួយចំនួនក៏កត់សម្គាល់ឃើញថា ឥណ្ឌាមិនអាចជំនួសទីផ្សារអាមេរិកបានទាំងស្រុងនោះឡើយចំពោះកសិផល ហើយចិននៅតែត្រូវការសម្លឹងមើលដៃគូផ្សេងទៀតចំពេលមានការរង្កៀសចិត្តផ្នែកពាណិជ្ជកម្ម។
ដោយកំពុងប្រឈមនឹងសម្ពាធលើការនាំចូល ប្រទេសចិនកំពុងពន្លឿនជំហាន ដើម្បីពង្រីកកិច្ចសហប្រតិបត្តិការកសិកម្មនៅក្រៅប្រទេស ។
គ្មានប្រទេសណាមួយអាចបំពេញសេចក្តីត្រូវការរបស់ចិន សម្រាប់ការនាំចូលកសិផលបានឡើយ ។ ចិនគួរតែពង្រីកបន្ថែមទៀតនូវបណ្តាញនាំចូលរបស់ខ្លួន ៕
ចែករំលែកព័តមាននេះ