ខេត្តក្រចេះ ៖ ជនសង្ស័យ៤នាក់បានដេញព្រួតវាយទៅលើជនរងគ្រោះម្នាក់ ពេលកំពុងតែជិះម៉ូតូ បណ្តាលឲ្យដួលម៉ូតូបោកក្បាលទៅនឹងថ្នល់ ហើយក៏បានស្លាប់ក្រោយពេលបញ្ជូនទៅសង្គ្រោះនៅមន្ទីរពេទ្យ។ ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី៩ តុលា នៅវត្តមួយកន្លែង ស្ថិតក្នុងឃុំស្រែចារ…
ខេត្តក្រចេះ ៖ ជនសង្ស័យ៤នាក់បានដេញព្រួតវាយទៅលើជនរងគ្រោះម្នាក់ ពេលកំពុងតែជិះម៉ូតូ បណ្តាលឲ្យដួលម៉ូតូបោកក្បាលទៅនឹងថ្នល់ ហើយក៏បានស្លាប់ក្រោយពេលបញ្ជូនទៅសង្គ្រោះនៅមន្ទីរពេទ្យ។
ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី៩ តុលា នៅវត្តមួយកន្លែង ស្ថិតក្នុងឃុំស្រែចារ ស្រុកស្នួល ។
នគរបាលស្រុកស្នួលបានឲ្យដឹងថា ជនរងគ្រោះដែលស្លាប់ឈ្មោះ អុល ហេង អាយុ១៧ឆ្នាំ រស់នៅស្រុកមេមត់ ខេត្តត្បូងឃ្មុំ ។
ប្រភពព័ត៌មានបានឱ្យដឹងថា កាលពីវេលាម៉ោង៩យប់ថ្ងៃទី៩ តុលា ជាថ្ងៃឆ្លងពិធីបុណ្យភ្ជុំបិណ្ឌ នៅក្នុងវត្តមានរាំធុងបាស់ ពេលនោះក៏មានការរាំឌឺដងគ្នារវាងក្រុមជនដៃដល់ដែលមានគ្នា៤នាក់ ជាមួយនឹងជនរងគ្រោះ។
ក្រោយមកជនរងគ្រោះបានជិះម៉ូតូមកផ្ទះក៏ត្រូវជនយុវជនដៃដល់ដែលមាន គ្នា៤នាក់ជិះម៉ូតូ២គ្រឿងប្រដេញមកពីក្រោយ ពេលនោះជនដៃដល់ឈ្មោះ រុំ រ៉ា អាយុ១៦ឆ្នាំ រស់នៅស្រុកស្នួល និងម្នាក់ទៀតឈ្មោះ សួន ពិសី អាយុ១៨ឆ្នាំ រស់នៅស្រុមមេមត់ បានយកខ្សែក្រវាត់វាយចំកជនរងគ្រោះពីក្រោយដែលកំពុងតែជិះម៉ូតូម្នាក់ឯង បណ្តាលឲ្យជនរងគ្រោះដួលម៉ូតូបោកក្បាលទៅនឹងថ្នល់ ហើយក៏បានស្លាប់ពេលបញ្ជូនទៅសង្គ្រោះនៅមន្ទីរពេទ្យ។
នគរបាលបានឲ្យដឹងថា ជនដៃដល់ចំនួន២នាក់ ក្នុងចំណោមបក្សពួក៤នាក់ ត្រូវបានកម្លាំងនគរបាលស្រុកស្នួល សហការជាមួយកម្លាំងនគរបាលស្រុកមេមត់ ចាប់ឃាត់ខ្លួន បន្ទាប់ពីធ្វើសកម្មភាពព្រួយវាយសម្លាប់ទៅលើជនរងគ្រោះបានមួយថ្ងៃរួចនាំគ្នារត់គេចខ្លួន។
លោកចាន់ សុគីម អធិការនគរបាលស្រុកស្នួល បានប្រាប់ឲ្យដឹងថា ជនសង្ស័យទាំង២នាក់ ជាជនដៃដល់ក្នុងអំពើវាយសម្លាប់នេះ ត្រូវបានកម្លាំងនគរបាលតាមស្រាវជ្រាវចាប់ខ្លួនបាន ខណៈបក្ខពួករបស់គេ២នាក់ផ្សេងទៀតកំពុងរត់គេចខ្លួន៕
ចែករំលែកព័តមាននេះ