កើតទុក្ខមិនសុខចិត្ត Pep Guardiola ចេញមកបកស្រាយរឿង Mbappe មក Man City
តាមប្រភពព័ត៌មាន Manchester Evening News បានឲ្យដឹងថា គ្រូបង្វឹករបស់ក្រុមមេឃខៀវ Manchester City លោក Pep…
តាមប្រភពព័ត៌មាន Manchester Evening News បានឲ្យដឹងថា គ្រូបង្វឹករបស់ក្រុមមេឃខៀវ Manchester City លោក Pep…
តាមប្រភពព័ត៌មាន Manchester Evening News បានឲ្យដឹងថា គ្រូបង្វឹករបស់ក្រុមមេឃខៀវ Manchester City លោក Pep Guardiola បានបកស្រាយលើពាក្យចចាមអារាមដែលលើកឡើងថា កីឡាករសំខាន់របស់ក្លិបអ្នកមានបារាំង Kylian Mbappe មកលេងនៅ Man City ។
ពាក្យចចាមអារាមនេះលេចឡើងនៅកាលពីថ្ងៃចុងសប្តាហ៍កន្លងមកនេះ ដែលថា Mbappe គឺជាកីឡាករដែល Man City កំពុងរំពៃចង់បាន ដើម្បីយកមកប្តូរជាមួយនឹង Raheem Sterling តែលោក Guardiola បានច្រានចោលការលើកឡើងនេះ ហើយស្នើសុំឲ្យមានការគោរពដល់មុខមាត់របស់ Sterling និង Mbappe ផង ។
លោកបានឆ្លើយប្រាប់ថា ៖«វានឹងមិនអាចកើតឡើងទេ ។ ពេលខ្លះខ្ញុំមិនយល់សោះ ថាព័ត៌មាននោះមកពីណា»។
លោក Pep បានបន្តថា ៖«City នឹងមិនជះលុយលើ Mbappe នោះទេ ហើយ PSG ក៏សមនឹងមានរូបគេនៅលេងដែរ ។ PSG នឹងមិនលក់គេទេ តាមខ្ញុំទាយទុក ។ គេក៏នឹងមិនមកលេងនៅទីនេះ ហើយយើងក៏មិនយកគេមកជំនួសនរណាម្នាក់ដែរ ។ ពួកយើងនឹងមិនយកគេមកប្តូរជាមួយ នឹងកីឡាករណាម្នាក់របស់យើងដែរ ។ មហាជនគួរតែមានការគោរពល្អជាងនេះមកកាន់កីឡាកររបស់យើង និង កីឡាករនៅក្រុមផ្សេងទៀត»៕
ចែករំលែកព័តមាននេះ