ចិន ៖ តាមប្រភពព័ត៌មាន Metro បានឲ្យដឹងថា រថយន្តហោះលើកដំបូងគេរបស់ពិភពលោក នឹងត្រូវដាក់ឲ្យបញ្ជាទិញចាប់ពីខែក្រោយ។ វាអាចមានតម្លៃក្បែរ៤០ម៉ឺនដុល្លារអាមេរិក។
ក្រុមហ៊ុនចិនយីហោ Terrafugia កំពុងតែត្រៀមនឹងវាយលុកទីផ្សារ ជាមួយនឹងផលិតផលរថយន្តហោះលើមេឃដំបូងគេបង្អស់ក្នុងពិភពលោក។ វាអាចបើកបរលើដីបានដោយធម្មតា ហើយអាវប្លែងទៅជាយន្តហោះក្នុងពេលមួយពព្រិចភ្នែក។
រថយន្តនេះត្រូវបានហៅថា the Transition ដែលមានល្បឿនអាចបើកបរជាអតិបរមាលើអាកាស១០០ម៉ាយក្នុងមួយម៉ោង។ វាមានស្លាបធំៗពីរ ដែលត្រូវបានបត់ឲ្យតូច ពេលបើកបរលើដី។ នៅពេលត្រៀមនឹងហោះស្លាបទាំងពីរនឹងបើកហោះទៅជាយន្តហោះ។ គេអាចជិះបានពីរនាក់ និងអាចបញ្ជាឲ្យទៅជាយន្តហោះលឿនជាងមួយនាទី។
តាមការលើកឡើងរបស់ភ្នាក់ងារព័ត៌មានចិន Xinhua បានប្រាប់ថា ការដាក់ឲ្យបញ្ជាទិញនឹងចាប់ផ្តើមនឹងខែតុលា។ វាអាចមានតម្លៃក្បែរនឹង៤០ម៉ឺនដុល្លារ រហូតដល់៥២ម៉ឺនដុល្លារ៕
ចែករំលែកព័តមាននេះ