ខេត្តបន្ទាយមានជ័យ ៖ សិស្សក្រីក្រចំនួន១០០នាក់នៅសាលាដាច់ស្រយាលមួយស្ថិតក្នុងស្រុកម៉ាឡៃ ទទួលអំណោយលោកឧត្តមសេនីយ៍ទោអាត់ ខែម ស្នងការនគរបាលខេត្តបន្ទាយមានជ័យ និងសប្បុរសជន តាមរយៈគ្រួសារលោកនាយរងការិយាល័យប្រឆាំងការជួញដូរនិងការពារអនីតិជនម្នាក់កាលពីថ្ងៃទី២ សីហា២០១៨ ។…
ខេត្តបន្ទាយមានជ័យ ៖ សិស្សក្រីក្រចំនួន១០០នាក់នៅសាលាដាច់ស្រយាលមួយស្ថិតក្នុងស្រុកម៉ាឡៃ ទទួលអំណោយលោកឧត្តមសេនីយ៍ទោអាត់ ខែម ស្នងការនគរបាលខេត្តបន្ទាយមានជ័យ និងសប្បុរសជន តាមរយៈគ្រួសារលោកនាយរងការិយាល័យប្រឆាំងការជួញដូរនិងការពារអនីតិជនម្នាក់កាលពីថ្ងៃទី២ សីហា២០១៨ ។
សិស្សក្រីក្រទាំង១០០នាក់ខាងលើ ក្នុងនោះ៣៥នាក់ជាសិស្សនៅចំណុចព្រៃឬស្សី និង៦៥នាក់ទៀតរៀននៅសាលាបឋមសិក្សាភ្នំយាយសំ ស្ថិតក្នុងភូមិទួលពង្រ និងឃុំទួលពង្រ ស្រុកម៉ាឡៃ។
សិស្សម្នាក់ៗទទួលបានសៀវភៅ៣ក្បាល ខ្មៅដៃ១ ប៊ិច១ មី៣កញ្ចប់ ថ្នាំដុសធ្មេញ១ ច្រាស់ដុសធ្មេញ១ និងថវិកាមួយចំនួន។
លោកវរសេនីយ៍ត្រីអោក សំណុក នាយរងការិយាល័យប្រឆាំងការជួញដូរនិងការពារអនីតិជននៃស្នងការដ្ឋាននគរបាលខេត្តបន្ទាយមានជ័យបានប្រាប់កោះសន្តិភាពថា អំណោយដែលនាំយកចែកជូនសិស្សក្រីក្រភូមិដាច់ស្រយាលខាងលើនេះ មួយចំនួនធំជារបស់លោកឧត្តមសេនីយ៍ទោអាត់ ខែម ស្នងការនគរបាលខេត្ត និងមួយចំនួនទៀតជារបស់សប្បុរសជនដែលជាមិត្តភ័ក្តិរបស់លោក និងតាមរយៈលោកផងដែរ។
ចែករំលែកព័តមាននេះ