ស្លុតចិត្ត ឆក់យកជីវិតម្តាយ និងកូន២នាក់ភ្លាមៗនៅហ្នឹងកន្លែង
- កំពង់ចាម
ខេត្តកំពង់ចាម ៖ លោកវរសេនីយ៏ត្រី សុខ សូល អធិការរងនគរបាលស្រុកបាធាយបានប្រាប់ឱ្យដឹងថា កាលពីវេលាម៉ោង៤និង២០នាទីរសៀល ថ្ងៃទី០៨ ខែតុលា ឆ្នាំ២០១៨…
ខេត្តកំពង់ចាម ៖ លោកវរសេនីយ៏ត្រី សុខ សូល អធិការរងនគរបាលស្រុកបាធាយបានប្រាប់ឱ្យដឹងថា កាលពីវេលាម៉ោង៤និង២០នាទីរសៀល ថ្ងៃទី០៨ ខែតុលា ឆ្នាំ២០១៨ ត្រង់ចំណុចផ្លូវបំបែកជាបួន ភូមិផ្អាវ ឃុំផ្អាវ ស្រុកបាធាយ មានករណីគ្រោះថ្នាក់ចរាចរណ៏បានកើតឡើង រវាងរថយន្តឡិចស៊ីស ពណ៌ស្ក ពាក់ផ្លាកលេខ ភ្នំពេញ 2M-6417 បើកបរដោយឈ្មោះ ស៊ីម ស៊ាន់ ភេទប្រុស អាយុ៤៦ឆ្នាំ មានស្រុកកំណើតនៅស្រុកកំពង់សៀម ខេត្តកំពង់ចាម បានបើកបរក្នុងទិសដៅពីជើងទៅត្បូងដោយបានរ៉េចង្កូតទៅឆ្លងផ្លូវចូលទៅម្ខាងទៀតបុកជាមួយនឹងរថយន្តធុនធំ ម៉ាកហ៊ីយ៉ានដាយ ពាក់ផ្លាកលេខ សៀមរាប 3A-2455 បើកបរដោយឈ្មោះ គិន វ៉ាន់ធី ភេទប្រុស អាយុ៣៥ឆ្នាំ នៅភូមិស្វាយទាប ឃុំស្វាយទាប ស្រុកចំកាលើ ខេត្តកំពង់ចាម ក្នុងទិសដៅពីត្បូងទៅជើង ដោយបានបុកគ្នាលាន់ដូចរន្ទះ ។
ករណីនេះបណ្តាលឲ្យស្លាប់មនុស្សដែលជិះលើរថយន្តឡិចស៊ីសចំនួន៣នាក់មានទី១-ឈ្មោះ ហង់ សារ៉េត ភេទស្រី អាយុ៤៥ឆ្នាំ ប្រពន្ធអ្នកបើកបរ(ស្លាប់), ទី២-ឈ្មោះ ស៊ីម វិច្ឆិការ ភេទប្រុស អាយុ១៧ឆ្នាំ ត្រូវជាកូន(ស្លាប់) និងទី៣-ឈ្មោះ ស៊ីម កុសល ភេទប្រុស អាយុ១៨ឆ្នាំ ត្រូវជាកូន(ស្លាប់) ។ ចំនែកអ្នករងរបួសមាន២នាក់ទី១-អ្នកបើកបររថយន្តឡិចស៊ីស ត្រូវស្រាល និងទី២-ឈ្មោះ តន់ ចាន់តូ ភេទប្រុស អាយុ១៣ឆ្នាំ ត្រូវជាក្មួយអ្នកបើកបររបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យ ។
សមត្ថកិច្ចមូលដ្ឋានបញ្ជាក់ថា ៖«អ្នករថយន្តឡិចស៊ីសកំពុងតែបើកនៅលើដងផ្លូវជាតិលេខ៦ ស្រាប់តែមានម៉ូតូ១គ្រឿងបានជិះឆ្លងពីខាងមុខ ត្រង់ផ្លូវបំបែកជាបួនស្របពេលដែលរថយន្តបានប្រឹងគេចក៏ចូលរថយន្តធំលាន់ជាខ្លាំងដោយបានផ្ទុះពោងសុវត្ថិភាព ហើយរថយន្តរងការខូចខាតជាដំណំបណ្តាលឲ្យស្លាប់ភ្លាមៗដល់ទៅ៣នាក់» ។ វត្ថុតាងទាំងត្រូវបានសមត្ថកិច្ចនាំយកទៅរក្សាទុកនៅអធិការដ្ឋាននគរបាលស្រុកបាធាយ ដើម្បីរងចាំដោះស្រាយតាមច្បាប់ ៕
ចែករំលែកព័តមាននេះ