តាមទីភ្នាក់ព័ត៌មាន AP បានឱ្យដឹងថា យុវជនឥណ្ឌូណេស៊ីម្នាក់ឈ្មោះ Aldi Novel Adilang អាយុ១៩ឆ្នាំ ជាអ្នកមើលការខុសត្រូវនៅលើទូកនេសាទសមុទ្រមួយគ្រឿង ដែលអ្នកស្រុកតែងហៅថា…
តាមទីភ្នាក់ព័ត៌មាន AP បានឱ្យដឹងថា យុវជនឥណ្ឌូណេស៊ីម្នាក់ឈ្មោះ Aldi Novel Adilang អាយុ១៩ឆ្នាំ ជាអ្នកមើលការខុសត្រូវនៅលើទូកនេសាទសមុទ្រមួយគ្រឿង ដែលអ្នកស្រុកតែងហៅថា «Roompong» បានរសាត់អណ្តែតទៅក្នុងលំហសមុទ្រដែលមានចម្ងាយប្រមាណ១.៩៣១គីឡូម៉ែត្រ គឺចូលដល់ដែនទឹកប្រទេសជប៉ុនតាំងពីថ្ងៃទី១៤ ខែកក្កដា មកម៉្លេះ ដោយសារខ្យល់បក់ខ្លាំងបង្កឱ្យមានរលកធំៗ ទើបរបូតយុថ្កា ហើយអណ្តែតគ្មានកោះត្រើយរយៈពេល៤៩ថ្ងៃមកហើយ។
យុវជន Aldi Novel Adilang គឺជាអ្នកមើលការខុសត្រូវខាងអំពូលភ្លើងលើខ្ទមឈើបណ្តែតទឹកមួយ ស្ថិតនៅចម្ងាយប្រមាណ១២៥គីឡូម៉ែត្រពីមាត់ឆ្នេរ ។ នេះបើយោងតាមសេចក្តីរាយការណ៍ពីសារព័ត៌មាន Jakarta Post ។
តួនាទីរបស់យុវជនរូបនេះ គឺត្រូវធ្វើការម្នាក់ឯងជាច្រើនខែនៅលើទូក ដើម្បីបំភ្លឺភ្លើងសម្រាប់ចាប់ត្រី ។ ចំពោះស្បៀងអាហារវិញ ត្រូវបានផ្តល់ឱ្យរៀងរាល់សប្តាហ៍ ដូច្នេះមានន័យថា Aldi Novel Adilang មិនមានអាហារគ្រប់គ្រាន់សម្រាប់ផ្គត់ផ្គង់រហូតដល់៤៩ថ្ងៃនោះទេ ក្នុងអំឡុងពេលបាត់ដានចេញពីកន្លែងធ្វើការ ។
អគ្គកុងស៊ុលឥណ្ឌូណេស៊ី លោក Murza Nurhidayat បានឱ្យដឹងថា វិធីសាស្ត្រដែល Aldi Novel Adilang ប្រើប្រាស់សម្រាប់ដោះស្រាយបញ្ហានៅពេលដាច់ស្បៀង គឺចាប់ត្រីធ្វើជាអាហារ និងផឹកទឹកសមុទ្រដោយច្រោះពីអាវរបស់គេ ។
រឿងរ៉ាវដ៏កម្សត់នេះ ត្រូវបាន Aldi Novel Adiang រៀបរាប់ថា រូបគេបានឃើញនាវាជាង១០ឆ្លងកាត់ ប៉ុន្តែពួកគេទាំងនោះមិនបានចាប់អារម្មណ៍លើទូកបណ្តែតទឹកដ៏តូចនេះឡើយ មុនពេលនាវារបស់ប៉ាណាម៉ា MV Arpeggio ប្រទះឃើញក្នុងដែនទឹកជប៉ុន កាលពីថ្ងៃទី៣០ ខែសីហាកន្លងទៅ ។
ក្រោយពីទទួលបានការជួយសង្គ្រោះពីក្រុមនាវិករួចមក Aldi Novel Adilang បានទៅដល់ប្រទេសជប៉ុននៅថ្ងៃទី៦ ខែកញ្ញា និងត្រឡប់ទៅឥណ្ឌូណេស៊ីវិញនៅ២ថ្ងៃបន្ទាប់ ៕ វីដេអូដកស្រង់ចេញពី ៖ Imo AR
https://www.youtube.com/watch?v=HnUVm127ALM
ចែករំលែកព័តមាននេះ