រាជធានីភ្នំពេញ ៖ ព្រឹទ្ធសភានៃព្រះរាជណាចក្រកម្ពុជានៅព្រឹកថ្ងៃទី១១ ខែតុលានេះព្រឹទ្ធសភាបានបើកសម័យប្រជុំវិសាមញ្ញជ្រើសរើសអនុប្រធានទី1 ដើម្បីបោះឆ្នោតជ្រើសរើសអនុប្រធានទី១ រដ្ឋសភាជំនួសកៅអីលោកនៃ បេណាដែលទទួលមរណភាព កាលពីពេលថ្មីកន្លងមកនេះ ។
សម័យប្រជុំវិសាមញ្ញព្រឹទ្ធសភាក្រោមអធិបតីភាពសម្តេចវិបុលសេនាភក្តីសាយ ឈុំ ប្រធានព្រឹទ្ធសភា ដោយលើកយករបៀបវារៈចំនួនពីរគឺ៖១- ប្រកាសទទួលស្គាល់សមាជិកព្រឹទ្ធសភាថ្មី នីតិកាលទី៤ ។ ២- បោះឆ្នោតជ្រើសរើសអនុប្រធានទី១ ព្រឹទ្ធសភានីតិកាលទី៤ ។
សូមជម្រាបថា ការបើកសម័យវិសាមញ្ញព្រឹទ្ធសភានេះ បន្ទាប់ពីគណៈកម្មាធិការអចិន្ត្រៃយ៍ព្រឹទ្ធសភា កាលពីថ្ងៃទី៥ ខែតុលា បានបើកកិច្ចប្រជុំក្រោមអធិបតីភាពលោក ទេព ងន ប្រធាន ស្តីទីព្រឹទ្ធសភា ដោយមានរបៀបវារៈដូចខាងក្រោម ៖ ១- ពិនិត្យ និងសម្រេច សំណើរបស់គ ណបក្សប្រជាជនកម្ពុជាលេខ០៤៨/១៨ និងលេខ០៤៩/១៨ លគ.គក ចុះថ្ងៃទី០៣ និងថ្ងៃទី០៤ ខែតុលា ឆ្នាំ២០១៨ ស្តីអំពីសំណើរសុំផ្លាស់ប្តូរ សមាជិកព្រឹទ្ធសភានៅមណ្ឌលភូមិភាគទី៥ និងសំណើសុំជ្រើសតាំងអនុប្រធានទី១ ព្រឹទ្ធសភាថ្មី ជំនួសលោកនៃ ប៉េណា ដែលបានទទួលមរណភាព កាលពីថ្ងៃទី២៩ ខែកញ្ញា ឆ្នាំ២០១៨ ។ ២- ពិនិត្យ និងសម្រេចលើសំណើររបស់សមាជិកព្រឹទ្ធសភា ចុះថ្ងៃទី០៤ ខែតុលា ឆ្នាំ២០១៨ ស្នើសុំព្រឹទ្ធសភាកោះប្រជុំជាវិសាមញ្ញ ។ ៣- កំណត់របៀបវារៈ កាលបរិច្ឆេទ និងសមាសភាពលេខាធិការប្រជុំវិសាមញ្ញ ព្រឹទ្ធសភានីតិកាលទី៤ ៕
ចែករំលែកព័តមាននេះ