រាជធានីភ្នំពេញ ៖ អ្នកវិភាគនយោបាយនៅក្រៅប្រទេសមួយរូបបានអះអាង សម្តេចតេជោហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា និងលោកសម រង្ស៊ី មិនទាន់បែកបាក់គ្នាមែនទែននោះទេ ។
ទោះបីជាមានការអះអាងរបស់អ្នកវិភាគនេះយ៉ាងណាក្តីក៏គេឃើញថា សម្តេចតេជោ ហ៊ុន សែន និងលោកសម រង្ស៊ី បានបែកបាក់គ្នាទៅហើយ ព្រោះលោកសម រង្ស៊ី វាយប្រហារលើ សម្តេចតេជោយ៉ាងធ្ងន់ៗ ដោយមិនសំចៃមាត់ ។
ចំណែកសម្តេចតេជោបានប្រកាសជំហរថា មិនលើកលែងទោសដល់សម រង្ស៊ីជាដាច់ខាត ។ មេបក្សកាន់អំណាច និងមេបក្សប្រឆាំងបានធ្វើការវាយប្រហារតាមសំដីដាក់គ្នាជាហូរហែដោយម្នាក់ថា ធ្វើតាមច្បាប់ ហើយម្នាក់ថា ច្បាប់បានតែនៅលើបបូតមាត់តែប៉ុណ្ណោះ ។ ទោះជាយ៉ាងណាក៏ដោយអ្នកវិភាគនយោបាយលោក សុខ សុគន្ធ ហៅជាម សុខ ដែលកំពុងរស់នៅទឹកដីសហរដ្ឋអាមេរិកបានបញ្ជាក់ឲ្យដឹងតាមបណ្តាញសង្គមយ៉ាងដូច្នេះថា «តាមខ្ញុំបាទសង្កេតមើលសម្តេច ហ៊ុន សែន និងលោក សម រង្ស៊ី នៅមិនទាន់បែកគ្នាមែនទែនទេ ។ ហេតុដែលខ្ញុំបាទនៅគិតដូច្នេះព្រោះថា អ្នកនយោបាយទាំងពីររូបបាន និងនៅតែរាំល្ខោនកៃ លឿងជាមួយគ្នា» ។ លោកបន្តថា ទោះដូច្នោះក៏ដោយក៏ជីវិតនយោបាយរបស់លោក សម រង្ស៊ី ស្ថិតក្នុងដៃរបស់សម្តេច ហ៊ុន សែន ។ វាស្រេចតែសម្តេច ហ៊ុន សែនទេដែលថា សម្តេចហ៊ុន សែននឹងសម្រេចបន្ដ ឬឈប់លេងចូលលោក សម រង្ស៊ី ។
ចំណែកលោក សមរង្ស៊ី វិញអស់ក្បាច់លោតហើយ ។ ប្រជាជនខ្មែរនៅក្នុង និងក្រៅប្រទេសបានឃើញថា លោក សម រង្ស៊ី លែងមានឥទ្ធិពលលើនយោបាយជាតិទៀតហើយ ។ លោកជេម សុខ ក៏បានលើកឡើងថា លោកសម រង្ស៊ី គ្រាន់តែជាគល់ឈើមួយគល់ដែលកំពុងធ្វើជា ឧបសគ្គទទឹងផ្លូវ ។ ចំណែកចំនួនមនុស្សគាំទ្រលោកសម រង្ស៊ី បាន និងកំពុងថយចុះជាអតិបរិមា ។ ជាមួយគ្នានោះដែរ លោកជេម សុខ បានលើកឡើងថា លោកសម រង្ស៊ី មិនហ៊ានចេញមុខក្នុងការធ្វើបាតុកម្មនោះទេ ។
ជាក់ស្តែងនៅលោកសម រង្ស៊ី បានតែយកមុខប៉ុណ្ណោះ ។ លោកថា «លោកសម រង្ស៊ី កំសាកមិនហ៊ានប្រឈមមុខនឹងសម្តេចហ៊ុន សែន នៅក្រុងនីវយក (September 27-30, 2018) ព្រោះខ្លាចខូចប្រយោជន៍នយោបាយផ្ទាល់ខ្លួន , លោកសម រង្ស៊ី ក៏បានគេចខ្លួនបាត់ពីមហាបាតុកម្មនៅក្រុងញូវយ៉ក» ៕
ចែករំលែកព័តមាននេះ