ទីក្រុងប៉េកាំង ៖ ទិន្នន័យបានបង្ហាញឲ្យថា គម្រោងវិនិយោគ ឬក៏បំណងវិនិយោគក្នុងវិស័យបច្ចេកវិទ្យាកម្រិតខ្ពស់របស់ប្រទេសចិនមានការលូតលាស់យ៉ាងរឹងមាំក្នុងអំឡុងពេល៨ ខែដំបូងនាឆ្នាំ២០១៨នេះ ។ គណៈកម្មាធិការជាតិអភិវឌ្ឍន៍ និងកែទម្រង់បាននិយាយក្នុងរបាយការណ៍មួយថា ចាប់ពីខែមករាដល់ខែសីហាកន្លងមក…
ទីក្រុងប៉េកាំង ៖ ទិន្នន័យបានបង្ហាញឲ្យថា គម្រោងវិនិយោគ ឬក៏បំណងវិនិយោគក្នុងវិស័យបច្ចេកវិទ្យាកម្រិតខ្ពស់របស់ប្រទេសចិនមានការលូតលាស់យ៉ាងរឹងមាំក្នុងអំឡុងពេល៨ ខែដំបូងនាឆ្នាំ២០១៨នេះ ។
គណៈកម្មាធិការជាតិអភិវឌ្ឍន៍ និងកែទម្រង់បាននិយាយក្នុងរបាយការណ៍មួយថា ចាប់ពីខែមករាដល់ខែសីហាកន្លងមក ការវិនិយោគថ្មីៗក្នុងវិស័យទាំងនេះបានកើនឡើងដល់ទៅ ៦៩,៦% បើធៀបនឹងឆ្នាំមុន ។
វិស័យអេឡិចត្រូនិក និងព័ត៌មានមើលឃើញការវិនិយោគកើនឡើងដល់ទៅ១៣៣,៩% បន្ទាប់ពីនោះគឺវិស័យថាមពលថ្មី កើនឡើង ៨៩,៩% និងវិស័យវត្ថុធាតុថ្មីៗ កើនឡើងបាន ៦៨%ជាដើម ។
របាយការណ៍ខាងលើបានឲ្យដឹងទៀតថា វិស័យផលិតឧបករណ៍ថ្នាក់ខ្ពស់ ការការពារបរិស្ថាន និងបច្ចេកវិទ្យាជីវសាស្ត្រ មើលឃើញគម្រោងវិនិយោគកើនឡើង២៩,១%, ២៣,៤% និង៨,៨% រៀងគ្នាផងដែរ ។
យោងតាមរបាយការណ៍បានបង្ហាញថា ការប្តេជ្ញាក្នុងការវិនិយោគក្នុងវិស័យបច្ចេកវិទ្យាបានល្អប្រសើរឡើង ខណៈដែលប្រទេសចិនគាំទ្រដល់ការអភិវឌ្ឍដែលមានការជំរុញដោយការបង្កើតថ្មី ខិតខំស្រាវជ្រាវក្នុងផ្នែកបច្ចេកវិទ្យាសំខាន់ៗ និងគាំទ្រដល់ការខិតខំរបស់ក្រុមហ៊ុនក្នុងការអភិវឌ្ឍន៍ផ្នែកបច្ចេកវិទ្យា ។
កាលពី៨ខែដំបូងនាឆ្នាំនេះ ប្រទេសចិនមានគម្រោងវិនិយោគថ្មីៗសរុបកើនឡើង៤,៥% បើធៀបនឹងឆ្នាំមុន ឬកើនឡើង១,៤% បើធៀបនឹង៧ខែដំបូងនាឆ្នាំនេះ ៕
ចែករំលែកព័តមាននេះ