រាជធានីភ្នំពេញ ៖ សម្តេចតេជោ ហ៊ុន សែន នៅព្រឹកថ្ងៃទី០៥ តុលានេះ បានប្រកាសលុបចោលគម្រោងបែងចែកខេត្តចំនួនពីរ ។ ថ្លែងក្នុងទិវាគ្រូបង្រៀនក្រោមប្រធានបទ«គុណភាពគ្រូបង្រៀនជាគុណភាពមូលធនមនុស្សសម្រាប់ការអភិវឌ្ឍប្រកបដោយចីរភាព»…
រាជធានីភ្នំពេញ ៖ សម្តេចតេជោ ហ៊ុន សែន នៅព្រឹកថ្ងៃទី០៥ តុលានេះ បានប្រកាសលុបចោលគម្រោងបែងចែកខេត្តចំនួនពីរ ។ ថ្លែងក្នុងទិវាគ្រូបង្រៀនក្រោមប្រធានបទ«គុណភាពគ្រូបង្រៀនជាគុណភាពមូលធនមនុស្សសម្រាប់ការអភិវឌ្ឍប្រកបដោយចីរភាព» សម្តេចបញ្ជាក់យ៉ាងដូច្នេះថា« នៅព្រឹកថ្ងៃទី០៥ តុលានេះ ខ្ញុំនឹងចេញអនុក្រឹត្យលុបចោលម្រោងបង្កើតខេត្តកណ្តាល និងខេត្តមណ្ឌលគិរី» ។
សម្តេចបន្ថែមថា ៖ អ្នកណាធ្វើចៅហ្វាយខេត្តថ្មី អីញ្ចឹងចំណាក្រហមត្រឡប់ទៅវិញ«ប្រញាប់ងាប់ទៅណា ? ឯងមិនទាន់សម្រេចបង្កើតផង វាចែកគ្នាធ្វើចៅហ្វាយខេត្តធ្វើអនុខេត្តទៅហើយ ។ អាលូវនេះរាល់ស្ងាប័នព្រោះ ថាបើត្រូវធ្វើ គឺធ្វើមុខការបោះឆ្នោតឃុំសង្កាត់ ។ អីញ្ចឹងបើចែកជាពីរមានអនុប្រធាន និងប្រធានខេត្ត» ។ សម្តេច ៖ អាឡូវមហាផ្ទៃនៅឲ្យស្ងៀមបិទកុំព្យូទ័រចោលឲ្យអស់កុំធ្វើអ្វីតទៅទៀត ។ ខ្ញុំគ្មានពេលស៊ីញ៉េរត់ទៅទៀតទេ ។ រួចហើយមន្ត្រីទីស្តីការគណៈរដ្ឋមន្ត្រីយកសេចក្តីប្រកាសរបស់ខ្ញុំថ្ងៃនេះចេញស.ជ.ណ មួយប្រកាសរបស់ខ្ញុំបញ្ចប់ការស្រាវជ្រាវលើការបែងចែកខេត្តកណ្តាល និងខេត្តមណ្ឌលគិរីឲ្យចាប់បានហើយ ! ខ្ញុំរវល់ណាស់» ។
សម្តេចតេជោបានបន្ថែមថា មានក្រុមមនុស្សមួយចំនួនដែលចាប់ផ្តើមផ្គូរផ្គង ហើយយកលុយគ្នាត្រូវទាលុយយកមកវិញ ។ សម្តេចក៏បានលើកឡើងថា កុំយកលេសថា ការបង្កើតថ្មីជាការផ្តល់សេវាជូនប្រជាជនឲ្យសោះ ។ បញ្ហានោះស្ថិតនៅត្រង់អ្នកធ្វើ ឬមិនធ្វើ ។ ព្រោះខេត្តកណ្តាលមួយជីវិត នៅតែខេត្តកណ្តាលដដែលអាឡូវដីឲ្យភ្នំពេញអស់ជាង៣០០គីឡូម៉ែត្រ វាមិនស្លាប់ ។ សម្តេចតេជោគូសបញ្ជាក់ ការលុបការសិក្សាថា៖«ខ្ញុំស្មានតែគេសិក្សាស្ងាត់ៗដូចខេត្តត្បូងឃ្មុំ ដើម្បីឲ្យឃើញព្រោះសេនាធិការយើងមហាផ្ទៃក្នុងការគ្រប់គ្រង់រដ្ឋបាលដែនដីអីញ្ចឹងសិក្សាមើលថា មានផលលំបាក និងងាយស្រួលយ៉ាងណាពេលបំបែបទៅ ។
យើងទុកចឹងវាយ៉ាងម៉េចហើយបំបែកយ៉ាងម៉េច ហើយអានេះទំលាយតែម្តង មិនបានប្រមាណ២៤ម៉ោង ។ សម្តេចតេជោបានបន្ថែមថា ការគម្រោងបង្កើតខេត្តនេះបានក្លាយជាសាច់ជ្រូកបីជាន់របស់មន្ត្រីខិលខួចទៅទៀត ។ ហើយបើនៅខេត្តកណ្តាលដោយទៅមួយបក្សតែម្តង ក្នុងនោះមានលោកឧបកនាយករដ្ឋមន្ត្រីគន់គីមទៀត ។ សម្តេចថា សម្តេចបានចាថា ប្រញាប់ងាប់ទៅណា?៕
ចែករំលែកព័តមាននេះ