បុរសឈ្មោះ Vijender Rana អាយុ ៤០ឆ្នាំ បានរងកាំបិតរហូតដល់បាតបង់ជីវិតបន្ទាប់ពីមិនព្រមសុំទោសសត្វឆ្កែមួយដែលលោកបើករថយន្តប៉ះ ។ បុរសខាងលើរងកាំបិត៦ដងនៅមុខក្រុមគ្រួសាររបស់ខ្លួនបន្ទាប់ពីត្រូវបានអូសចេញពីផ្ទះខ្លួនកាលពីល្ងាចថ្ងៃសុក្រមុននៅតំបន់ Uttam Nagar…
បុរសឈ្មោះ Vijender Rana អាយុ ៤០ឆ្នាំ បានរងកាំបិតរហូតដល់បាតបង់ជីវិតបន្ទាប់ពីមិនព្រមសុំទោសសត្វឆ្កែមួយដែលលោកបើករថយន្តប៉ះ ។ បុរសខាងលើរងកាំបិត៦ដងនៅមុខក្រុមគ្រួសាររបស់ខ្លួនបន្ទាប់ពីត្រូវបានអូសចេញពីផ្ទះខ្លួនកាលពីល្ងាចថ្ងៃសុក្រមុននៅតំបន់ Uttam Nagar នៃញូវដែលីប្រទេសឥណ្ឌា ។
គ្រួសាររបស់លោកបានអះអាងថា បុរសបីនាក់បានទាមទារឲ្យលោក Vijender សូមទោសឆ្កែដែលមានឈ្មោះថា Tommy និងអូសលោក Vijender ទៅកាន់កន្លែងដែលលោកបើករថយន្តប៉ះសត្វឆ្កែនេះ ។ លោក Vijender បែរជាព្យាយាមរត់ទើបបុរសទាំងបីអូសលោកទៅវិញនិងសម្លាប់នៅកន្លែង ។
លោក Rajesh Rana ដែលជាបងបងប្រុសអាយុ៤៥ឆ្នាំ បានរត់ទៅជួយបន្ទាប់ពីលីសម្លេងស្រែករបស់ប្អូនប្រុសខ្លួន ហើយក៏ត្រូវបានចាក់៣ដងផងដែរ ។ បច្ចុប្បន្នលោកកំពុងស្ថិតក្នុងមន្ទីរពេទ្យ ។
ជនសង្ស័យទាំងបីមានឈ្មោះថា Ankit, Paras និង Dev Chopra និងកំពុងតែរត់គេចខ្លួនពីប៉ូលីស។
អ្នកស្រី Seema Rana ដែលជាភរិយារបស់លោក Vijender បានប្រាប់ថា បុរសជាប្តីខ្លួនបានព្យាយាមជួយបងប្រុសដែលកំពុងរងដុំថ្ម បន្ទាប់មកមនុស្សពីរនាក់បានចាប់ប្តីអ្នកស្រីជាប់និងចាក់ជាច្រើនដងខណៈដែលអ្នកស្រីនិងកូនប្រុសសូមអង្វរឲ្យពួកគេឈប់ ៕
ចែករំលែកព័តមាននេះ