ខេត្តក្រចេះ ៖ នគរបាលស្រុកចិត្របុរីបាននិយាយថា ក្មេងប្រុសវ័យជំទង់ម្នាក់ក្នុងចំ ណោមគី្នគ្នា៣នាក់ ដែលបានធ្វើសកម្មភាពលួចយកហិបបច្ច័យពុទ្ធបូជាដែលគណៈកម្មាធិការ វត្តបានរៀបចំដាក់ទុកនៅមុខដងទង់លើកំពូលភ្នំសំបុក តែធ្វើសកម្មភាពលួចមិនបានសម្រេច ដោយត្រូវព្រះសង្ឃឃើញទាន់ គឺត្រូវបាននគរបាលចាប់ខ្លួនបានភ្លាមៗក្រោយធ្វើសកម្មភាព ។
ជនសង្ស័យដែលជាចោរដៃឆៅវ័យក្មេងរូបនេះឈ្មោះថាន ទុច ហៅចាប អាយុ១៩ឆ្នាំ រស់ នៅក្នុងឃុំថ្មគ្រែ ស្រុកចិត្របុរី ក្បែរ និងរមនីយដ្ឋានភ្នំសំបុក ។
នាយផ្នែកព្រហ្មទណ្ឌស្រុកចិត្របុរីលោកហេង ប៊ុនធឿន បានឲ្យដឹងថា កាលពីថ្ងៃកើត ហេតុទី២៣ ខែកញ្ញានេះ ជនសង្ស័យម្នាក់នេះជិះម៉ូតូមួយគ្រឿងសម្តៅឡើងទៅលើកំពូលភ្នំ ។ ពេលទៅដល់រូបគេបានបបួលក្មេងឃ្វាលគោពីរនាក់ទៀតឲ្យទៅលួចយកហិបបច្ច័យពុទ្ធបូជាដែលដាក់នៅពីមុខដងទង់នៅលើកំពូលភ្នំ ។
នៅពេលលួចបានហិបជនសង្ស័យបានយកហិបនោះមកគាស់សោ ដើម្បីយកលុយតែ ក៏ត្រូវបានព្រះសង្ឃជាច្រើនអង្គបាននិមន្តមក ក៏ឃើញទាន់ ។ ពេលនោះមានការស្រែកឆោឡោពីព្រះសង្ឃជនសង្ស័យ និងបក្សពួក បានរត់គេចខ្លួនចុះមកជើងភ្នំ តែដោយការធ្វើសកម្មភាពគាស់ទម្លុះហិបយកលុយរបស់ពួកគេមិនបានសម្រេចនោះទេ ។
លោកនាយផ្នែកព្រហ្មទណ្ឌបានឲ្យដឹងទៀតថា ក្រោយពីមានបណ្តឹងរាយការណ៍មក នគរបាលពីគណកម្មការការវត្តកម្លាំងនគរបាលក៏បានឡោមព័ទ្ធចាប់ជនសង្ស័យនេះបាននៅ និងផ្ទះរបស់គេ ដែលមានទីតាំងនៅក្បែរភ្នំ និងក៏បានឆែកឆេររកឃើញមានដាវសាំម៉ូរ៉ៃយ៉ាង មុត ចំនួន២ដើមថែមទៀតផង ៕
ចែករំលែកព័តមាននេះ