Hugo Lloris អ្នកចាំទីក្រុមជម្រើសជាតិបារាំងរបស់ក្លិប Spurs ត្រូវពិន័យជាប្រាក់ចំនួន៥០.០០០ផោន ឬប្រហែល៦៣.០០០ដុល្លារ និងហាមបើកបររយៈពេល២០ខែ ក្រោយពីចាប់ខ្លួនក្នុងពេលបើកបរទាំងស្រវឹង ហើយក៏មិនមែនជាលើកដំបូង ព្រោះកាលពីមុននេះធ្លាប់ទទួលការក្រើនរំលឹកជាច្រើនលើកមកហើយ ។
ចំពោះហេតុការណ៍ដែលកើតឡើងក្នុងពេលបន្ទាប់អាចធ្វើឲ្យកីឡាកររូបនេះទទួលនូវការអាម៉ាស់លើទង្វើរបស់ខ្លួន ដោយប៉ូលិសបានស្នើឲ្យក្លិប«មាន់ខ្នាយមាស» Spurs គួរដកហូតតំណែងជាប្រធានក្រុមព្រោះមានឥរិយាបថមិនសមរម្យ ។
ទោះជាបែបណាក៏ដោយលោក Mauricio Pochettino គ្រូបង្វឹកជនជាតិអាហ្សង់ទីនរបស់ក្លិបSpurs នៅមិនទាន់សម្រេចចិត្តលើរឿងនេះនៅឡើយទេ ។ អ្នកចាំទីដៃស្អិតអាយុ៣១ឆ្នាំពិនិត្យឃើញថា មានជាតិស្រវឹងខ្ពស់ជាង២ដងក្រោយពីប៉ូលិសធ្វើកាវាស់ស្ទង់នៅក្រុងឡុង កាលពីខែសីហាកន្លងមក ៕
ចែករំលែកព័តមាននេះ